| ຮົງກາຣີ ເພີ່ມທຶນການສຶກສາໃຫ້ແກ່ລາວເປັນ 100 ທຶນ | |
| ທ່ານເລຂາທິການໃຫຍ່ ຫງວ໋ຽນຝູ ຈ້ອງ ຕ້ອນຮັບ ທ່ານຫົວໜ້າພັກ ກຳມະກອນ ຮົງກາຣີ |
ຄູ່ຮ່ວມມືມູນເຊື້ອທິ່ສຳຄັນແຖວໜ້າຂອງ ຫວຽດນາມ ຢູ່ພາກພື້ນ ເອີລົບກາງ - ຕາເວັນອອກ
ທ່ານ ສຈ.ປອ ວິທະຍາສາດ ຫວູຮວ່າງລິງ ໃຫ້ຮູ້ວ່າ ນັບແຕ່ການໄປຢ້ຽມຢາມ ຮຸງກາຣີ ຢ່າງເປັນທາງການຂອງ ທ່ານເລຂາທິການໃຫຍ່ ຫວຽດນາມ ຫງວຽນຟູ໋ຈ້ອງ ໃນເດືອນ ກັນຍາ 2018, ການພົວພັນຄູ່ຮ່ວມມືມິດຕະພາບທີ່ເປັນມູນເຊື້ອລະຫວ່າງ 2 ປະເທດ ໄດ້ຮັບການຊຸກຍູ້ ແລະ ພັດທະນາຂຶ້ນສູ່ລະດັບສູງໃໝ່ ເປັນການພົວພັນຄູ່ຮ່ວມມືຮອບດ້ານ.
“ໂດຍແມ່ນປະເທດທີ່ນ້ອຍ ແຕ່ງາມຫຼາຍ, ຮົງກາຣີ ແມ່ນຄູ່ຮ່ວມມືທີ່ເປັນມູນເຊື້ອທີ່ສຳຄັນແຖວໜ້າຂອງ ຫວຽດນາມ ຢູ່ພາກພື້ນ ເອີລົບກາງ - ຕາເວັນອອກ. ພາຍຫຼັງເກືອບ 70 ປີ, ການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຫຼາຍດ້ານລະຫວ່າງ ຫວຽດນາມ ແລະ ຮຸງກາຣີ ໄດ້ມີບັນດາບາດກ້າວພັດທະນາຢ່າງເຂັ້ມແຂງ, ພິເສດແມ່ນໃນຊຸມປີມໍ່ໆມານີ້”, ທ່ານ ຫວູຮວ່າງລິງ ແບ່ງປັນ.
 |
| ທ່ານ ສຈ.ປອ ວິທະຍາສາດ ຫວູຮວ່າງລິງ, ປະທານສະມາຄົມມິດຕະພາບ ຫວຽດນາມ - ຮຸງກາຣີ |
ທ່ານປະທານສະມາຄົມມິດຕະພາບ ຫວຽດນາມ - ຮຸງກາຣີ ເນັ້ນໜັກວ່າ ນັບແຕ່ໃນໄລຍະທີ່ສອງປະເທດ ແລະ ທົ່ວໂລກ ຖືກຜົນສະທ້ອນຢ່າງໜັກໜ່ວງຈາກໂລກລະບາດໂຄວິດ-19, ສອງຝ່າຍຍັງມານະພະຍາຍາມຜັນຂະຫຍາຍບັນດາການເຄື່ອນໄຫວຮ່ວມມືດ້ານເສດຖະກິດ, ວິທະຍາສາດ, ສຶກສາ, ... ແລະ ການແລກປ່ຽນວັດທະນະທໍາ. ພິເສດ, ສອງປະເທດ ຍັງສະແດງໃຫ້ເຫັນນ້ຳໃຈມິດຕະພາບ, ສະໜັບສະໜູນເຊິ່ງກັນ ແລະ ກັນ ໂດຍຜ່ານການມອບເຄື່ອງມື, ອຸປະກອນ, ຢາປົວພະຍາດ, ຕ້ານການລະບາດໃນໄລຍະທຳອິດທີ່ຫຍຸ້ງຍາກທີ່ສຸດສຳລັບປະຊາຊົນສອງປະເທດ. ພາຍຫຼັງສະພາບການເປັນປົກກະຕິຄືນ, ສອງປະເທດໄດ້ເຊື່ອມຕໍ່ກັນຢ່າງວ່ອງໄວ ແລະ ຊຸກຍູ້ການຜັນຂະຫຍາຍບາງການເຄື່ອນໄຫວກ່ອນໜ້ານີ້ທີ່ຖືກຮັບຜົນກະທົບຈາກການລະບາດຂອງພະຍາດ.
ກ່ຽວກັບບັນດາຂົງເຂດຮ່ວມມືຈຸດສຸມລະຫວ່າງສອງປະເທດ, ທ່ານ ສຈ.ປອ ວິທະຍາສາດ ຫວູຮວ່າງລິງ ໃຫ້ຮູ້ວ່າ ການຮ່ວມມືລະຫວ່າງສອງປະເທດໃນການພົວພັນດ້ານການເມືອງ, ການທູດ ແລະ ເສດຖະກິດ ຍາມໃດກໍ່ສວມບົດບາດຈຸດສຸມ. ແຕ່ເຖິງຢ່າງໃດກໍ່ຕາມ, ຈາກທັດສະນະສ່ວນຕົວໃນຖານະເປັນຄົນທີ່ເຮັດວຽກໃນຂົງເຂດສຶກສາ, ວິທະຍາສາດ, ທ່ານຕີລາຄາສູງຄວາມສຳຄັນຂອງບັນດາຂົງເຂດຂ້າງເທິງ ແລະ ຂົງເຂດສາທາລະນະສຸກ - ບັນດາທ່າແຮງຂອງ ຮົງກາຣີ - ໃນການພົວພັນຮ່ວມມືລະຫວ່າງສອງປະເທດ.
ໃນໄລຍະຜ່ານມາ, ຮຸງກາຣີ ໄດ້ໜູນຊ່ວຍ ຫວຽດນາມ ໃນການບຳລຸງສ້າງບັນດານັກວິທະຍາສາດ, ອາຈານ, ວິສະວະກອນ, ນັກຊ່ຽວຊານລະດັບສູງ. ມີບາງນັກວິທະຍາສາດ, ນັກຊ່ຽວຊານຫວຽດນາມ ທີ່ມີຊື່ສຽງໃນໂລກ ເຄີຍໄດ້ຮັບການບຳລຸງສ້າງຂັ້ນປະລິນຍາຕີຢູ່ ຮົງກາຣີ.
ຍູ້ແຮງການພົວພັນທາງການທູດປະຊາຊົນ ແລະ ການຮ່ວມມືລະຫວ່າງບັນດາທ້ອງຖິ່ນ
ເພື່ອເພີ່ມທະວີວຽກງານການທູດປະຊາຊົນ, ການຮ່ວມມືລະຫວ່າງບັນດາທ້ອງຖິ່ນກ່ວາອີກເພື່ອປະກອບສ່ວນຢ່າງຕັ້ງໜ້າເຂົ້າໃນການພັດທະນາການພົວພັນລະຫວ່າງສອງປະເທດ, ທ່ານ ສຈ.ປອ ວິທະຍາສາດ ຫວູຮວ່າງລິງ ຖືວ່າ ຕ້ອງຊຸກຍູ້ບັນດາການເຄື່ອນໄຫວແລກປ່ຽນວັດທະນະທຳ - ທ່ອງທ່ຽວລະຫວ່າງບັນດາທ້ອງຖິ່ນ. ຫວຽດນາມ ແລະ ຮຸງກາຣີ ລ້ວນແຕ່ມີຄວາມສາມາດບົ່ມຊ້ອນດ້ານການທ່ອງທ່ຽວ ແລະ ສາມາດສວມບົດບາດເຊື່ອມຕໍ່ການທ່ອງທ່ຽວຢູ່ ອາຊີຕາເວັນອອກສ່ຽງໃຕ້ ແລະ ເອີລົບກາງ. ພ້ອມກັນນັ້ນ, ກໍ່ຕ້ອງຍູ້ແຮງການໂຄສະນາວັດທະນະທຳຂອງສອງປະເທດຄື ວັນນະຄະດີ, ສິລະປະ, ດົນຕີ, ຮູບເງົາ,...
ຫວ່າງມໍ່ໆມານີ້, ສະຖານທູດ ຮຸງກາຣີ ປະຈຳ ຮ່າໂນ້ຍ ໄດ້ຜັນຂະຫຍາຍບັນດາການເຄື່ອນໄຫວດັ່ງກ່າວຢ່າງຕັ້ງໜ້າ. ອ້າຍເອື້ອຍນ້ອງຈຳນວນໜຶ່ງທີ່ເຄີຍຮໍ່າຮຽນຢູ່ ຮົງກາຣີ ໄດ້ແປພາສາ - ສາມາດເວົ້າໄດ້ວ່າປະສົບຜົນສຳເລັດທີ່ສຸດ - ປະກອບສ່ວນນຳບັນດາບົດປະພັນວັນນະຄະດີ ຮົງກາຣີ ທີ່ມີຊື່ສຽງມາໃຫ້ຜູ້ອ່ານ ຫວຽດນາມ. ກົງກັນຂ້າມ, ປະຊາຄົມຊາວ ຫວຽດນາມ ທີ່ອາໄສຢູ່ ຮຸງກາຣີ ກໍ່ມານະພະຍາຍາມໂຄສະນາຮູບພາບປະເທດຊາດ, ປະຊາຊົນ, ອາຫານ ຫວຽດນາມ ເຖິງເພື່ອນມິດ ຮົງກາຣີ ຜ່ານບັນດາການເຄື່ອນໄຫວຂອງຕົນ.
ທ່ານປະທານສະມາຄົມມິດຕະພາບ ຫວຽດນາມ - ຮຸງກາຣີ ໃຫ້ຮູ້ວ່າ ປະຈຸບັນຫຼາຍທ້ອງຖິ່ນຂອງ ຫວຽດນາມ ໄດ້ແຮກສ່ຽວກັບ ຮົງກາຣີ ເຊັ່ນ ຕາແສງ ເຊີນໄຕ (ຮ່າໂນ້ຍ) ກັບເມືອງ 3 ຂອງ Budapest, ເມືອງ ໄຕໂຮ່ (ຮ່າໂນ້ຍ) ໄດ້ແຮກສ່ຽວກັບ ເມືອງ 16 ຂອງ Budapest; ນະຄອນ ໂຮ້ຍອ່ານ (ກວາງນາມ) ກັບນະຄອນ Szenendre, ນະຄອນ ເກີ່ນເທີ ກັບນະຄອນ Kaposvár...
ເມື່ອເຕື້ອງເຖິງການຢ້ຽມຢາມ ຮົງກາຣີ ຢ່າງເປັນທາງການຂອງນາຍົກລັດຖະມົນຕີຫວຽດນາມ, ທ່ານ ສຈ.ປອ ວິທະຍາສາດ ຫວູຮວ່າງລິງ ໃຫ້ຮູ້ວ່າ ສ່ວນຕົວທ່ານ ແລະ ສະມາຄົມມິດຕະພາບ ຫວຽດນາມ - ຮຸງກາຣີ ຫວັງວ່າ ການຢ້ຽມຢາມຂອງທ່ານນາຍົກລັດຖະມົນຕີ ຈະສືບຕໍ່ຊຸກຍູ້ການພົວພັນຮ່ວມມືມິດຕະພາບທີ່ເປັນມູນເຊື້ອລະຫວ່າງສອງປະເທດໃຫ້ຫຼາຍກ່ວາອີກ.
ທ່ານຫວັງວ່າບັນດາການພົບປະ, ແລກປ່ຽນ ແລະ ລົງນາມລະຫວ່າງບັນດາຝ່າຍໃນຂອບເຂດການຢ້ຽມຢາມຈະເປີດກາລະໂອກາດໃຫ້ແກ່ການຮ່ວມມື, ຍົກສູງທັງດ້ານປະລິມານ ແລະ ຄຸນນະພາບຕື່ມອີກ; ໂດຍຫວັງວ່າ ຈະມີນັກສຶກສາ, ອາຈານຫວຽດນາມ ໄດ້ມີໂອກາດໄປຮ່ຳຮຽນ, ຄົ້ນຄ້ວາຢູ່ ຮຸງກາຣີ ຫຼາຍກວ່າອີກ. ບັນດາມະຫາວິທະຍາໄລ, ສະຖາບັນຄົ້ນຄ້ວາຂອງ ຫວຽດນາມ ກໍ່ພ້ອມແລ້ວທີ່ຈະຕ້ອນຮັບນັກສຶກສາ, ນັກວິທະຍາສາດ ຮົງກາຣີ ມາແລກປ່ຽນ, ຮ່ວມມື.
ມິງດຶກ
