ທ່ານລັດຖະມົນຕີ ໃຫ້ຮູ້ວ່າ: ໃນສະພາບການໂລກທີ່ຜັນແປສັບສົນຢ່າງສັບສົນ, ຄາດເດົາໄດ້ຍາກ, ວຽກງານການຕ່າງປະເທດຍັງສາມາດບັນລຸໄດ້ຫຼາຍຜົນງານ, ຮັກສາສະພາບແວດລ້ອມສັນຕິພາບເພື່ອພັດທະນາ, ເຊື່ອມໂຍງເຂົ້າກັບສາກົນຢ່າງເລິກເຊິ່ງ. ບັນດາໝາກຜົນ, ຜົນງານນັ້ນ ໄດ້ມີຄວາມປະກອບສ່ວນຂອງບັນດາອົງການຜູ້ຕາງໜ້າ ຫວຽດນາມ ປະຈຳຕ່າງປະເທດ ດ້ວຍບົດບາດເປັນຂົວຕໍ່ລະຫວ່າງ ຫວຽດນາມ ກັບໂລກ, ເປັນບ່ອນອີງຂອງປະຊາຄົມຊາວ ຫວຽດນາມ ຢູ່ຕ່າງປະເທດ.
ທ່ານລັດຖະມົນຕີ ໄດ້ຮັບຮູ້ ແລະ ຕີລາຄາສູງການສົມທົບກັນຢ່າງແໜ້ນແຟ້ນລະຫວ່າງກະຊວງການຕ່າງປະເທດ ກັບກະຊວງຕຳຫຼວດ ເວົ້າລວມ, ລະຫວ່າງບັນດາອົງການຜຄ້ຕາງໜ້າການທູດ ຫວຽດນາມ ປະຈຳຕ່າງປະເທດ ກັບບັນດາຫົວໜ່ວຍທີ່ຂຶ້ນກັບກະຊວງຕຳຫຼວດ ເວົ້າສະເພາະ ໃນການຜັນຂະຫຍາຍບັນດາໜ້າທີ່ວຽກງານການຕ່າງປະເທດໃນໄລຍະທີ່ຜ່ານມາ. ທ່ານລັດຖະມົນຕີ ຢືນຢັນວ່າ ກະຊວງຕຳຫຼວດ ຍາມໃດກໍ່ຖືວຽກງານການຕ່າງປະເທດ, ການຮ່ວມມືສາກົນແມ່ນໜ້າທີ່ສຳຄັນທີ່ສຸດ.
 |
| ທ່ານລັດຖະມົນຕີກະຊວງຕຳຫຼວດ ຫວຽດນາມ ໂຕ່ເລີມ (ຂວາ) ກ່າວຄຳປາໄສທີ່ການພົບພະ ຫົວໜ້າອົງການຜູ້ຕາງໜ້າ ຫວຽດນາມ ປະຈຳຕ່າງປະເທດ ອາຍຸການ 2024 - 2027 ວັນທີ 26 ກຸມພ 2024 |
ທ່ານລັດຖະມົນຕີ ໂຕ່ເລີມ ໄດ້ສະແດງຄວາມຊົມເຊີຍບັນດາຫົວໜ້າອົງການຜູ້ຕາງໜ້າທີ່ໄດ້ຮັບຄວາມໄວ້ເນື້ອເຊື່ອໃຈມອບໜ້າທີ່ຕາງໜ້າ ຫວຽດນາມ ຢູ່ຕ່າງປະເທດຈາກພັກ, ລັດ ແລະ ປະຊາຊົນ. ທ່ານກໍສະເໜີໃຫ້ບັນດາຫົວໜ້າອົງການຜູ້ຕາງໜ້າ ຈົ່ງສືບຕໍ່ເຊື່ອມຊຶມຢ່າງເລິກເຊິ່ງບັນດາທັດສະນະ, ແຜນນະໂຍບາຍ, ທິດທາງຂອງພັກ, ລັດ ກ່ຽວກັບການຕ່າງປະເທດ ເວົ້າລວມ, ການຕ່າງປະເທດໃນຂົງເຂດການເມືອງ - ຄວາມໝັ້ນຄົງ ເວົ້າສະເພາະ. ຢຶດໝັ້ນເປົ້າໝາຍເອກະລາດແຫ່ງຊາດ ແລະ ສັງຄົມນິຍົມ, ຮັບປະກັນຜົນປະໂຫຍດຂອງຊາດອັນສູງສຸດ. ໝູນໃຊ້ການປະດິດສ້າງ "ການທູດໄມ້ໄຜ່" ໃນການພົວພັນກັບຄູ່ຮ່ວມມື. ເພີ່ມທະວີການສົມທົບກັນຢ່າງແໜ້ນແຟ້ນລະຫວ່າງກະຊວງຕຳຫຼວດ ແລະ ກະຊວງການຕ່າງປະເທດ, ລະຫວ່າງບັນດາຫົວໜ່ວຍຂອງກະຊວງຕຳຫຼວດ ແລະ ບັນດາອົງການຜູ້ຕາງໜ້າ ຫວຽດນາມ ຜະຈຳຕ່າງປະເທດໃນທຸກດ້ານວຽກງານ...
ພ້ອມກັນນັ້ນ, ບັນດາຫົວໜ້າອົງການຜູ້ຕາງໜ້າ ຈະສືບຕໍ່ເສີມຂະຫຍາຍບົດບາດເປັນຂົວຕໍ່ຊຸກຍູ້ການພັດທະນາ, ເປີດກ້ວາງ ແລະ ລົງເລິກການພົວພັນຮ່ວມມືລະຫວ່າງກະຊວງຕຳຫຼວດ ກັບ ບັນດາອົງການປະຕິບັດກົດໝາຍຂອງບັນດາປະເທດຕ່າງໆ, ບັນດາກ້າວໃຫ້ການຮ່ວມມືກ້າວເຂົ້າສູ່ລວງເລິກຢ່າງມີປະສິດທິຜົນ. ຜ່ານນັ້ນ ໜຸມຊ່ວຍໃຫ້ກະຊວງຕຳຫຼວດນັບມື້ນັບຕັ້ງໜ້າ, ມີປະສິດທິຜົນໃນການເຊື່ອມໂຍງເຂົ້າກັບສາກົນໃນຂົງເຂດໝັ້ນຄົງສະຫງົບ ທີ່ເໝາະສົມກັບແນວຄິດໃໝ່ ເພື່ອປົກປັກຮັກສາປະເທດຊາດ, ປົກປັກຮັກສາຄວາມໝັ້ນຄົງແຫ່ງຊາດ, ເພື່ອຮັບປະກັນຜົນປະໂຫຍດແຫ່ງຊາດ; ຕັ້ງໜ້າຄົ້ນຄວ້າ, ການເປັນເສນາທິການຜັນຂະຫຍາຍວຽກງານຂໍ້ມູນ, ເຜີຍແຜ່ກ່ຽວກັບບັນດາບັນຫາຮ້ອນ, ໄດ້ຮັບການໜູນຊ່ວຍຈາກປະຊາຄົມສາກົນ, ໜູນຊ່ວຍ ຫວຽດນາມ, ເຂົ້າໃຈຢ່າງຖືກຕ້ອງກ່ຽວກັບແນວທາງ, ນະໂຍບາຍຂອງພັກ ແລະ ລັດ ຫວຽດນາມ; ສືບຕໍ່ສົມທົບກັບອົງການທີ່ມີໜ້າທີ່ປະຈຳຖິ່ນເຮັດວຽກງານປົກປ້ອງພົນລະເມືອງ ຫວຽດນາມ, ໜູນຊ່ວຍຊາວຫວຽດນາມ ຢູ່ຕ່າງປະເທດ ຢ່າງດີ...
ກ່າວຄຳປາໄສນະທີ່ເຫດການ, ທ່ານຮອງລັດຖະມົນຕີຜູ້ປະຈຳການກະຊວງການຕ່າງປະເທດ ຫງວຽນມິງຫວູ ເນັ້ນໜັກວ່າ: ວຽກງານການຕ່າງປະເທດຕຳຫຼວດປະຊາຊົນ ໄດ້ປະກອບສ່ວນສຳຄັນເຂົ້າໃນບັນດາຜົນງານລວມຂອງວຽກງານການຕ່າງປະເທດ. ກະຊວງການຕ່າງປະເທດ ເວົ້າລວມ ແລະ ບັນດາອົງການຜູ້ຕາງໜ້າການທູດຫວຽດນາມ ປະຈຳຕ່າງປະເທດ ເວົ້າສະເພາະ ຈະສືບຕໍ່ສົມທົບກັນຢ່າງແໜ້ນແຟ້ນກັບບັນດາຫົວໜ່ວຍທີ່ມີໜ້າທີ່ຂອງກະຊວງຕຳຫຼວດໃນທຸກຂົງເຂດ, ປະກອບສ່ວນຊຸກຍູ້ວຽກງານການຕ່າງປະເທດ, ຮັບໃຊ້ໜ້າທີ່ປົກປັກຮັກສາຄວາມໝັ້ນຄົງແຫ່ງຊາດ, ຮັກສາຄວາມເປັນລະບຽບຮຽບຮ້ອຍ ແລະ ຄວາມປອດໄພທາງສັງຄົມໃຫ້ເປັນຢ່າງດີ.
ມິງດຶກ
