| ລາວພ້ອມແລ້ວທີ່ຈະເປັນປະທານອາຊຽນໃນປີ 2024 | |
| ລາວ ປະກາດໂລໂກ້ຂອງປີ ເປັນປະທານອາຊຽນ 2024 |
ການຕາຕະລາງຈັດອັນດັບນະຄອນທີ່ດີທີ່ສຸດຂອງໂລກ World's Best Cities ໄດ້ປະກາດ 100 ນະຄອນທີ່ດີທີ່ສຸດໃນໂລກປີ 2024 ໃນຕົ້ນໄຕມາດທີ 4 ຂອງປີນີ້. ນະຄອນຫຼວງ ຮ່າໂນ້ຍ ໄດ້ຈັດອັນດັບທີ 96, ແມ່ນຜູ້ຕາງໜ້າພຽງນະຄອນດຽວຂອງຫວຽດນາມ ທີ່ໄດ້ຮັບການກ່າວເຖິງ.
 |
ລະດູໃບໄມ້ຫຼົ່ນ ຮ່າໂນ້ຍ |
ນັກຊ່ຽວຊານຕີລາຄາວ່າ ນະຄອນ ຮ່າໂນ້ຍ ບໍ່ກວ້າງໃຫຍ່ ຫຼື ຄຶກຄັກຄືກັບນະຄອນ ໂຮ່ຈີມິນ ແຕ່ມີສະຖານທີ່ທ່ອງທ່ຽວຫຼາຍແຫ່ງ, ມີຕະຫຼາດທີ່ຄຶກຄັກເພື່ອໄປຊື້ເຄື່ອງ, ຊີວິດການເປັນຢູ່ກາງຄືນທີ່ຟົດຟື້ນ. ຫວຽດນາມ ໄດ້ຮັບການຕີລາຄາສູງໃນໝວດ "ລະດັບໜ້າຢູ່" (ທີ 61) ເຊັ່ນດຽວກັນກັບພື້ນຖານເສດຖະກິດທີ່ໄດ້ພິສູດໃຫ້ເຫັນຄວາມສາມາດຟື້ນຕົວຕໍ່ສິ່ງທ້າທາຍຂອງເສດຖະກິດໂລກ. ຄາດວ່າການເຕີບໂຕດ້ານເສດຖະກິດຂອງ ຫວຽດນາມ ຈະບັນລຸ 4,7% ໃນເຄິ່ງທ້າຍປີ. ທ້ອງຕະຫຼາດດ້ານໂຮງແຮມຂອງ ຮ່າໂນ້ຍ ຄາດວ່າຈະຂະຫຍາຍຕົວເມື່ອມີຕື່ມ 60 ໂຄງການໃໝ່ທີ່ມີຫ້ອງພັກຫຼາຍກວ່າ 11.000 ຫ້ອງ. ໃນນັ້ນ, ຫຼາຍກວ່າ 60% ແມ່ນໂຮງແຮມລະດັບ 5 ດາວ, ປ່ຽນນະຄອນໃຫ້ເປັນສະຖານທີ່ພ້ອມຈະຕ້ອນຮັບຊາວໂລກ.
ອັນດັບທີ 1 ແມ່ນ ລອນດອນ ປະເທດ ອັງກິດ. ຜູ້ຊ່ຽວຊານເວົ້າວ່າ ນະຄອນຫຼວງຂອງ ອັງກິດ ແມ່ນ"ສະຖານທີ່ທີ່ໜ້າຢູ່ ແລະ ຫນ້າເປັນທີ່ຮັກທີ່ສຸດ" ມີປະຫວັດສາດ ແລະ ວັດທະນະທໍາທີ່ຍາວນານ, ບັນດາໂຮງແຮມຊັ້ນສູງ ແລະ ຮ້ານຄ້າທີ່ບໍລິການອາຫານກິນດື່ມ, ລົດໄຟໃຕ້ດິນທີ່ສະດວກອີກ. ໃນປີ 2022, ອັນດັບ 1 ກໍ່ເປັນຂອງ ລອນດອນ.
ມີ 20 ນະຄອນ ອາຊີ ຕິດໃນ Top 100. ຍີ່ປຸ່ນ ແລະ ຈີນ ແມ່ນປະເທດທີ່ຖືກກ່າວເຖິງຫຼາຍທີ່ສຸດ ມີ 4 ຈຸດຫມາຍປາຍທາງຄື: ໂຕກຽວ (ອັນດັບທີ 3), ໂອຊາກາ (45), ນາໂກຢ່າ (94), ຊາໂປ່ໂຣ (98) ແລະ ປັກກິ່ງ (18), ໄຕ້ຫວັນ (42), ຮົ່ງກົງ (46), ຊຽງໄຮ້ (62). ເກົາຫຼີ ມີ 2 ນະຄອນຄື: ເຊີອຸນ (10) ແລະ ປູຊານ (67). ນະຄອນຈຳນວນໜຶ່ງໃນ ອາຊີ ແມ່ນຕັ້ງຢູ່ໃນ UAE, ອິດສະຣາເອນ, ໂອມານ, ຄູເວດ ແລະ ໄທ.
World's Best Cities ແມ່ນການຈັດອັນດັບປະຈໍາປີນັບຕັ້ງແຕ່ 2015 ຂອງບໍລິສັດທີ່ປຶກສາດ້ານທ່ອງທ່ຽວ, ອະສັງຫາລິມະຊັບທີ່ມີສາຂາທົ່ວໂລກ Resonance. ການຄົ້ນຄວ້າດັ່ງກ່າວໄດ້ຕີລາຄາທັງໝົດໃນຫຼາຍກວ່າ 270 ນະຄອນໃຫຍ່ທີ່ມີປະຊາກອນຫຼາຍກວ່າ 1 ລ້ານຄົນ.
ມາດຖານການຈັດອັນດັບແມ່ນອີງໃສ່ 3 ໝວດໃຫຍ່ ລວມມີ ຄວາມເປັນຢູ່, ຄວາມຈະເລີນຮຸ່ງເຮືອງຂອງນະຄອນ ແລະ ການດຶງດູດນັກທ່ອງທ່ຽວ, ການພັດທະນາເສດຖະກິດ. ສາມມາດຖານນີ້ແມ່ນຄະແນນລວມຈາກ 24 ປະເພດຍ່ອຍອື່ນໆ.
ບໍລິສັດສື່ມວນຊົນ Bloomberg ຕີລາຄາ World's Best Cities ວ່າ ເປັນ "ການຈັດອັນດັບບັນດານະຄອນທີ່ສົມບູນແບບທີ່ສຸດໃນໂລກ" ຍ້ອນຊື່ສຽງຂອງມັນຈາກຂໍ້ມູນການສໍາຫຼວດ.
ມິງດຶກ
