| ກອງປະຊຸມລັດຖະມົນຕີແຮງງານ ແລະ ສະຫວັດດີການສັງຄົມ ລາວ-ຫວຽດນາມ ຄັ້ງທີ 8 | |
| ງານບຸນປື້ມ ຮ່າໂນ້ຍ ຄັ້ງທີ 8 ປີ 2023: “ສົ່ງເສີມພູມປັນຍາ - ສ້າງສາອະນາຄົດ” |
ພາຍຫຼັງ 3 ວັນເຮັດວຽກຢ່າງຈິງຈັງ, ຮີບດ່ວນ, ດ້ວຍທິດນຳ“ປະຊາທິປະໄຕ, ສາມັກຄີ, ປ່ຽນແປງໃໝ່, ເຊື່ອມໂຍງ, ພັດທະນາ”, ດ້ວຍຈິດໃຈຄວາມຮັບຜິດຊອບສູງຕໍ່ໜ້າພະນັກງານ, ສະມາຊິກ, ຊາວກະສິກອນທົ່ວປະເທດ, ກອງປະຊຸມໃຫຍ່ໄດ້ສຳເລັດທຸກເນື້ອໃນ, ລາຍການ ທີ່ວາງອອກ.
ທີ່ກອງປະຊຸມໃຫຍ່, ມີຫຼາຍຄຳເຫັນໄດ້ປຶກສາຫາລືຢ່າງຟົດຟື້ນ, ກົງໄປກົງມາ, ມີປະຊາທິປະໄຕ ແລະ ມີຄວາມເຫັນດີເຫັນພ້ອມສູງຜ່ານບັນດາເອກະສານສຳຄັນຂອງກອງປະຊຸມໃຫຍ່: ບົດລາຍງານຂອງຄະນະບໍລິຫານງານສູນກາງສະມາຄົມຊາວກະສິກອນ ຫວຽດນາມ ຊຸດທີ 8; ຂໍ້ກຳນົດຂອງສະມາຄົມຊາວກະສິກອນ ຫວຽດນາມ (ສະບັບເພີ່ມເຕີມ ແລະ ປັບປຸງ); ບົດລາຍງານກ່ຽວກັບການກວດກາຂອງຄະນະບໍລິຫານງານສູນກາງສະມາຄົມຊາວກະສິກອນ ຫວຽດນາມ ຊຸດທີ 8 ອາຍຸການ 2018 - 2023. ກອງປະຊຸມໃຫຍ່ສະມາຄົມຊາວກະສິກອນ ຫວຽດນາມ ຊຸດທີ 8 ກໍ່ກຳນົດທິດທາງ, ເປົ້າໝາຍ, ໜ້າທີ່ ແລະ ມາດຕະການແກ້ໄຂ ອາຍຸການ 2023 - 2028…
 |
ຄະນະບໍລິຫານງານສະມາຄົມຊາວກະສິກອນ ຫວຽດນາມ ຊຸດທີ 8 ອາຍຸການ 2023 - 2028 |
ກອງປະຊຸມໃຫຍ່ໄດ້ສະແດງໃຫ້ເຫັນເຈດຈຳນົງ ແລະ ຄວາມຕັດສິນໃຈສູງຂອງທຸກຂັ້ນຂອງສະມາຄົມ, ພະນັກງານ, ສະມາຊິກ, ຊາວກະສິກອນທົ່ວປະເທດ ໃນການປະຕິບັດທິດທາງໄລຍະ 5 ປີ (2023 – 2028): “ກໍ່ສ້າງສະມາຄົມຊາວກະສິກອນ ຫວຽດນາມ ໃຫ້ໂປ່ງໃສ, ເຂັ້ມແຂງ, ເພີ່ມທະວີບົດບາດຂອງສະມາຄົມ ແລະ ຊົນຊັ້ນຊາວນາໃນການພັດທະນາກະສິກຳໃຫ້ວັດທະນາຖາວອນ, ຊາວກະສິກອນຮັ່ງມີ, ຊົນນະບົດສີວິໄລ ແລະ ທັນສະໄໝ”. ປ່ຽນແປງໃໝ່, ຊຸກຍູ້ ແລະ ຍົກສູງປະສິດທິຜົນການບໍລິການ, ການໃຫ້ຄຳປຶກສາ ແລະ ບຳລຸງສ້າງວິຊາຊີບເພື່ອໜູນຊ່ວຍຊາວກະສິກອນ ແລະ ການເຄື່ອນໄຫວ “ຊາວກະສິກອນແຂ່ງຂັນກັນຜະລິດ ແລະ ດຳເນີນທຸລະກິດເກັ່ງ, ສາມັກຄີຊ່ວຍເຫຼືອເຊິ່ງກັນ ແລະ ກັນໃຫ້ຮັ່ງມີ ແລະ ຫຼຸດຜ່ອນຄວາມທຸກຍາກແບບຍືນຍົງ”. ກໍ່ສ້າງຄະນະພະນັກງານສະມາຄົມກຳມະກອນ ຫວຽດນາມ ທີ່ມີຄຸນນະທາດການເມືອງ, ຈັນຍາບັນ, ວິຖີຊີວິດ, ລະດັບວິຊາສະເພາະ ແລະ ຄວາມສາມາດໃນການເຮັດວຽກທີ່ດີ. ພັດທະນາ ແລະ ຍົກສູງຄຸນນະພາບຂອງສະມາຊິກ, ສູ້ຊົນສ້າງຊາວກະສິກອນລຸ້ນໃໝ່ທີ່ມີກຳລັງການຄຸ້ມຄອງ, ທັກສະການຜະລິດທີ່ເປັນມືອາຊີບ ແລະ ສ້າງປັນຍາຊົນຊາວກະສິກອນເທື່ອລະກ້າວ.
ສະມາຄົມທຸກຂັ້ນ ແລະ ສະມາຊິກສະມາຄົມທັງໝົດ ພ້ອມກັບບັນດາຊາວກະສິກອນທົ່ວປະເທດ ຕັດສິນໃຈປະຕິບັດບັນດາກຸ່ມເປົ້າໝາຍ, ໜ້າທີ່ ແລະ ມາດຕະການແກ້ໄຂທີ່ກອງປະຊຸມໄດ້ວາງອອກໃຫ້ເປັນຢ່າງດີ, ເພື່ອແນໃສ່ແກ້ໄຂຜົນປະໂຫຍດທີ່ແທດຈິງຂອງສະມາຊິກ, ຊາວກະສິກອນໃຫ້ເປັນຢ່າງດີ, ຍາມໃດກໍ່ເລືອກເອົາຊາວກະສິກອນ, ເພື່ອຊາວກະສິກອນ; ກໍ່ສ້າງສະມາຄົມຊາວກະສິກອນທີ່ໂປ່ງໃສ ແລະ ເຂັ້ມແຂງ ເພື່ອໃຫ້ມີບົດບາດເປັນເຈົ້າກຳໃນການພັດທະນາກະສິກຳ, ກໍ່ສ້າງຊົນນະບົດໃໝ່, ເຂົ້າຮ່ວມການກໍ່ສ້າງພັກ ແລະ ອຳນາດການປົກຄອງທີ່ປອດໃສ, ເຂັ້ມແຂງ, ປະຕິບັດວຽກງານປ້ອງກັນຊາດ, ປ້ອງກັນຄວາມສະຫງົບໃຫ້ເປັນຢ່າງດີ; ເປີດກວ້າງການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືສາກົນ ເພື່ອແນໃສ່ຫັນປະເທດ ຫວຽດນາມ ເປັນປະເທດອຸດສາຫະກຳ, ທັນສະໄໝ.
ກອງປະຊຸມໃຫຍ່ໄດ້ເລືອກຕັ້ງຄະນະບໍລິຫານງານສູນກາງສະມາຄົມຊາວກະສິກອນ ຫວຽດນາມ ຊຸດທີ 8 ອາຍຸການ 2023 - 2028, ໃນນັ້ນມີ 111 ສະຫາຍດີເດັ່ນທີ່ຕາງໜ້າໃຫ້ສະມາຊິກຊາວກະສິກອນ 10 ລ້ານກວ່າຄົນ, ແມ່ນບັນດາຜູ້ທີ່ມີຄຸນນະທາດ, ຄວາມສາມາດ ແລະ ຄຸນສົມບັດຢ່າງພຽງພໍເພື່ອປະຕິບັດໜ້າທີ່ທີ່ກອງປະຊຸມໃຫຍ່ ໄດ້ມອບໝາຍ. ທີ່ກອງປະຊຸມຄັ້ງທຳອິດ, ຄະນະບໍລິຫານງານສູນກາງສະມາຄົມຊາວກະສິກອນ ຫວຽດນາມ ຊຸດທີ 8 ໄດ້ເລືອກຕັ້ງຄະນະປະຈຳ 18 ທ່ານ, ເລືອກຕັ້ງປະທານ ແລະ ຮອງປະທານຂອງຄະນະບໍລິຫານງານສູນກາງສະມາຄົມຊາວກະສິກອນ ຫວຽດນາມ 4 ທ່ານ; ສະຫາຍ ເລືອງກວກດວ່ານ, ກຳມະການສູນກາງພັກ, ປະທານສະມາຄົມຊາວກະສິກອນ ຫວຽດນາມ ຊຸດທີ 7 ສືບຕໍ່ໄດ້ຮັບເລືອກຕັ້ງເປັນປະທານສະມາຄົມຊາວກະສິກອນ ຫວຽດນາມ ຊຸດທີ 8.
4 ສະຫາຍຄື: ຟ້າມຕຽນນາມ, ດິ່ງຂັກດິ໋ງ, ບຸ່ຍທິເທິມ ແລະ ຫງວຽນຊວັນດິງ ສືບຕໍ່ໄດ້ຮັບການເລືອກຕັ້ງເປັນຮອງປະທານຄະນະບໍລິຫານງານສູນກາງສະມາຄົມຊາວກະສິກອນ ຫວຽດນາມ ຊຸດທີ 8.
ກ່າວຄຳເຫັນປິດກອງປະຊຸມ, ສະຫາຍ ເລືອງກວກດວ່ານ, ປະທານຄະນະບໍລິຫານງານສູນກາງສະມາຄົມຊາວກະສິກອນ ຫວຽດນາມ ອາຍຸການທີ 8 ຢືນຢັນວ່າ: ຜົນສຳເລັດຂອງກອງປະຊຸມໃຫຍ່ຜູ້ແທນທົ່ວປະເທດສະມາຄົມຊາວກະສິກອນ ຫວຽດນາມ ອາຍຸການທີ 8 ແມ່ນກຳລັງໜູນຢ່າງແຮງເພື່ອຊຸກຍູ້ພະນັກງານ, ສະມາຊິກ, ຊາວກະສິກອນໃນທົ່ວປະເທດ ຍາດແຍ່ງກາລະໂອກາດ, ທ່າໄດ້ປຽບ, ຜ່ານຜ່າຄວາມຫຍຸ້ງຍາກ, ສິ່ງທ້າທາຍຢ່າງມີສະຕິ, ສືບຕໍ່ປ່ຽນແປງໃໝ່ອົງການ ແລະ ບັນດາການເຄື່ອນໄຫວຂອງສະມາຄົມ, ສ້າງເປັນກຳລັງແຮງໃໝ່ຂອງຊົນຊັ້ນຊາວນາ ແລະ ອົງການຈັດຕັ້ງຂອງສະມາຄົມຊາວກະສິກອນ ຫວຽດນາມ.
ກອງປະຊຸມໃຫຍ່ ໄດ້ລົງປະຊາມະຕິຜ່ານມະຕິກອງປະຊຸມໃຫຍ່ຜູ້ແທນທົ່ວປະເທດສະມາຄົມຊາວກະສິກອນ ຫວຽດນາມ ຊຸດທີ 8 ອາຍຸການ 2023 - 2028. ກອງປະຊຸມໃຫຍ່ ຮຽກຮ້ອງໃຫ້ສະມາຄົມທຸກຂັ້ນ ຈັດຕັ້ງການເຜີຍແຜ່, ໂຄສະນາຢ່າງກວ້າງຂວາງໃຫ້ບັນດາພະນັກງານ, ສະມາຊິກ, ຊາວທຸກຂັ້ນທົ່ວປະເທດກ່ຽວກັບໝາກຜົນຂອງກອງປະຊຸມໃຫຍ່, ຄົ້ນຄວ້າ, ເຊື່ອມຊຶມຢ່າງລະອຽດກ່ຽວກັບມະຕິ ແລະ ເອກະສານຂອງກອງປະຊຸມໃຫຍ່; ຮີບດ່ວນສ້າງ, ຜັນຂະຫຍາຍບັນດາລາຍການເຄື່ອນໄຫວສະເພາະ ເພື່ອນຳມະຕິກອງປະຊຸມໃຫຍ່ເຂົ້າສູ່ຊີວິດຕົວຈິງ, ປະກອບສ່ວນຊຸກຍູ້ການພັດທະນາກະສິກຳ ໃຫ້ວັດທະນາຖາວອນ, ຊາວກະສິກອນຮັ່ງມີ, ຊົນນະບົດສີວິໄລ ແລະ ທັນສະໄໝ.
ມິງດຶກ
