| ຫວຽດນາມ ແລະ ສີລັງກາ ມຸ່ງໄປເຖິງເຕີບໂຕວົງເງິນການຄ້າສອງຝ່າຍທີ່ບັນລຸ 500 ລ້ານ USD | |
| ຫວຽດນາມ ລົງທຶນເຂົ້າລາວ ຈຳນວນເງິນຫຼາຍກວ່າ 5,47 ຕື້ USD |
ທ່ານລັດຖະມົນຕີ ບຸ່ຍແທງເຊີນ ຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນ ແລະ ປາດຖະໜາຢາກເພີ່ມທະວີການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືກັບ ຊີຣີ ຢ່າງເລິກເຊິ່ງກ່ວາອີກ; ລັດຖະບານ ແລະ ປະຊາຊົນ ຫວຽດນາມ ຍາມໃດກໍ່ຈົດຈຳ ແລະ ຕີລາຄາສູງບັນດາການຊ່ວຍເຫຼືອອັນລ້ຳຄ່າທີ່ປະຊາຊົນ ຊີຣີ ມອບໃຫ້ ຫວຽດນາມ ໃນວິວັດການຕໍ່ສູ້ທ້ອນໂຮມປະເທດຊາດເປັນເອກະພາບໃນອະດີດ ແລະ ກໍ່ສ້າງປະເທດໃນປະຈຸບັນ.
ເພື່ອສະແດງຄວາມສາມັກຄີແບບພິເສດຂອງປະຊາຊົນ ຫວຽດນາມ ກັບປະຊາຊົນ ຊີຣີ ໃນຕໍ່ໜ້າບັນດາຄວາມເສຍຫາຍອັນໃຫຍ່ຫຼວງຍ້ອນແຜ່ນດິນໄຫວໃນເດືອນ ກຸມພາ ປີ ຢູ່ພາກເໜືອ ຊີຣີ. ທ່ານລັດຖະມົນຕີ ບຸ່ຍແທງເຊີນ ໃດ້ແຈ້ງການເຖິງ ສູນກາງກາແດງ ຫວຽດນາມ ສືບຕໍ່ໂອນເງິນສະໜັບສະໜູນຈາກຮອບທີ 3 ດ້ວຍມູນຄ່າ 600.000 USD ໃຫ້ປະຊາຊົນ ຊີຣີ, ໄດ້ນຳເອົາຍອດຈຳນວນເງິນສະໜັບສະໜູນຈາກລັດຖະບານ ແລະ ປະຊາຊົນ ຫວຽດນາມ ໃຫ້ແກ່ປະຊາຊົນ ຊີຣີ ມາຮອດປະຈຸບັນແມ່ນ 900.000 USD.
 |
ທ່ານລັດຖະມົນຕີການຕ່າງປະເທດ ບຸ່ຍແທງເຊີນ ໄດ້ມີການໂອ້ລົມທາງໂທລະສັບກັບທ່ານລັດຖະມົນຕີການຕ່າງປະເທດ ແລະ ປະຊາຊົນ ຊີຣີ Faisal Al-Mikdad |
ທ່ານລັດຖະມົນຕີ Faisal Al-Mikdad ໄດ້ຂອບໃຈການໜູນຊ່ວຍຢ່າງທັນການ ແລະ ຄວາມກະລຸນາຂອງລັດຖະບານ ແລະ ປະຊາຊົນ ຫວຽດນາມ; ເນັ້ນໜັກວ່າການນຳທຸກຂັ້ນ ແລະປະຊາຊົນ ຊີຣີ ຖືເປັນສຳຄັນການພົວພັນກັບຫວຽດນາມ, ສະແດງຄວາມປະທັບໃຈຕໍ່ບັນດາຜົນງານພັດທະນາເສດຖະກິດ - ສັງຄົມທີ່ຫວຽດນາມ ບັນລຸໄດ້ໃນເວລາຜ່ານມາ. ທ່ານລັດຖະມົນຕີຢືນຢັນວ່າ ຊີຣີ ຍາມໃດກໍ່ສະໜັບສະໜູນ ແລະ ປາດຖະໜາຢາກສຶກສາຫາຄວາມຮູ້ບົດຮຽນຈາກ ຫວຽດນາມ ໃນການພັດທະນາປະເທດຊາດ ແລະ ເຊື່ອມໂຍງເຂົ້າກັບສາກົນ.
ໃນບັນຍາກາດທີ່ສະໜິດສະໜົມ, ເປັນເອກະພາບກັນ, ສອງລັດຖະມົນຕີ ໄດ້ປຶກສາຫາລື ແລະ ເຫັນດີເປັນເອກະພາບກ່ຽວກັບທິດທາງຊຸກຍູ້ການຮ່ວມມືລະຫວ່າງສອງປະເທດໃນໄລຍະຈະມາເຖິງໃນຂົງເຂດການເມືອງ, ການທູດ, ເສດຖະກິດ; ປະສານສົມທົບ ແລະ ສະໜັບສະໜູນເຊິ່ງກັນ ແລະ ກັນຢູ່ບັນດາອົງຫຼາຍຝ່າຍເຊັ່ນ: ສະຫະປະຊາຊາດ, ຂະບວນການບໍ່ຮ່ວມກຸ່ມ...
ເນື່ອງໃນໂອກາດນີ້, ທ່ານລັດຖະມົນຕີ ບຸ່ຍແທງເຊີນ ໄດ້ເຊີນທ່ານລັດຖະມົນຕີ Faisal Al-Mikdad ມາຢ້ຽມຢາມ ຫວຽດນາມ ໂດຍໄວ ໃນເວລາທີ່ເໝາະສົມ. ທ່ານລັດຖະມົນຕີ Faisal Al-Mikdad ໄດ້ຮັບຄຳເຊີນຢ່າງດີໃຈ, ເຊື່ອໝັ້ນວ່າ ການຢ້ຽມຢາມຈະສ້າງບັນດາບາດກ້າວພັດທະນາໃໝ່ໃນການພົວພັນລະຫວ່າງ 2 ປະເທດ.
ມິງດຶກ
