| Vietjet ເປີດສາຍການບິນໂດຍກົງ ນະຄອນໂຮ່ຈີມິນ - ວຽງຈັນ ແລະ ປະກາດການຮ່ວມມືຮອບດ້ານກັບ Lao Airlines | |
| ຮ່າໂນ້ຍ ຢູ່ໃນ top 100 ນະຄອນທີ່ດີທີ່ສຸດໃນໂລກ ປີ 2024 |
ວັນທີ 11 ທັນວານີ້, CNN ໄດ້ປະກາດບັນຊີລາຍຊື່ 100 ເມືອງເປັນສະຖານທີ່ແຖວໜ້າຂອງໂລກໃນປີ 2023 ອີງຕາມການລາຍງານປະຈຳປີຂອງບໍລິສັດຄົ້ນຄວ້າຕະຫຼາດໂລກ Euromonitor International. ຫວຽດນາມ ມີ 2 ຕົວແທນໃນ 100 ອັນດັບໜຶ່ງຄື: ນະຄອນໂຮ່ຈິມິນ (ທີ 85) ແລະ ຮ່າໂນ້ຍ (ທີ 98).
ອັນດັບໜຶ່ງແມ່ນປາຣີ ແລະນີ້ເປັນເທື່ອທີສາມທີ່ນະຄອນຫຼວງຝຣັ່ງ ຈັດຢູ່ໃນອັນດັບນີ້. ຮອງເປັນຂອງ ດູໄບ, UAE. ໂຕກຽວ, ນະຄອນຫຼວງຂອງຍີ່ປຸ່ນ, ຢູ່ໃນ 10 ອັນດັບທໍາອິດ ແລະ ເປັນອັນດັບທີ 4 ຖັດຈາກ Madrid ຍ້ອນການປັບປຸງຂອງພື້ນຖານໂຄງລ່າງທ່ອງທ່ຽວ. ເງິນເຢນທີ່ອ່ອນຄ່າແມ່ນຖືວ່າໄດ້ນໍາເອົາຜົນປະໂຫຍດອັນໃຫຍ່ຫຼວງມາໃຫ້ນັກທ່ອງທ່ຽວຕ່າງປະເທດໄປທ່ອງທ່ຽວດ້ວຍລາຄາຖືກ ແຕ່ຍັງໄດ້ຮັບຄຸນນະພາບການບໍລິການທີ່ດີ. ຊື່ທີ່ຍັງເຫຼືອຢູ່ໃນ 10 ອັນດັບຕົ້ນປະກອບມີ ອຳສະເຕີດຳ, ເບີລິນ, ໂຣມ, ນິວຢອກ, ບາເຊໂລນາ ແລະ ລອນດອນ.
 |
| ໄປສະນີນະຄອນໂຮ່ຈິມິນ ຢູ່ໃນໝວດ 10 ສະຖານທີ່ເຊັກອິນທີ່ໜ້າສົນໃຈໃນນະຄອນ. ພາບ: ກິວເຈີນ |
ບັນດານະຄອນເອີຣົບ ປະກົດວ່າຫຼາຍທີ່ສຸດໃນຕາຕະລາງຈັດອັນດັບໂດຍມີ 7 ເມືອງໃນ 10 ອັນດັບຕົ້ນ ແລະ 63 ເມືອງໃນ 100 ອັນດັບ. ອາຊີໄດ້ຮັບການຕີລາຄາວ່າ "ມີຜົນງານທີ່ດີ" ໃນ 20 ອັນດັບທໍາອິດໂດຍມີ 6 ຕົວແທນ. ນອກຈາກຫວຽດນາມແລ້ວ, ຍັງມີ 3 ປະເທດອາຊີຕາເວັນອອກສ່ຽງໃຕ້ ທີ່ໄດ້ຮັບລາງວັນຄື: ໄທ, ມາເລເຊຍ ແລະ ສິງກະໂປ. ນະຄອນຫຼວງ ບາງກອກ ໄດ້ຈັດຢູ່ອັນດັບ 33, ພູເກັດ ອັນດັບທີ 80 ແລະ ພັດທະຍາ-ຊົນບູລີໄດ້ ອັນດັບ 84, ໂຈໂຮ ບາຮູ ອັນດັບ 87, ສິງກະໂປ ອັນດັບ 11.
ຜູ້ຊ່ຽວຊານທົ່ວໂລກໄດ້ຄັດເລືອກ ແລະໃຫ້ຄະແນນ 55 ໝວດເນື້ອໃນພາຍໃຕ້ 6 ມາດຖານຕົ້ນຕໍຄື: ປະສິດທິຜົນດ້ານເສດຖະກິດ, ປະສິດທິຜົນການທ່ອງທ່ຽວ, ພື້ນຖານໂຄງລ່າງການທ່ອງທ່ຽວ, ນະໂຍບາຍການທ່ອງທ່ຽວ ແລະ ຄວາມດຶງດູດຂອງສະຖານທີ່ທ່ອງທ່ຽວ, ເພື່ອດ້ານສຸຂະພາບ ເເລະ ຄວາມປອດໄພ, ຄວາມຍືນຍົງ.
ຕາມຂ່າວ CNN ແລ້ວ, ການທ່ອງທ່ຽວສາກົນສືບຕໍ່ຟື້ນຄືນຢ່າງແຂງແຮງ, ຄາດວ່າຈະບັນລຸ 1,3 ຕື້ເທື່ອຄົນໃນທ້າຍປີ 2023 ແລະ ສ້າງລາຍຈ່າຍການທ່ອງທ່ຽວທົ່ວໂລກປະມານ 1.700 ຕື້ USD. ອິສຕັນບູລ ຂອງ ຕວກກີ ເປັນເມືອງທີ່ຕ້ອນຮັບນັກທ່ອງທ່ຽວຫຼາຍທີ່ສຸດໃນໂລກ ໃນປີ 2023, ຖັັດມາແມ່ນ ດູໄບ ແລະ ລອນດອນ. ສອງເມືອງທີ່ມີການເຕີບໂຕສູງສຸດຕໍ່ປີໃນ 100 ອັນດັບຕົ້ນແມ່ນ ຮົ່ງກົງ (2,495%) ແລະ ບາງກອກ (142%).
ເຖິງຢ່າງໃດກໍ່ຕາມ, ຕາມບັນດານັກຊ່ຽວຊານແລ້ວ, ການເຕີບໂຕດ້ານການທ່ອງທ່ຽວແມ່ນ “ມີທັງດີ ແລະ ກົງກັນຂ້າມ” ເພາະວ່າຈຳນວນນັກທ່ອງທ່ຽວເປັນຈຳນວນຫຼວງຫຼາຍກໍ່ມີຄວາມໝາຍຄືກັນກັບນ້ຳໜັກເກີນ, ອາດຈະນຳມາເຊິ່ງຜົນສະທ້ອນທີ່ບໍ່ດີຕໍ່ສິ່ງແວດລ້ອມ ແລະ ຊີວິດຂອງປະຊາຊົນທ້ອງຖິ່ນ.
ດີງເລື້ອງ
