| ການພົບປະແລກປ່ຽນວັດທະນະທຳ ຫວຽດນາມ - ສະເປນ ຜ່ານເຫດການວັນ Tapas ຢູ່ຮ່າໂນ້ຍ | |
| ສ້າງຕັ້ງສະມາຄົມ ມິດຕະພາບ ຫວຽດນາມ - ລາວ ຢູ່ເມືອງບ່າວເລີມ - ແຂວງ ເລີມດົງ |
ນີ້ແມ່ນເຫດການສຳຄັນ, ເປັນຂີດໝາຍການຊຸກຍູ້ການພົວພັນຮ່ວມມືຢ່າງແໜ້ນແຟ້ນລະຫວ່າງແຂວງ ເລີມດົ່ງ - ຫວຽດນາມ ແລະ Ladakh - ອິນເດຍ, ພ້ອມກັນນັ້ນ ກໍ່ຕອບສະໜອງບັນດາການເຄື່ອນໄຫວສະເຫຼີມສະຫຼອງ 130 ປີແຫ່ງວັນສ້າງຕັ້ງ ແລະ ພັດທະນານະຄອນ ດາຫຼາດ.
ລານການດັ່ງກ່າວໂດຍພະແນກວັດທະນະທຳ, ກິລາ ແລະ ທ່ອງທ່ຽວແຂວງ ເລີມດົ່ງ ສົມທົບກັບເຂດທ່ອງທ່ຽວ Samten Hill ດາຫຼາດ ຈັດຕັ້ງ. ເຂົ້າຮ່ວມພິທີມີການນຳຂອງຄະນະກຳມະການປະຊາຊົນແຂວງ ເລີມດົ່ງ ພ້ອມກັບບັນດາພະແນກ, ຄະນະ, ຂະແໜງການຂອງແຂວງ, ຄະນະກຳມະການປະຊາຊົນນະຄອນ ດາຫຼາດ. ທ່ານ Tashi Gyalson, ກຳມະການບໍລິຫານ - ປະທານເຂດດິນລະຫວ່າງລັດ Ladakh, ສະພາພັດທະນາ Ladakh, ຕາງໜ້າໃຫ້ເຂດ Ladakh - ອິນເດຍ ເຂົ້າຮ່ວມເຫດການ.
 |
ການເຕັ້ນ “Jabro Dance” ຂອງເພື່ອນຊາວ ອິນເດຍ ໃນການພົບປະແລກປ່ຽນວັດທະນະທຳລະຫວ່າງສອງປະເທດ |
ທີ່ພິທີເປີດ, ທ່ານຮອງປະທານຄະນະກຳມະການປະຊາຊົນແຂວງ ເລີມດົ່ງ ຟ້າມ ແອັສ ໄດ້ຕີລາຄາສູງບັນດາມໍລະດົກວັດທະນະທຳ, ຄວາມສາມາດບົ່ມຊ້ອນ, ທ່າແຮງພັດທະນາການທ່ອງທ່ຽວຂອງ ອິນເດຍ ເວົ້າລວມ ແລະ ເຂດ Ladakh ເວົ້າສະເພາະ; ພ້ອມກັນນັ້ນ ກໍ່ໄດ້ແນະນຳວັດທະນະທຳ ເລີມດົ່ງ ພ້ອມກັບບັນດາຜະລິດຕະພັນທ່ອງທ່ຽວທີ່ເປັນເອກະລັກສະເພາະຂອງທ້ອງຖິ່ນ; ກາລະໂອກາດ ແລະ ຄວາມສາມາດບົ່ມຊ້ອນທີ່ສາມາດບັນລຸໄດ້ ຖ້າຫາກມີການເຊື່ອມຕໍ່ການທ່ອງທ່ຽວລະຫວ່າງສອງເຂດຂອງ 2 ປະເທດ. ທ່ານຮອງປະທານຄະນະກຳມະການປະຊາຊົນແຂວງ ເລີມດົ່ງ ເນັ້ນໜັກວ່າ: “ພາຍຫຼັງລາຍການນີ້, ພວກຂ້າພະເຈົ້າຫວັງວ່າ ຈະສືບຕໍ່ມີການເຊື່ອມຕໍ່ຢ່າງແໜ້ນແຟ້ນດ້ານວັດທະນະທຳ, ການທ່ອງທ່ຽວລະຫວ່າງ 2 ທ້ອງຖິ່ນ; ຜ່ານນັ້ນ ກໍ່ເປີດກາລະໂອກາດໃຫ້ແກ່ການຮ່ວມມືໃນຫຼາຍຂົງເຂດລະຫວ່າງແຂວງ ເລີມດົ່ງ ກັບ Ladakh - ອິນເດຍ”.
ທ່ານ Tashi Gyalson, ກຳມະການບໍລິຫານ - ປະທານເຂດດິນລະຫວ່າງລັດ Ladakh, ສະພາພັດທະນາ Ladakh, ແບ່ງປັນວ່າ: ອິນເດຍ ແລະ ຫວຽດນາມ ພວມເພີ່ມທະວີການຮ່ວມມືສອງຝ່າຍໃນຫຼາຍຂົງເຂດ, ຈາກການເພີ່ມທະວີການຄ້າ, ແລກປ່ຽນທຸລະກິດ, ການຮ່ວມມືດ້ານເສດຖະກິດ, ການແລກປ່ຽນວັດທະນະທຳໄປສູ່ການເຊື່ອມຕໍ່ມະນຸດ. ໂດຍເປັນຜູ້ຕາງໜ້າຂອງ Ladakh, ທ່ານຖືວ່ານັ້ນແມ່ນຄວາມເປັນກຽດ ແລະ ບຸນຄຸນພິເສດເພື່ອແນະນຳບັນດາສິ່ງມະຫັດສະຈັນພິເສດຂອງບ້ານເກີດຂອງທ່ານໂດຍຜ່ານເຫດການນີ້.
ດ້ວຍແຫຼ່ງຊັບພະຍາກອນທ່ອງທ່ຽວທີ່ອຸດົມສົມບູນກັບອາກາດທີ່ດີ, ຫຼາຍທັດສະນີຍະພາບທຳມະຊາດທີ່ສວຍງາມ, ມໍລະດົກອັນລ້ຳຄ່າ, ແຂວງ ເລີມດົ່ງ ໄດ້ເຕົ້າໂຮມຄົບປັດໄຈ “ດິນຟ້າອາກາດອຳນວຍ, ພູມີປະເທດສະດວກ, ປະຊາຊົນພ້ອມໃຈ” ເພື່ອພັດທະນາການທ່ອງທ່ຽວວັດທະນະທໍາ. ພິເສດແມ່ນເຂດໄປທັດສະນະສຶກສາທ່ອງທ່ຽວວັດທະນະທຳຈິດວິນຍານ Samten Hills ດາຫຼາດ ຢູ່ແຂວງ ເລີມດົ່ງ, ແມ່ນໜຶ່ງຈຸດພົ້ນເດັ່ນໃໝ່ຂອງການທ່ອງທ່ຽວຫວຽດນາມ ປີ 2023.
Ladakh ເປັນພູພຽງອັນກວ້າງໃຫຍ່ຂອງອິນເດຍ, ຕັ້ງຢູ່ໃນສາຍ Himalayas ທີ່ໃຫຍ່ໂຕມະໂຫຖານ. ດິນແດນແຫ່ງນີ້ເປັນຈຸດໃຈກາງຂອງເສັ້ນທາງສາຍໄໝບູຮານ. ໃນປະຈຸບັນ Ladakh ໄດ້ຮັບຮູ້ເປັນສະຖານທີ່ປ່ຽມລົ້ົ້ນຈິດໃຈພຸດທະສາດສະຫນາ, ພິເສດແມ່ນພຸດທະສາສະຫນາວັດຊະຣະຍານ (Vajrayana).
ດ້ວຍບັນດາຈຸດຄ້າຍຄືກັນກ່ຽວກັບເງື່ອນໄຂພັດທະນາການທ່ອງທ່ຽວ, ຜູ້ຕາງໜ້າອົງການປົກຄອງ ແລະ ບັນດາບໍລິສັດທ່ອງທ່ຽວ Ladakh - ອິນເດຍ ໄດ້ມາພົບປະກັບອົງການປົກຄອງແຂວງ ເລີມດົ່ງ ເພື່ອຮ່ວມມືພັດທະນາການທ່ອງທ່ຽວ.
ທີ່ການພົບປະແລກປ່ຽນ, ຄະນະຈັດຕັ້ງໄດ້ສາຍວິດີໂອ 2 ເລື່ອງ “ດາຫຼາດ - ເລີມດົ່ງ, ກາລະໂອກາດລົງທຶນ ແລະ ດຶງດູດນັກທ່ອງທ່ຽວ” ແລະ “Ladakh - ອິນເດຍ” ຄະນະສິລະປະຂອງສອງຝ່າຍໄດ້ສະແດງສິລະປະພິເສດຄື: “ພາວະນາ-ຈິດວິນຍານ”, “ຍາມບ່າຍທີ່ຍິ່ງໃຫຍ່”, ຟ້ອນ ແລະຂັບຮ້ອງເພງ “ແປວໄຟພູພຽງ”, ບົດເພງ “Jabro Dance", ຟ້ອນ “Yak Dance” ຫຼື "Spawo",...
ລາຍການ “ແລກປ່ຽນວັດທະນະທຳ, ເຊື່ອມຕໍ່ການທ່ອງທ່ຽວລະຫວ່າງ ເລີມດົ່ງ - ຫວຽດນາມ ແລະ Ladakh - ອິນເດຍ” ດຳເນີນແຕ່ວັນທີ 27 – 30 ທັນວາ 2023.
ມິງດຶກ
