ກວາງຈີ້: ປຸກລະດົມຕອບສະໜອງສັບປະດາທະເລ ແລະ ໝຸ່ເກາະ ຫວຽດນາມ.
ວັນທີ 6 ມິຖຸນານີ້, ຢູ່ຕາແສງ ຈ້ຽວອານ, ເມືອງ ຈ້ຽວຟອງ, ແຂວງ ກວາງຈີ້, ພະແນກຊັບພະຍາກອນ ແລະ ສິ່ງແວດລ້ອມ ແຂວງກວາງຈີ້ ໄດ້ສົມທົບກັບກອງບັນຊາການທະຫານຊາຍແດນແຂວງ; ຄະນະກໍາມະການປະຊາຊົນເມືອງ ຈ້ຽວຟອງ, ກອງພັນທະຫານ 202 (ກອງບັນຊາການທະຫານເຂດຕຳຫຼວດທະເລ 2) ໄດ້ຈັດຕັ້ງພິທີປຸກລະດົມຕອບສະໜອງສັບປະດາທະເລ ແລະ ໝຸ່ເກາະ ຫວຽດນາມ ແລະ ວັນມະຫາສະໝຸດໂລກ (8 ມິຖຸນາ) ປີ 2023.
 |
ຄະນະຈັດຕັ້ງມອບຂອງຂວັນໃຫ້ປະຊາຊົນເມືອງ ຈ້ຽວຟອງ (ພາບ: ໜັງສືພິມກວາງຈີ້). |
ພິທີປຸກລະດົມແມ່ນເພື່ອເຕົ້າໂຮມໂຄສະນາ, ເຜີຍແຜ່ທັດສະນະ ແລະ ແຜນນະໂຍບາຍຂອງພັກ, ນະໂຍບາຍ ແລະ ກົດໝາຍຂອງລັດ, ກົດໝາຍສາກົນກ່ຽວກັບທະເລ ແລະ ໝູ່ເກາະ; ບັນດາສິດ ແລະ ຜົນປະໂຫຍດຖືກຕ້ອງ ແລະ ຊອບທຳຕາມກົດໝາຍຂອງຫວຽດນາມ ຢູ່ທະເລ; ທີ່ຕັ້ງ, ບົດບາດ ແລະ ລະດັບຄວາມສຳຄັນຂອງທະເລ, ໝູ່ເກາະ...; ເພີ່ມທະວີການຄວບຄຸມການເກັບໂຮມ, ຂົນສົ່ງ ແລະ ແກ້ໄຂຂີ້ເຫຍື້ອຢູ່ແຄມທະເລ ແລະ ເທິງບັນດາເກາະຕ່າງໆ; ສົ່ງເສີມການຄົ້ນຄ້ວາກ່ຽວກັບທະເລ, ໝູ່ເກາະ, ເຄື່ອນໄຫວການຜະລິດ, ດຳເນີນທຸລະກິດທີ່ມິດກັບສິ່ງແວດລ້ອມທະເລ...; ລະດົມ, ສົ່ງເສີມ, ຊ່ວຍຊາວປະມົງໃຫ້ມີຄວາມອຸ່ນອ່ຽນໃຈໃນການຕິດພັນຢູ່ທະເລ ເເລະ ປະກອບສ່ວນສ້າງກຳລັງແຮງຄົນ, ວັດຖຸສິ່ງຂອງເພື່ອປະກອບສ່ວນປົກປັກຮັກສາອະທິປະໄຕທະເລ, ໝູ່ເກາະ...
ທີ່ພິທີ, ຜູ້ຕາງໜ້າຄະນະກຳມະການປະຊາຊົນບັນດາຕາແສງຄື: ຈ້ຽວອານ, ຈ້ຽວເວີນ ແລະ ຈ້ຽວລັງ ໄດ້ລົງນາມໃນຄຳໝັ້ນສັນຍາກໍ່ສ້າງຮູບແບບ “ເຂດທີ່ຢູ່ອາໄສປົກປັກຮັກສາຊັບພະຍາກອນສິ່ງແວດລ້ອມທາງທະເລ”.
ຄະນະຈັດຕັ້ງໄດ້ມອບທຸງປະເທດຊາດ 200 ຜືນ; ຂອງຂວັນ 10 ພູດ (ມູນຄ່າ 1 ລ້ານດົ່ງ/ພູດ); ຖັງຂີ້ເຫຍື້ອໃຫ້ປະຊາຊົນ ຈ້ຽວອານ 12 ຖັງ. ເມືອງ ຈ້ຽວຟອງ ໄດ້ມອບໃບຍ້ອງຍໍໃຫ້ຊາວປະມົງ ຫວໍກວາງເເລງ ຢູ່ບ້ານ ຝູໂຮ້ຍ, ຕາແສງ ຈ້ຽວອານ ເນື່ອງຈາກກະທຳພິລະອາດຫານເພື່ອຊ່ວຍເຫຼືອຜູ້ປະສົບເຄາະຮ້າຍຢູ່ທະເລໃນວັນທີ 22 ກຸມພາ 2023.
ພາຍຫຼັງພິທີປຸກລະດົມ, ພະນັກງານ, ນັກຮົບກອງບັນຊາການທະຫານຊາຍແດນແຂວງ, ກອງພັນ 202 (ກອງບັນຊາການເຂດຕຳຫຼວດທະເລ 2), ສະມາຊິກສະຫະພັນກຳມະບານ, ຊາວໜຸ່ມຕາແສງຈ້ຽວອານ, ຈ້ຽວເວິນ ແລະ ຈ້ຽວລັງ ກໍ່ໄດ້ເຂົ້າຮ່ວມທຳຄວາມສະອາດຫາດຊາຍຂອງຕາແສງຈ້ຽວອານ...
ເຫງະອານຕອບສະຫນອງສັບປະດາທະເລ ແລະ ໝຸ່ເກາະ ຫວຽດນາມ, ເດືອນກິດຈະກຳເພື່ອສິ່ງແວດລ້ອມ
 |
ລັດຖະມົນຕີກອງຊັບພະຍາກອນ ແລະ ສິ່ງແວດລ້ອມ ສະຫາຍ ດັ້ງກວກແຄ໋ງ ພ້ອມກັບບັນດາຫົວໜ່ວຍ, ອົງການຈັດຕັ້ງຮ່ວມແຮງຮ່ວມໃຈທຳຄວາມສະອາດຫາດຊາຍທະເລເກືອລໍ (ພາບ: ໜັງສືພິມ ກວາງອານ/ ເງ້ອານ). |
ຕອນເຊົ້າວັນທີ 4 ມິຖຸນານີ້, ຢູ່ເມືອງ ເກື່ອລໍ, ກອງຊັບພະຍາກອນ ແລະ ສິ່ງແວດລ້ອມ ຫວຽດນາມ ໄດ້ສົມທົບກັບຄະນະກຳມະການປະຊາຊົນແຂວງ ເຫງະອານ ຈັດຕັ້ງພິທີປຸກລະດົມແຫ່ງຊາດສັບປະດາທະເລ ແລະ ໝຸ່ເກາະ ຫວຽດນາມ; ເດືອນກິດຈະກຳເພື່ອສິ່ງແວດລ້ອມ ໂດຍຕອບສະໜອງວັນມະຫາສະໝຸດໂລກ ແລະ ວັນສິ່ງແວດລ້ອມໂລກ 2023.
ແຂວງ ເຫງະອານ ຈະຊຸກຍູ້ການໂຄສະນາ, ຂົນຂວາຍປະຊາຊົນທຸກຊັ້ນວັນນະ ຍົກສູງສະຕິປົກປັກຮັກສາຊັບພະຍາກອນທຳມະຊາດ ແລະ ສິ່ງແວດລ້ອມ ເພື່ອອະນຸລັກ ແລະ ເສີມຂະຫຍາຍຄຸນຄ່າຊັບພະຍາກອນ ແລະ ສິ່ງແວດລ້ອມທະເລ, ໝູ່ເກາະ.
ເຕົ້າໂຮມການສຶກສາ ແລະ ຍົກສູງຄວາມຮັບຮູ້ຂອງພະນັກງານ, ສະມາຊິກພັກ ແລະ ປະຊາຊົນກ່ຽວກັບທີ່ຕັ້ງ, ບົດບາດ, ຄວາມສຳຄັນຂອງທະເລໃນການພັດທະນາເສດຖະກິດ - ສັງຄົມຂອງແຂວງ, ຮັບປະກັນການປ້ອງກັນຊາດ, ປ້ອງກັນຄວາມສະຫງົບ; ຮັບມືກັບປ່ຽນແປງຂອງດິນຟ້າອາກາດ ເເລະ ປ້ອງກັນໄພທຳມະຊາດ .
ໃນຂອບເຂດພິທີປຸກລະດົມ, ກະຊວງຊັບພະຍາກອນ ແລະ ສິ່ງແວດລ້ອມ ສົມທົບກັບສະມາຄົມຜູ້ອາຍຸສູງ ຫວຽດນາມ ໄດ້ມອບຂອງຂວັນທີ່ລະນຶກເຖິງສະມາຄົມຜູ້ໍອາຍຸສູງ ແຂວງ ເຫງະອານ. ການນຳແຂວງ ເຫງອານ ແລະ ຮ່າຕິງ ໄດ້ມອບທຸງຊາດໃຫ້ຊາວປະມົງ, ໃນລາຍການ “ທຸງຊາດໜຶ່ງລ້ານຜືນພ້ອມກັບຊາວປະມົງຕິພັນຢູ່ທະເລ” ຂອງໜັງສືພິມ ແຮງງານ.
ໃນຕອນທ້າຍພິທີປຸກລະດົມ, ການນຳກະຊວງຊັບພະຍາກອນ ແລະ ສິ່ງແວດລ້ອມ ພ້ອມກັບບັນດາຄະນະ, ອົງການ, ຫົວໜ່ວຍ, ການນຳແຂວງ ເຫງະອານ ແລະ ຮ່າຕິງ ໄດ້ສົມທົບກັນທຳຄວາມສະອາດຢູ່ທະເລເກືອລໍ່ ແລະ ປູກຕົ້ນໄມ້ສີຂຽວ ເພື່ອປົກປັກຮັກສາສິ່ງແວດລ້ອມ.
ດີງເລື້ອງ
