| ນະຄອນ ໂຮ່ຈີມິນ ເຊີນຊວນຊາວຫວຽດນາມ ອາໄສຢູ່ຕ່າງປະເທດ ເຂົ້າຮ່ວມບັນດາຂົງເຂດລົງທຶນທີ່ສຳຄັນ | |
| ແຂວງບິ່ງເຟືອກ ມອບຂອງຂວັນໃຫ້ຊາວ ຫວຽດນາມ ອາໄສຢູ່ຕ່າງປະເທດ, ປະຊາຊົນທີ່ມີຄວາມຫຍຸ້ງຍາກ ຢູ່ ກຳປູເຈຍ ແລະ ລາວ |
ວັນທີ 15 ທັນວາ, ຢູ່ນະຄອນຫຼວງ ໂຕກຽວ (ຍີ່ປຸ່ນ), ໃດ້ດຳເນິນເວທີປາໄສການຮ່ວມມືດ້ານແຮງງານ ຫວຽດນາມ - ຍີ່ປຸ່ນ. ເວທີປາໄສໂດຍກະຊວງແຮງງານ - ທະຫານເສຍອົງຄະ ແລະ ສັງຄົມ, ກະຊວງແຜນການ ແລະ ການລົງທຶນ ແລະ ສະຖານທູດ ຫວຽດນາມ ປະຈຳ ຍີ່ປຸ່ນ ໃດ້ຈັດຕັ້ງ. ທ່ານນາຍົກລັດຖະມົນຕີ ຟ້າມມິງຈິ໋ງ ໄດ້ເຂົ້າຮ່ວມ ແລະ ກ່າວຄຳປາໃສທີ່ເວທີປາໄສ.
ຕາມໜັງສືພິມເອເລັກໂຕນິກລັດຖະບານ, ທ່ານນາຍົກລັດຖະມົນຕີ ຟ້າມມິງຈິ໋ງ ໄດ້ສະແດງຄວາມຊົມເຊີຍການຈັດຕັ້ງເວທີປາໄສ - ແມ່ນເວທີປາໄສແຫ່ງຊາດຄັ້ງທຳອິດກ່ຽວກັບແຮງງານທີ່ໃດ້ຈັດຂຶ້ນຢູ່ຕ່າງປະເທດ. ເຫດການດັ່ງກ່າວ ຍິ່ງມີຄວາມໝາຍຍິ່ງກວ່າອີກ ເມື່ອສອງປະເທດຫາກໍສ້າງການພົວພັນຄູ່ຮ່ວມມືຍຸດທະສາດຮອບດ້ານໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ.
ປະຊາຄົມຊາວ ຫວຽດນາມ ຢູ່ ຍີ່ປຸ່ນ ບັນລຸເກືອບ 500.000 ຄົນ, ແມ່ນປະຊາຄົມຕ່າງປະເທດໃຫຍ່ອັນດັບ 2 ຢູ່ ຍີ່ປຸ່ນ ແລະ ພວມປະກອບສ່ວນພັດທະນາເສດຖະກິດ, ສັງຄົມຂອງ ຍີ່ປຸ່ນ, ກາຍເປັນບັນດາຂົວເຊື່ອມຕໍ່ສຳຄັນຂອງການພົວພັນລະຫວ່າງ 2 ປະເທດ ແລະ ປະຊາຊົນ 2 ປະເທດ.
 |
ທ່ານນາຍົກລັດຖະມົນຕີ ມອບຂອງຂວັນໃຫ້ຄົນງານ ຫວຽດນາມ ທີ່ໄປເຮັດວຽກຢູ່ ຍີ່ປຸ່ນ. |
ທ່ານນາຍົກລັດຖະມົນຕີ ໃດ້ຮອງຮັບ, ຕີລາຄາສູງບັນດາຄວາມມານະພະຍາຍາມ, ຄວາມຕັດສິນໃຈ ແລະ ໝາກຜົນທີ່ບັນດາກະຊວງ, ຂະແໜງການ, ອົງການ ບັນລຸໄດ້, ພິເສດແມ່ນຂະແໜງແຮງງານ; ບັນດາທ້ອງຖິ່ນ, ອົງການ, ສະມາຄົມ, ວິສາຫະກິດ 2 ປະເທດ ແລະ ທຸກຄົນແຮງງານ ຫວຽດນາມ ຢູ່ ຍີ່ປຸ່ນ. ຜ່ານນັ້ນ ປະກອບສ່ວນຢ່າງແທດຈິງ ແລະ ມີປະສິດທິຜົນເຂົ້າໃນການພັດທະນາຂອງແຕ່ລະປະເທດ ກໍເປັນການປັບປຸງ, ເພີ່ມທະວີການພົວພັນມິດຕະພາບ ແລະ ການຮ່ວມມືລະຫວ່າງສອງປະເທດ.
ທ່ານນາຍົກລັດຖະມົນຕີ ຫວັງວ່າ ໃນໄລຍະຈະມາເຖິງ, ການຮ່ວມມືດ້ານແຮງງານລະຫວ່າງ 2 ປະເທດນັບມື້ນັບພັດທະນາ, ບໍ່ພຽງແຕ່ເພີ່ມຈຳນວນຄົນແຮງງານ ຫຼື ຄຸນນນນະພາບແຫຼ່ງຊັບພະຍາກອນມະນຸດທີ່ມາເຮັດວຽກຢູ່ ຍີ່ປຸ່ນ ເທົ່ານັ້ນ ຫາກຍັງບັນລຸໄດ້ໝາກຜົນທາດແທ້ຕ່າງໆ ໃນບັນດາດ້ານການພັດທະນາເສດຖະກິດ - ສັງຄົມ, ວັດທະນະທຳ, ວິທະຍາສາດເຕັກໂນໂລຢີ, ການແລກປ່ຽນປະຊາຊົນ...
ຕາມທ່ານນາຍົກລັດຖະມົນຕີແລ້ວ, ຫວຽດນາມ ແມ່ນປະເທດພວມພັດທະນາ, ເພື່ອເໝາະສົມຄວາມໄວຂອງການພັດທະນາເຕັກໂນໂລຢີ, ຂອງວິທະຍາສາດເຕັກໂນໂລຊີຮຽກຮ້ອງຕ້ອງມີແຫຼ່ງຊັບພະຍາກອນມະນຸດທີ່ມີຄຸນນະພາບສູງ, ນີ້ແມ່ນປັດໄຈຊີ້ຂາດ. ການເຄື່ອນໄຫວຮ່ວມມືດ້ານແຮງງານກັບ ຍີ່ປຸ່ນ ສະນັ້ນຕ້ອງມີທິດທາງທີ່ແທດເໝາະ ແລະ ແໝາະສົມກັບສະພາບຕົວຈິງ.
ຕາມນັ້ນແລ້ວ, ຕ້ອງມຸ່ງໄປເຖິງການຮັບບັນຈຸ ແລະ ສົ່ງຄົນງານທີ່ມີທັກສະ, ມີລະດັບ, ມີກະໂຫຍຮ່ຳຮຽນເອົາ, ຄວາມມຸ່ງມາດປາຖະໜາທີ່ຈະເພີ່ມຂຶ້ນ ແລະ ຄວາມອົດທົນຕໍ່ກັບການພັດທະນາຂອງຍຸກສະໄໝໃນຫຼາຍຂົງເຂດວິຊາອາຊີບ ຍີ່ປຸ່ນ ທີ່ມີຄວາມເຂັ້ມແຂງເຊັ່ນເຄິ່ງຊັກນຳໄຟຟ້າ, ເຕັກໂນໂລຢີຂໍ້ມູນຂ່າວສານ, ຫັນເປັນອັດຕະໂນມັດ, ເຕັກໂນໂລຢີຊີວະວິທະຍາ, ເຕັກໂນໂລຢີໃນກະສິກໍາ, ການກໍ່ສ້າງລະບົບກິດຈະການໃຕ້ດິນຈັດການນ້ຳເສດ, ສິ່ງແວດລ້ອມຕົວເມືອງ... ຈາກນັ້ນ ການກໍ່ຮ່າງສ້າງຕົວຂຶ້ນກຳລັງແຮງງານທີ່ໄດ້ຮັບການບຳລຸງສ້າງ ໂດຍຜ່ານການເຮັດວຽກຕົວຈິງຢູ່ ຍີ່ປຸ່ນ ເພື່ອປະກອບສ່ວນເຂົ້າໃນການພັດທະນາວິຊາອາຊີບດັ່ງກ່າວຢູ່ ຫວຽດນາມ.
ທ່ານນາຍົກລັດຖະມົນຕີ ຮຽກຮ້ອງໃຫ້ບັນດາອົງການທີ່ມີໜ້າທີ່ຂອງ ຍີ່ປຸ່ນ, ຝ່າຍ ຫວຽດນາມ ແມ່ນກະຊວງແຮງງານ - ທະຫານເສຍອົງຄະ ແລະ ສັງຄົມ, ສະຖານທູດ ຫວຽດນາມ ປະຈຳ ຍີ່ປຸ່ນ ສົມທົບກັນຢ່າງແໜ້ນແຟ້ນ ເພື່ອສ້າງຊີວິດການເປັນຢູ່ ແລະ ການເຮັດວຽກທີ່ດີທີ່ສຸດ, ສ້າງຄວາມສະດວກ, ປອດໄພ, ເປັນມິດ, ຖືກຕ້ອງ ປອງດອງວັດທະນະທຳ, ເພື່ອໃຫ້ຄົນແຮງງານ ຫວຽດນາມ ສາມາດອຸ່ນອຽນໃຈຮ່ຳຮຽນ, ເຮັດວຽກ ແລະ ປະຕິບັດກົດໝາຍປະຈຳຖິ່ນ, ມີໂອກາດຍົກສູງຄຸນນະພາບຊີວິດການເປັນຢູ່, ໃດ້ດຳລົງຊີວິດໃນສະພາບແວດລ້ອມທີ່ທັນສະໄໝດ້ວຍເອກະລັກວັດທະນະທຳຂອງຍີ່ປຸ່ນ, ຫຼຸດຜ່ອນບັນດາກໍລະນີ ລະເມີດກົດໝາຍ...
ກະຊວງແຮງງານ - ທະຫານເສຍອົງຄະ ແລະ ສັງຄົມ ພ້ອມກັບບັນດາກະຊວງ, ຂະແໜງການທີ່ກ່ຽວຂ້ອງຂອງຝ່າຍ ຫວຽດນາມ ຈະສົມທົບກັນຢ່າງແໜ້ນແຟ້ນກ່ວາອີກກັບສະຖານທູດ ຫວຽດນາມ ປະຈຳ ຍີ່ປຸ່ນ, ເຮັດວຽກຢ່າງຕັ້ງໜ້າກັບບັນດາອົງການທີ່ມີໜ້າທີ່ຝ່າຍ ຍີ່ປຸ່ນ ຄື ກະຊວງຍຸຕິທຳ, ກະຊວງສາທາລະນະສຸກ, ແຮງງານ ແລະ ສະຫວັດດີການ ຍີ່ປຸ່ນ ເພື່ອລຶບລ້າງບັນດາຂໍ້ຕິດຂັດ, ແກ້ໄຂບັນດາປະກົດການຫຍໍ້ທໍ້ຕ່າງໆ ເຊັ່ນ ບັນຫາຍົກເວັ້ນ ແລະ ຫຼຸດຜ່ອນອາກອນລາຍຮັບ, ອາກອນທີ່ຢູ່ອາໄສຂອງແຮງງານຫວຽດນາມ; ຍູ້ແຮງການເຄື່ອນໄຫວຮ່ວມມືດ້ານແຮງງານລະຫວ່າງສອງປະເທດກ່ວາອີກ, ສ້າງຄຸນຄ່າເພີ່ມເຕີມຫຼາຍຢ່າງ, ຍົກສູງຄຸນນະພາບຊັບພະຍາກອນມະນຸດ; ພ້ອມກັນນັ້ນ, ເປີດກວ້າງການຮ່ວມມືໃນຂົງເຂດເສດຖະກິດ, ວັດທະນະທຳ, ສັງຄົມ...
ທ່ານນາຍົກລັດຖະມົນຕີ ປາດຖະໜາວ່າ ລັດຖະບານ, ບັນດາອົງການທີ່ມີໜ້າທີ່ແລະ ທ້ອງຖິ່ນຂອງ ຍີ່ປຸ່ນ ສ້າງເງື່ອນໄຂສະດວກ, ເຮັດໃຫ້ງ່າຍດາຍລະບຽບການໃນອອກວີຊາ, ມຸ່ງໄປເຖິງຍົກເວັ້ນວີຊາເຂົ້າເມືອງໃຫ້ແກ່ພົນລະເມືອງ ຫວຽດນາມ ເພື່ອຊຸກຍູ້ການຮ່ວມມືດ້ານການທ່ອງທ່ຽວລະຫວ່າງສອງປະເທດ; ໂດຍໄວໄດ້ຜັນຂະຫຍາຍຮູບແບບທ່ອງທ່ຽວຮ່ຳຮຽນ, ເອົາໃຈໃສ່ ແລະ ສ້າງເງື່ອນໄຂສະດວກໃຫ້ປະຊາຄົມຊາວ ຫວຽດນາມ 500.000 ຄົນພວມດຳລົງຊີວິດ, ຮ່ຳຮຽນ ແລະ ເຮັດວຽກຢູ່ ຍີ່ປຸ່ນ, ເສີມຂະຫຍາຍບົດບາດເປັນຂົວເຊຶ່ອມຕໍ່ແລະ ເລິກເຊິ່ງກ່ວາອີກ, ເຂັ້ມຂຸ້ນກ່ວາອີກ, ກວ້າງຂວາງກ່ວາອີກການພົວພັນຮ່ວມມືລະຫວ່າງສອງປະເທດ ແລະ ສອງປະຊາຊົນ.
ຕາມກະຊວງແຮງງານ - ທະຫານເສຍອົງຄະ ແລະ ສັງຄົມແລ້ວ, ປີ 2023 ແມ່ນຈຳນວນຄົນແຮງງານ ຫວຽດນາມ ສູງສຸດໃນໄລຍະຈະມາເຖິງ ທັງແມ່ນຈຳນວນຄົນໄປ ຍີ່ປຸ່ນ ໃນແຕ່ລະປີ (ຄາດວ່າປະມານ 85.000 ຄົນ) ແລະ ທັງແມ່ນຈຳນວນຄົນກຳລັງເຮັດວຽກຢູ່ ຍີ່ປຸ່ນ (ປະມານ 350,000 ຄົນ, ກວມເອົາອັດຕາສ່ວນສູງສຸດຂອງຈໍານວນແຮງງານຕ່າງປະເທດທັງຫມົດທີ່ເຮັດວຽກຢູ່ຍີ່ປຸ່ນ).
ເລີ່ມຕົ້ນການຮ່ວມມືດ້ານແຮງງານນັບແຕ່ປີ 1992, ຫວຽດນາມ ຍັງແມ່ນປະເທດນຳໜ້າໃນຈຳນວນຄົນໄປເຮັດວຽກໃນແຕ່ລະປີ ກໍແມ່ນຍອດຈຳນວນຄົນກຳລັງເຮັດວຽກຢູ່ ຍີ່ປຸ່ນ ໃນບັນດາ 15 ປະເທດສົ່ງແຮງງານໄປປະເທດນີ້.
ມິງດຶກ
