| ເປັນຄັ້ງທຳອິດ, ແຂວງ ເຫງ້ອານ ໄດ້ຈັດຕັ້ງການບຳລຸງສ້າງໃຫ້ນັກສຶກສາລາວ ທີ່ຮຽນຢູ່ໂຮງຮຽນມັດທະຍົມປາຍ | |
| ເປັນຄັ້ງທຳອິດ, ງານວາງສະແດງການໂຄສະນາເຜີຍແຜ່ກ່ຽວກັບການສະກັດກັ້ນ ແລະ ຕ້ານການຄ້າມະນຸດໄດ້ຈັດຂຶ້ນແບບອອນລາຍ |
ວັນທີ 15 ມັງກອນ, ຄ້າຍທະຫານຊາຍແດນ ດ່ານສາກົນນໍ້າກັ່ນ (ທະຫານຊາຍແດນແຂວງເງະອານ) ໃຫ້ຮູ້ວ່າ ເລີ່ມແຕ່ວັນທີ 14 ມັງກອນ 2024, ປະຊາຊົນໄປຕະຫຼາດຊາຍແດນນໍ້າກັ່ນ (ເມືອງກີເຊີນ, ແຂວງເງະອານ) ໄດ້ຮັບບັດເຂົ້າອອກຕະຫຼາດເພື່ອແລກປ່ຽນ, ຊື້ຂາຍສິນຄ້າ. ນີ້ແມ່ນການອອກບັດຄັ້ງທຳອິດເພື່ອຄຸ້ມຄອງປະຊາຊົນ, ຜູ້ຄ້າຂາຍເຂົ້າ ແລະອອກຕະຫຼາດຊາຍແດນແຫ່ງນີ້.
 |
| ເຖິງວ່ານີ້ເປັນຄັ້ງທຳອິດທີ່ນຳໃຊ້ການອອກບັດເຂົ້າຕະຫຼາດ, ແຕ່ຂະບວນການກໍ່ດຳເນີນໄປຢ່າງສະດວກ ແລະຮັບປະກັນຄວາມປອດໄພ. ພາບ: nhandan.vn |
ຕາມນັ້ນແລ້ວ, ວັນທີ 14 ມັງກອນ, ຕະຫຼາດຊາຍແດນນໍ້າກັ່ນ ຈະເປີດເທື່ອທີ 2 ໃນເດືອນມັງກອນ 2024 ເພື່ອຮັບໃຊ້ນັກທ່ອງທ່ຽວ ແລະປະຊາຊົນທີ່ມາຊື້, ຂາຍ ແລະແລກປ່ຽນສິນຄ້າ. ຕາມນັ້ນແລ້ວ, ກ່ອນທີ່ຈະເຂົ້າຕະຫຼາດ, ປະຊາຊົນ ແລະນັກທ່ອງທ່ຽວຕ້ອງແຈ້ງໜັງສືປະຈຳຕົວ (ບັດປະຈຳຕົວ, ໜັງສືຜ່ານແດນ, ໃບຂັບຂີ່...) ເພື່ອລົງທະບຽນ.
ຕາມພະນັກງານຄ້າຍທະຫານຊາຍແດນ ນໍ້າກັ່ນ ແລ້ວ, ນີ້ແມ່ນຄັ້ງທຳອິດທີ່ນໍາໃຊ້ການອອກບັດ, ແຕ່ການເຄື່ອນໄຫວກໍ່ດຳເນີນໄປຢ່າງສະດວກ, ບໍ່ມີສິ່ງກີດຂວາງ ຫຼື ແອອັດ. ປະຊາຊົນທີ່ມາຕະຫຼາດໄດ້ຍິນດີປະຕິບັດຕາມ ແລະຈົດທະບຽນຮັບບັດ. ຍ້ອນບຸນປີໃໝ່ປະຈໍາຊາດໃກ້ຈະມາເຖິງແລ້ວ, ຄວາມຕ້ອງການໄປຕະຫຼາດຊາຍແດນນັບມື້ນັບເພີ່ມຂຶ້ນ, ສະນັ້ນ, ຄ້າຍທະຫານຊາຍແດນ ນໍ້າກັ່ນ ຄາດຄະເນວ່າຈະອອກບັດເຂົ້າຕະຫຼາດຕື່ມອີກເພື່ອຮັບໃຊ້ປະຊາຊົນ.
ໂດຍໄດ້ຮູ້ວ່າ ຕະຫຼາດຊາຍແດນ ນໍ້າກັ່ນ ໄດ້ຮັບການກໍ່ສ້າງມາແຕ່ດົນນານແລ້ວ, ສະແດງໃຫ້ເຫັນນໍ້າໃຈມິດຕະພາບລະຫວ່າງສອງປະເທດຫວຽດນາມ-ລາວ. ນອກຈາກການຊື້-ຂາຍສິນຄ້າ, ປະຊາຊົນ ແລະນັກທ່ອງທ່ຽວຫຼາຍຄົນຍັງມາຕະຫຼາດເພື່ອຢ້ຽມຢາມ ແລະຊອກຮູ້ວັດທະນະທຳ, ອາຫານການກິນຂອງປະຊາຊົນເຂດພູດອຍສອງປະເທດ.
ບູນມີ
