| ກວາງນາມ ມອບໂຄງການບ້ານເຮັດວຽກ ໃຫ້ຕຳຫຼວດລາວ | |
| ນັກສຶກສາຊາວຊົນເຜົ່າສ່ວນໜ້ອຍ ເເລະ ເຂດທະເລໝູ່ເກາະ ກວາງນາມ ໄດ້ຮັບທຶນການສຶກສາ ວື່ອາຢີ່ງ |
ບ້ວງຊ່ວຍເຫຼືອດັ່ງກ່າວແມ່ນເພື່ອແນໃສ່ໜູນຊ່ວຍເດັກນ້ອຍທີ່ປະສົບກັບຄວາມຫຍຸ້ງຍາກໃຫ້ມີໂອກາດໄດ້ໄປໂຮງຮຽນ, ສະໜອງອຸປະກອນຊ່ວຍເຫຼືອເຊັ່ນ ລໍ້ເຂັນ (ລົດຍູ້), ລົດແກວ່ງ (wiggle car), ລໍ້ຝຶກຍ່າງ, ຊ່ວຍໃນການບຳບັດຮ່າງກາຍສໍາລັບເດັກນ້ອຍທີ່ມີຄວາມພິການໃນການເຄື່ອນໄຫວ; ຊ່ວຍການກວດ ແລະ ປິ່ນປົວພະຍາດຢູ່ບັນດາຮາກຖານການແພດ; ສ້າງໃໝ່ ຫຼື ແປງເຮືອນ, ເຮັດກິດຈະກຳອະນາໄມ, ນໍ້າສະອາດໃຫ້ຄອບຄົວເດັກນ້ອຍທີ່ປະສົບກັບຄວາມຫຍຸ້ງຍາກ...
ລາຍການດັ່ງກ່າວ ໄດ້ຮັບການຜັນຂະຫຍາຍຢູ່ບັນດາເມືອງ, ເທດສະບານ, ນະຄອນຄື: ໜຸຍແທ່ງ, ຕ່ຽນເຝຶ໋ອກ, ຝຸນິ່ງ, ບັກຈາມີ, ທັງບິ່ງ, ຮ້ຽບດຶກ, ເກວ໋ເຊີນ, ນົງເຊີນ, ຢູຍຊວຽນ, ດ້າຍລົກ, ເຟືອກເຊີນ, ດົ່ງຢ່າງ, ດ້ຽນບານ, ໂຮ້ຍອານ ແລະ ຕ່າມກີ ນັບແຕ່ເດືອນທັນວາ 2023 ຫາເດືອນພະຈິກ 2026.
 |
| ໜູນຊ່ວຍເດັກນ້ອຍທີ່ປະສົບກັບຄວາມຫຍຸ້ງຍາກໃຫ້ມີໂອກາດໄດ້ໄປໂຮງຮຽນ |
Children's Hope in Action (CHIA) ແມ່ນອົງການບໍ່ຂຶ້ນກັບລັດຖະບານຂອງ ສ ເກົາຫຼີ ເຊິ່ງດຳເນີນທຸລະກິດຢູ່ ຫວຽດນາມ ແຕ່ປີ 2002, ໂດຍສຸມໃສ່ບັນດາການເຄື່ອນໄຫວໜູນຊ່ວຍເດັກ, ແມ່ຍິງ, ຄົນພິການ.
ນອກຈາກການເຄື່ອນໄຫວສື່ສານກ່ຽວກັບການຮັກສາສຸຂະພາບຈະເລີນພັນ ແລະ ສະກັດກັ້ນການໃຊ້ຄວາມຮຸນແຮງ, ການລ່ວງລະເມີດເດັກ, CHIA ຍັງດຳເນີນຫຼາຍກິດຈະກຳຄື: ມອບທຶນສຶກສາ 1.000 ກວ່າທຶນໃຫ້ນັກຮຽນທຸກຍາກແຂວງ ກວາງນາມ, ແຕ່ລະທຶນມີມູນຄ່າ 5 ລ້ານດົ່ງ/ປີ; ບຳລຸງສ້າງວິຊາຊີບຕັດຫຍິບ, ເອເລັກໂຕນິກ, ຈອດ... ໃຫ້ຄົນພິການແຂວງ ກວ໋າງນາມ 100 ກວ່າຄົນ.
ມິງດຶກ
