| ຫວຽດນາມ - ລາວ: ເພີ່ມທະວີການພົບປະແລກປ່ຽນ ລະຫວ່າງບັນດາທ້ອງຖິ່ນຂອງສອງປະເທດ | |
| ເພີ່ມທະວີການພົບປະແລກປ່ຽນປະຊາຊົນ, ພັດທະນາສາຍພົວພັນມິດຕະພາບແບບພິເສດລະຫວ່າງຫວຽດນາມ - ລາວ |
ວັນທີ 28 ກຸມພາ, ຢູ່ນະຄອນເຊີນລາ, ຄະນະຊາວໜຸ່ມແຂວງເຊີນລາ ໄດ້ໃຫ້ການຕ້ອນຮັບ ແລະເຮັດວຽກກັບຄະນະປະຕິບັດງານຂອງຄະນະບໍລິຫານງານຊາວໜຸ່ມປະຊາຊົນປະຕິວັດລາວ ແຂວງຫຼວງພະບາງ.
 |
| ບັນຍາກາດທີ່ການເຮັດວຽກ. ພາບ: baosonla.org.vn |
ທີ່ການເຮັດວຽກ, ການນຳຄະນະຊາວໜຸ່ມແຂວງເຊີນລາ ໄດ້ແລກປ່ຽນ ແລະແບ່ງປັນບົດຮຽນປະສົບການ ແລະແບບແຜນເຮັດວຽກທີ່ດີໃນວຽກງານຊາວໜຸ່ມ ແລະຂະບວນການຊາວໜຸ່ມ, ເຍົາວະຊົນ; ສ້າງຮູບແບບພັດທະນາເສດຖະກິດຂອງໄວໜຸ່ມ ແລະເສີມຂະຫຍາຍບົດບາດຂອງຊາວໜຸ່ມໃນການພັດທະນາເສດຖະກິດ.
ພ້ອມກັນນັ້ນ, ຄະນະຊາວໜຸ່ມແຂວງເຊີນລາ ກໍ່ປາດຖະໜາຢາກໃຫ້ 2 ຝ່າຍສືບຕໍ່ເພີ່ມທະວີການພົບປະແລກປ່ຽນ, ສົມທົບກັນໂຄສະນາ, ສຶກສາອົບຮົມໃຫ້ສະມາຊິກຊາວໜຸ່ມສອງແຂວງ ກ່ຽວກັບນໍ້າໃຈສາມັກຄີມິດຕະພາບແບບພິເສດລະຫວ່າງສອງປະເທດຫວຽດນາມ - ລາວ ເວົ້າລວມ ແລະລະຫວ່າງແຂວງເຊີນລາ-ຫຼວງພະບາງ ເວົ້າສະເພາະ.
 |
| ຄະນະຊາວໜຸ່ມແຂວງເຊີນລາ ມອບຂອງຂວັນໃຫ້ຄະນະປະຕິບັດງານຂອງຄະນະບໍລິຫານງານຊາວໜຸ່ມປະຊາຊົນປະຕິວັດລາວ ແຂວງຫຼວງພະບາງ. ພາບ: baosonla.org.vn |
ສ່ວນຜູ້ຕາງໜ້າຄະນະປະຕິບັດງານຂອງຄະນະບໍລິຫານງານຊາວໜຸ່ມປະຊາຊົນປະຕິວັດລາວ ແຂວງຫຼວງພະບາງ ກໍ່ສະເໜີໃຫ້ສອງຝ່າຍສືບຕໍ່ເພີ່ມທະວີການພົບປະແລກປ່ຽນ, ຮ່ວມມື, ໜູນຊ່ວຍພ້ອມກັນພັດທະນາ, ປະຕິບັດໜ້າທີ່ວຽກງານຊາວໜຸ່ມ ແລະຂະບວນການຊາວໜຸ່ມ, ເຍົາວະຊົນໃຫ້ເປັນຢ່າງດີໃນໄລຍະຈະມາເຖິງ, ຜ່ານນັ້ນ ກໍ່ປະກອບສ່ວນເພີ່ມທະວີສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານ ຫວຽດນາມ - ລາວ ໃຫ້ເລິກເຊິ່ງກ່ວາອີກ.
ເນື່ອງໃນໂອກາດນີ້, ຄະນະປະຕິບັດງານຂອງຄະນະບໍລິຫານງານຊາວໜຸ່ມປະຊາຊົນປະຕິວັດລາວ ແຂວງຫຼວງພະບາງ ໄດ້ໄປຢ້ຽມຢາມ ແລະຖອດຖອນບົດຮຽນຈາກບາງຮູບແບບເສດຖະກິດ ໂດຍຊາວໜຸ່ມເປັນເຈົ້າຂອງຢູ່ເມືອງ ມົກເຈົາ ແລະ ກວີ່ງຍາຍ ຂອງແຂວງເຊີນລາ.
ບູນມີ
