| ກະຊວງປ້ອງກັນປະເທດ ຫວຽດນາມ - ລາວ - ກຳປູເຈຍ ເພີ່ມທະວີການຮ່ວມມື | |
| ທ່ານເອກອັກຄະລັດຖະທູດ Denny Abdi: ເພີ່ມທະວີການພົວພັນຄູ່ຮ່ວມມືຍຸດທະສາດ ຫວຽດນາມ - ອິນໂດເນເຊຍ ໃຫ້ເລິກເຊິ່ງກ່ວາອີກ |
ເນື່ອງໃນໂອກາດເຂົ້າຮ່ວມກອງປະຊຸມວົງແຄບລັດຖະມົນຕີປ້ອງກັນປະເທດ ອາຊຽນ (ADMM ວົງແຄບ) ຢູ່ແຂວງ ຫຼວງພະບາງ, ພາກເໜືອຂອງລາວ, ຕອນບ່າຍວັນທີ 5 ມີນາ ທ່ານພົນໂທ ຫງວຽນເຕີນເກືອງ, ຫົວໜ້າເສນາທິການໃຫຍ່ ກອງທັບປະຊາຊົນ ຫວຽດນາມ, ຮອງລັດຖະມົນຕີກະຊວງປ້ອງກັນປະເທດ ໄດ້ມີການພົບປະສອງຝ່າຍກັບຮອງລັດຖະມົນຕີກະຊວງປ້ອງກັນປະເທດ ອິນໂດເນເຊຍ - ທ່ານ Muhammad Herindra, ແລະ ຮອງລັດຖະມົນຕີກະຊວງປ້ອງກັນປະເທດ ຟີລິບປິນ - ທ່ານ Irineo C. Espino.
ທີ່ການພົບປະກັບທ່ານຮອງລັດຖະມົນຕີກະຊວງປ້ອງກັນປະເທດ ອິນໂດເນເຊຍ Muhammad Herindra, ທ່ານພົນໂທ ຫງວຽນເຕີນເກື່ອງ ໄດ້ສະແດງຄວາມຊົມເຊີຍກະຊວງປ້ອງກັນປະເທດ ອິນໂດເນເຊຍ ທີ່ຫາກໍໄດ້ຈັດຕັ້ງບັນດາເຫດການໃນປີເປັນປະທານອາຊຽນ 2023 ຢ່າງສຳເລັດຜົນ, ປະກອບສ່ວນຮັກສາກຳລັງແຮງການຮ່ວມມື, ຍົກສູງທີ່ຕັ້ງຂອງ ອາຊຽນ.
ທ່ານພົນໂທ ຫງວຽນເຕີນເກືອງ ໄດ້ສະແດງຄວາມປິຕິຊົມຊື່ນຕໍ່ການພັດທະນາອັນດີງາມຂອງການພົວພັນສອງຝ່າຍລະຫວ່າງ ຫວຽດນາມ - ອິນໂດເນເຊຍ.
 |
| ທ່ານພົນໂທ ຫງວຽນເຕີນເກືອງ ໄດ້ພົບພະກັບທ່ານ Muhammad Herindra, ຮອງລັດຖະມົນຕີກະຊວງປ້ອງກັນປະເທດ ອິນໂດເນເຊຍ |
ບົນພື້ນຖານໝາກຜົນຂອງບັນດາເອກະສານການຮ່ວມມືທີ່ໄດ້ລົງນາມ, ສອງຝ່າຍໄດ້ເຫັນດີເປັນເອກະພາບ, ຊຸກຍູ້ການຮ່ວມມືໃນທຸກຂົງເຂດ, ເປັນຕົ້ນແມ່ນການພົບພະແລກປ່ຽນຄະນະຜູ້ແທນທຸກຂັ້ນ, ພິເສດ ແມ່ນຄະນະຜູ້ແທນຂັ້ນສູງ; ບັນດາກົນໄກເຈລະຈາລະຫວ່າງສອງກະຊວງປ້ອງກັນປະເທດ; ການຮ່ວມມືດ້ານການທະຫານ, ເຫຼົ່າທະຫານ; ຄົ້ນຄວ້າເປີດກວ້າງການຮ່ວມມືໃນບັນດາຂົງເຂດທີ່ຄວາມສາມາດບົ່ນຊ້ອນຄື ອຸດສາຫະກຳປ້ອງກັນຊາດ, ພະລາທິການ ແລະ ການແພດທະຫານ; ສືບຕໍ່ປະສານສົມທົບ, ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສເຫດການຫຼາຍຝ່າຍ.
ທ່ານພົນໂທ ຫງວຽນເຕີນເກືອງ ປາດຖະໜາວ່າ ກຳລັງເຈົ້າທີ່ປະຕິບັດກົດໝາຍຢູ່ທະເລຂອງສອງປະເທດ ກໍເພີ່ມທະວີການສົມທົບແລກປ່ຽນຂໍ້ມູນ, ການຮ່ວມມື, ໜູນຊ່ວຍກຳປັ່ນຫາປາ ແລະ ຊາວປະມົງຂອງກັນ ທີ່ຖືກເຄາະຮ້າຍຢູ່ທະເລ, ກໍຄືການປະພຶດມະນຸດສະທຳຕໍ່ກຳປັ່ນຫາປາ ແລະ ຊາວປະມົງ, ເໝາະສົມກັບສາຍພົວພັນສອງປະເທດ ແລະ ຈິດໃຈສາມັກຄີຂອງ ອາຊຽນ.
ທີການພົບພະກັບທ່ານລັດຖະມົນຕີກະຊວງປ້ອງກັນປະເທດ ຟີລິບປິນ Irineo C. Espino, ສອງຝ່າຍ ໄດ້ຕີລາຄາວ່າ ການພົວພັນດ້ານປ້ອງກັນປະເທດສອງຝ່າຍ ໃນໄລຍະທີ່ຜ່ານມາ ໄດ້ຜັນຂະຫຍາຍນໃນບັນດາຂົງເຂດ ຢ່າງມີປະສິດທິຜົນ, ໃນນັ້ນ ມີການພົບປະແລກປ່ຽນຄະນະຜູ້ແທນທຸກຂັ້ນ, ຜັນຂະຫຍາຍບັນດາກົນໄກການຮ່ວມມືທີ່ມີຢູ່ແລ້ວ, ສົ່ງກຳປັ່ນຢ້ຽມຢາມ; ປຶກສາ ແລະ ຟັງຄວາມຄິດເຫັນ, ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສ ແລະ ຂອບເຂດການຮ່ວມມືຫຼາຍຝ່າຍ ໂດຍ ອາຊຽນ ເປັນຜູ້ນຳພາ.
ທ່ານພົນໂທ ຫງວຽນເຕີນເກືອງ ສະເໜີສອງຝ່າຍສົ່ງເສີມການລົງນາມໃນເອກະສານຮ່ວມມືຄື: ສັນຍາການຮ່ວມມືດ້ານປ້ອງກັນຊາດ, ບົດບັນທຶກກ່ຽວກັບການໜູນຊ່ວຍພະລາທິການສອງຝ່າຍ; ບັນດາອົງການປະຕິບັດກົດໝາຍທາງທະເລຂອງສອງປະເທດຈະເພີ່ມທະວີການສົມທົບກັນໃນການແລກປ່ຽນຂໍ້ມູນ, ການຮ່ວມມື, ຊ່ວຍເຫຼືອກຳປັ່ນຫາປາ ແລະ ຊາວປະມົງຂອງກັນ ທີ່ຖືກເຄາະຮ້າຍຢູ່ທະເລ, ກໍຄືການປະພຶດມະນຸດສະທຳຕໍ່ກຳປັ່ນຫາປາ ແລະ ຊາວປະມົງ, ເໝາະສົມກັບສາຍພົວພັນສອງປະເທດ ແລະ ຈິດໃຈສາມັກຄີຂອງ ອາຊຽນ.
ສອງຝ່າຍເຫັນດີເປັນເອກະພາບ ຖືວ່າ ການຮ່ວມມືດ້ານປ້ອງກັນຊາດລະຫວ່າງສອງປະເທດ ຍັງມີຫຼາຍຄວາມສາມາດບົ່ມຊ້ອນ, ສະນັ້ນ, ສະເໜີໃຫ້ບັນດາອົງການຄົ້ນຄ້ວາຂໍ້ສະເໜີ ເພື່ອພັດທະນາການພົວພັນດ້ານປ້ອງກັນຊາດໃຫ້ເໝາະສົມກັບການພົວພັນລະຫວ່າງສອງປະເທດ.
ໃນໄລຍະຈະມາເຖິງ, ສອງຝ່າຍຈະສືບຕໍ່ສົມທົບກັນຢ່າງແໜ້ນແຟ້ນ ເພື່ອຜັນຂະຫຍາຍບັນດາເອກະສານ, ຂໍ້ຕົກລົງທີ່ໄດ້ລົງນາມຢ່າງມີປະສິດທິຜົນ, ຈຸດສຸມແມ່ນການແລກປ່ຽນຄະນະຜູ້ແທນທຸກຂັ້ນ; ຮັກສາກົນໄກເຈລະຈານະໂຍບາຍປ້ອງກັນຊາດ; ການຮ່ວມມືດ້ານການທະຫານ, ເຫຼົ່າທະຫານ ; ແລກປ່ຽນນາຍທະ ຫານໜຸ່ມ; ຄົ້ນຄວ້າຄວາມສາມາດເປີດກ້ວາງການຮ່ວມມືໃນຂົງເຂດຕ່າງໆເຊັ່ນ: ພະລາທິການ, ການແພດການທະຫານ, ຄວາມໝັ້ນຄົງ, ຄວາມປອດໄພທາງທະເລ.
ມີງດຶກ
