| ຄວາມຈັບອົກຈັບໃຈຈາກງານບຸນຊ້າງ 2024 ຢູ່ລາວ | |
| ຫວຽດນາມ - ຈຸດທີ່ດຶງດູດຂອງພາກພື້ນ ອາຊີ ໃນລະດູການທ່ອງທ່ຽວ 2024 |
ກ່າວຄຳປາໄສທີ່ພິທີເປີດ, ແມ່ຂາວ ທິກໜືເຢິຍແຕ່ງ, ຜູ້ອຳນວຍການສູນວັດທະນະທຳ ຫວຽດນາມ ປະຈຳ ສ.ເກົາຫຼີ ໃຫ້ຮູ້ວ່າ ໃນຊຸມປີທີ່ຜ່ານມານີ້ ບັນດາພຸດທະສາສະນິກະຊົນກໍ່ຄືສະມາຊິກຂອງສູນ ໄດ້ມີຄວາມຕັດສິນໃຈ ແລະ ເຫື່ອແຮງສ່ວນຫຼາຍເພື່ອເຊື່ອມຕໍ່ປະຊາຄົມຊາວ ຫວຽດນາມ ຢູ່ ສ.ເກົາຫຼີ ມຸ່ງໄປເຖິງບ້ານເກີດເມືອງນອນ; ພ້ອມກັນນັ້ນ ກໍ່ປະກອບສ່ວນຢ່າງຕັ້ງໜ້າເຂົ້າໃນການພົວພັນຕິດພັນກັນທີ່ເປັນມູນເຊື້ອ, ປະກອບສ່ວນຂະຫຍາຍຂົວມິດຕະພາບລະຫວ່າງປະຊາຊົນສອງປະເທດຜ່ານບັນດາການເຄື່ອນໄຫວແລກປ່ຽນວັດທະນະທຳ ແລະ ເຜີຍແຜ່ພາສາ ຫວຽດນາມ.
ລາຍການ “ງານພົບປະແລກປ່ຽນວັດທະນະທຳ ຫວຽດນາມ - ສ .ເກົາຫຼີ" ສະເຫຼີມສະຫຼອງລະດູບານໃໝ່ ປີມະໂລງ 2024 ແມ່ນເພື່ອແນໃສ່ຕິດພັນປະຊາຊົນ 2 ປະເທດ, ປະກອບສ່ວນເປີດຂອບເຂດການຮ່ວມມືຍຸດທະສາດຮອບດ້ານລະຫວ່າງ 2 ປະເທດໃຫ້ນັບມື້ນັບພັດທະນາໃນໄລຍະຈະມາເຖິງ.
ທີ່ພິທີ, ທ່ານອະດີດລັດຖະມົນການກະຊວງການຕ່າງປະເທດ ຫວຽດນາມ ຫງວຽນຝູບິ່ງ, ປະທານສະມາຄົມການພົວພັນກັບຊາວ ຫວຽດນາມ ອາໄສຢູ່ຕ່າງປະເທດ ໄດ້ຕີລາຄາສູງບັນດາຄວາມມານະພະຍາຍາມຂອງສູນວັດທະນະທຳ ຫວຽດນາມ ຢູ່ ສ.ເກົາຫຼີ ເວົ້າສະເພາະ ກໍຄືຊາວ ຫວຽດນາມ ອາໄສຢູ່ຕ່າງປະເທດ ເວົ້າລວມ, ຕິດພັນກັບບ້ານເກີດເມືອງນອນ ແລະ ແມ່ນປັດໄຈສຳຄັນປະກອບສ່ວນຊຸກຍູ້ການພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດ.
 |
| ງານພົບປະແລກປ່ຽນວັດທະນະທຳ ຫວຽດນາມ - ສ .ເກົາຫຼີ ສະເຫຼີມສະຫຼອງລະດູບານໃໝ່ ປີມະໂລງ 2024 |
ຕາມທ່ານ ຫງວຽນຝູບິ່ງ ແລ້ວ, ປະຈຸບັນ ຫວຽດນາມ ແລະ ສ.ເກົາຫຼີ ໄດ້ກາຍເປັນເພື່ອນມິດທີ່ສະໜິດແໜ້ນ, ເປັນຄູ່ຮ່ວມມືແຖວໜ້າຂອງກັນ. ການຈັດຕັ້ງການເຄື່ອນໄຫວແລກປ່ຽນຄືປະຈຸບັນ ມີຄວາມໝາຍສຳຄັນໃນການເຊື່ອມຕໍ່ປະຊາຊົນທີ່ຢູ່ໄກກັບປະເທດ, ທັງແມ່ນວິທີທີ່ມີປະສິດທິຜົນໃນການເພີ່ມທະວີມິດຕະພາບ ແລະ ການຮ່ວມມືກັບບັນດາປະເທດໃນໂລກ.
ໃນລາຍການ “ແລກປ່ຽນວັດທະນະທຳ ຫວຽດນາມ - ສ.ເກົາຫຼີ” ຈະດຳເນີນບັນດາການເຄື່ອນໄຫວທີ່ມີຄວາມໝາຍຄື: ງານວາງສະແດງສິລະປະ, ງານວາງສະແດງແຟຊັນ (ຊຸດເສື້ອຍາວ ຫວຽດນາມ ແລະ ເຄື່ອງອາພອນພື້ນເມືອງ ສ.ເກົາຫຼີ), ເຊີດຊູ, ມອບໃບຍ້ອງຍໍໃຫ້ບັນດາອົງການ ແລະ ບຸກຄົນທີ່ໄດ້ປະກອບສ່ວນຫຼາຍຢ່າງເຂົ້າໃນການເຊື່ອມຕໍ່ວັດທະນະທໍາຂອງສອງປະເທດ.
ນີ້ແມ່ນການເຄື່ອນໄຫວທີ່ມີຄວາມໝາຍໄດ້ຮັບການຈັດຕັ້ງໃນໂອກາດບຸນປີໃໝ່ປະຈຳຊາດ ປີມະໂລງ 2024 ເພື່ອແນໃສ່ສະແດງໃຫ້ເຫັນຄຸນຄ່າວັດທະນະທຳ ຫວຽດນາມ - ພຸດທະສາສະໜາ ຫວຽດນາມ; ຜ່ານນັ້ນ ກໍ່ປະກອບສ່ວນຊຸກຍູ້ການພັດທະນາວັດທະນະທຳ, ເສດຖະກິດ ແລະ ການເມືອງຂອງ 2 ປະເທດທີ່ນັບມື້ນັບພັດທະນາ, ຮັດແໜ້ນການພົວພັນມິດຕະພາບທີ່ເປັນມູນເຊື້ອ ແລະ ເພີ່ມທະວີບັນດາຄຸນຄ່າອັນດີງາມຂອງຮູບພາບປະເທດຊາດ, ປະຊາຊົນ ຫວຽດນາມ ກັບ ສ.ເກົາຫຼີ ກໍ່ຄືເພື່ອນມິດສາກົນ.
ມິງດຶກ
