| ເຂດຮ່ອງຮອຍປະຫວັດສາດປະຕິວັດ ຫວຽດນາມ -ລາວ ຢູ່ ແຂວງເຊີນລາ ຮັບໃບຢັ້ງຢືນເຂດປູຊະນີຍະສະຖານພິເສດແຫ່ງຊາດ | |
| ຮອງປະທານສະພາແຫ່ງຊາດລາວ ຢ້ຽມຢາມ ແລະ ເຮັດວຽກຢູ່ແຂວງຮວ່າບິ່ງ |
ວັນທີ 25 ມັງກອນ, ສະຫາຍ ວີເຕັ່ງ ຈື່ໄມເຕັ່ງ, ຮອງປະທານແນວລາວສ້າງຊາດແຂວງຫົວພັນ ແລະຄະນະປະຕິບັດງານໄດ້ມາຢ້ຽມຢາມ, ອວຍພອນປີໃໝ່ຄະນະກຳມະການແນວໂຮມປະເທດຊາດຫວຽດນາມ ແຂວງເຊີນລາ. ຕ້ອນຮັບມີສະຫາຍນາງ ຮວ່າງທິເລືອງເຕີມ, ຮອງປະທານຜູ້ປະຈຳການຄະນະກຳມະການແນວໂຮມປະເທດຊາດຫວຽດນາມ ແຂວງເຊີນລາ ພ້ອມດ້ວຍພະນັກງານ.
 |
| ຄະນະປະຈຳຄະນະກຳມະການແນວໂຮມປະເທດຊາດຫວຽດນາມ ແຂວງເຊີນລາ ຕ້ອນຮັບຄະນະຜູ້ແທນແຂວງຫົວພັນ. ພາບ: ມິງຕ໊ວນ |
ສະຫາຍ ວີເຕັ່ງ ຈື່ໄມເຕັ່ງ ແລະສະຫາຍນາງຮອງປະທານຜູ້ປະຈຳຄະນະກຳມະການແນວໂຮມປະເທດຊາດຫວຽດນາມ ແຂວງເຊີນລາ ໄດ້ແຈ້ງໝາກຜົນພົ້ນເດັ່ນຂອງວຽກງານແນວໂຮມ ປີ 2023, ໜ້າທີ່ຈຸດສຸມປີ 2024 ຂອງສອງແຂວງ. ພ້ອມທັງ, ຢັ້ງຢືນວ່າ ຈະສືບຕໍ່ຮັກສາ, ເສີມຂະຫຍາຍປະສິດທິຜົນການພົວພັນແລກປ່ຽນ, ສົມທົບກັນເພື່ອປະກອບສ່ວນສ້າງສາ, ຮັກສານ້ຳໃຈສາມັກຄີພິເສດມິດຕະພາບລະຫວ່າງສອງປະເທດຫວຽດນາມ-ລາວ ເວົ້າລວມ, ລະຫວ່າງແຂວງເຊີນລາ-ຫົວພັນ ເວົ້າສະເພາະ.
ໃນບັນຍາກາດເຕັມໄປດ້ວຍນ້ຳໃຈສາມັກຄີ, ສະຫາຍ ວີເຕັ່ງ ຈື່ໄມເຕັ່ງ ໄດ້ສົ່ງຄຳອວຍພອນໄຊອັນປະເສີດເຖິງພະນັກງານຄະນະກຳມະການແນວໂຮມປະເທດຊາດຫວຽດນາມແຂວງເຊີນລາ ເນື່ອງໃນໂອກາດກະກຽມຕ້ອນຮັບບຸນປີໃໝ່ປະຈຳຊາດ ປີມະໂລງ 2024.
 |
| ຄະນະຜູ້ແທນແຂວງຫົວພັນ ມອບຂອງຂວັນ, ອວຍພອນປີໃໝ່ຄະນະກຳມະການແນວໂຮມປະເທດຊາດຫວຽດນາມ ແຂວງເຊີນລາ. ພາບ: ມິງຕ໊ວນ |
ຕາງໜ້າຄະນະປະຈຳຄະນະກຳມະການແນວໂຮມປະເທດຊາດຫວຽດນາມ ແຂວງ ເຊີນລາ, ສະຫາຍນາງ ຮວ່າງທິເລືອງເຕີມ ສະແດງຄວາມຂອບອົກຂອບໃຈການຢ້ຽມຢາມ, ອວຍພອນປີໃໝ່ຂອງຄະນະຜູ້ແທນແຂວງຫົວພັນ, ສະແດງຄວາມຂອບອົກຂອບໃຈນ້ຳໃຈ, ຄວາມສາມັກຄີຂອງຄະນະກຳມະການແນວລາວສ້າງຊາດແຂວງ ຫົວພັນ ທີ່ມີຕໍ່ກັບຄະນະກຳມະການແນວໂຮມປະເທດຊາດຫວຽດນາມ ແຂວງເຊີນລາ. ປາດຖະໜາວ່າ ໃນໄລຍະຈະມາເຖິງ, ສອງຝ່າຍຈະສືບຕໍ່ປະຕິບັດບັນດາເນື້ອໃນໃນບົດບັນທຶກຊ່ວຍຈຳທີ່ໄດ້ລົງນາມໃຫ້ເປັນຢ່າງດີ.
ສົມເພັດ
