| ເພີ່ມທະວີການສົມທົບກັນປົກປັກຮັກສາຊາຍແດນ ຫວຽດນາມ-ລາວ | |
| ແຂວງແທງຮ໋ວາ - ເງ້ອານ - ຮ່າຕິງ ເຊື່ອມຕໍ່ ໜຶ່ງຈຸດໝາຍປາຍທາງ, ຫຼາຍປະສົບການ |
ແຂວງ ແທງຮ໋ວາ ມີເສັ້ນຊາຍແດນທາງບົກ 213,6 ກິໂລແມັດ, ເຂດຊາຍແດນລວມມີ 5 ເມືອງດ້ວຍ 16 ຕາແສງ, ເທດສະບານ, ໃນເຂດຊາຍແດນມີ 6 ຊົນເຜົ່າຄື: ໄທ, ເມື່ອງ, ມົ້ງ, ຢ້າວ, ເກີມູ, ກິງ. ນີ້ແມ່ນເຂດທີ່ມີທີ່ຕັ້ງສຳຄັນພິເສດໃນດ້ານປ້ອງກັນຊາດ, ປ້ອງກັນຄວາມສະງົບ ແລະ ການຕ່າງປະເທດ.
ໃນໄລຍະຜ່ານມາ, ກອງບັນຊາການທະຫານປ້ອງກັນຊາຍແດນ ແທງຮ໋ວາ ໄດ້ປະຕິບັດບັນດາວາງແຜນນະໂຍບາຍ, ນະໂຍບາຍ ແລະ ທິດທາງສຳຄັນຂອງວຽກງານຖະແຫຼງຂ່າວການຕ່າງປະເທດຂອງພັກ ແລະ ລັດ ຢ່າງມີປະສິດທິຜົນ ເພື່ອຜັນຂະຫຍາຍ ແລະ ຈັດຕັ້ງປະຕິບັດວຽກງານຖະແຫຼງຂ່າວການຕ່າງປະເທດ. ຕາມນັ້ນແລ້ວ, ໄດ້ສຸມໃສ່ນຳພາ ແລະ ຊີ້ນຳບັນດາປ້ອມປ້ອງກັນຊາຍແດນ ສົມທົບກັບບັນດາຄະນະພັກບັນດາຂັ້ນ, ອຳນາດການປົກຄອງ, ແນວໂຮມປະເທດຊາດ; ຕາມນັ້ນແລ້ວ, ໄດ້ສຸມໃສ່ນຳພາ ແລະ ຊີ້ນຳບັນດາສະຖານີປ້ອງກັນຊາຍແດນ ສົມທົບກັບບັນດາຄະນະພັກບັນດາຂັ້ນ, ອຳນາດການປົກຄອງ, ແນວໂຮມປະເທດຊາດ; ບັນດາອົງການການເມືອງ-ສັງຄົມເຄື່ອນໄຫວໂຄສະນາໃຫ້ປະຊາຊົນທຸກຊັ້ນວັນນະຢູ່ເຂດຊາຍແດນໄດ້ເຂົ້າໃຈຢ່າງຈະແຈ້ງເຖິງທີ່ຕັ້ງ, ບົດບາດ, ຄວາມໝາຍ ແລະ ຄວາມສຳຄັນຂອງວຽກງານຂ່າວສານການຕ່າງປະເທດ. ຮັກສາການປະຕິບັດວຽກງານການຕ່າງປະເທດປ້ອງກັນຊາຍແດນ ແລະ ການທູດປະຊາຊົນຢ່າງມີປະສິດທິຜົນ.
 |
ພະນັກງານປ້ອມປ້ອງກັນຊາຍແດນ ປູຍີ່ ໂຄສະນາເຜີຍແຜ່ວຽກງານຂ່າວສານການຕ່າງປະເທດ |
ບັນດາປ້ອມປ້ອງກັນຊາຍແດນຢູ່ເຂດຊາຍແດນຂອງແຂວງໄດ້ສົມທົບກັນຢ່າງແໜ້ນແຟ້ນກັບກຳລັງອື່ນໆຢ່າງເປັນປົກກະຕິ, ເພີ່ມທະວີຄວາມເຂົ້າໃຈສະພາບການ, ປັບປຸງຄຸນນະພາບການຄາດຄະເນ, ຕັ້ງໜ້າກຳນົດທິດທາງ, ຊີ້ນຳຂໍ້ມູນຂ່າວສານທີ່ຖືກຕ້ອງ, ທັນການ, ຕໍ່ສູ້ຂໍ້ມູນຂ່າວບໍ່ມີມູນຄວາມຈີງຢ່າງມີປະສິດທິຜົນ, ຖ້ອຍທຳນອງວິພາກບັນຫາບິດເບືອນຂອງກຳລັງສັດຕູ, ເປັນຕົ້ນແມ່ນບັນດາບັນຫາກ່ຽວກັບຊາຍແດນ, ທະເລຕາເວັນອອກ, ຊົນເຜົ່າ, ສາສະໜາ, ປະຊາທິປະໄຕ, ສິດທິມະນຸດ... ຢ່າງມີປະສິດທິຜົນ.
ໂດຍປະຕິບັດບັນດາເນື້ອໃນຂອງໂຄງການສົມທົບກັນໃນວຽກງານຖະແຫຼງຂ່າວ, ສື່ສານ ແລະ ການຕ່າງປະເທດຢູ່ເຂດຊາຍແດນ ໄລຍະ 2022-2023 ລະຫວ່າງກອງບັນຊາການທະຫານປ້ອງກັນຊາຍແດນ ແທງຮ໋ວາ ກັບພະແນກຖະແຫຼງຂ່າວ ແລະ ສື່ສານແຂວງ, ປີ 2023, 2 ຝ່າຍໄດ້ສົມທົບກັນດຳເນີນການສຳຫຼວດ ແລະ ລາຍງານຂໍ້ສະເໜີການປັບປຸງກຸ່ມຂໍ້ມູນຂ່າວສານການຕ່າງປະເທດຢູ່ດ່ານສາກົນ ນາແມວ, ສະເໜີກໍ່ສ້າງ 2 ກຸ່ມຂໍ້ມູນຂ່າວສານການຕ່າງປະເທດໃໝ່ຢູ່ດ່ານຊາຍແດນ ແຕັ໋ນຕັນ ແລະ ດ່ານຊາຍແດນທ່າກຳປັ່ນ ງີເຊີນ. ບັນດາກອງບັນຊາການທະຫານປ້ອງກັນຊາຍແດນ ແທງຮ໋ວາ ໄດ້ເພີ່ມທະວີການການໂຄສະນາກ່ຽວກັບຮູບພາບ, ວັດທະນະທຳ, ປະຊາຊົນ ແລະ ປະເທດຊາດ ຫວຽດນາມ, ບັນດາເອກະສານກົດໝາຍກ່ຽວກັບຊາຍແດນຢູ່ບັນດາດ່ານຊາຍແດນ, ທ່າກຳປັ່ນທະເລ.
ປີ 2023, ກອງບັນຊາການທະຫານຊາຍແດນ ແທງຮ໋ວາ ໄດ້ສັງລວມ ແລະ ເຜີຍແຜ່ 12 ບົດຂ່າວ, ສື່ສິ່ງພິມໂຄສະນາ 9 ສະບັບ ແລະ ໃບປິວ 68.500 ໃບ ແຈກຢາຍໃຫ້ປະຊາຊົນຢູ່ເຂດຊາຍແດນ. ແຕ່ລະເດືອນ, ກອງບັນຊາການທະຫານຊາຍແດນແຂວງ ແທງຮ໋ວາ ສົມທົບກັບວິທະຍຸກະຈາຍສຽງ - ໂທລະພາບແຂວງ ອອກອາກາດປະຈຳເດືອນ ເຊິ່ງມີສອງລາຍການ “ຊາຍແດນທົ່ວປວງຊົນ”; ສົມທົບກັບບັນດາອົງການສື່ມວນຊົນສູນກາງ ແລະ ທ້ອງຖິ່ນ ສ້າງບົດສາລະຄະດີ 18 ບົດ, 40 ຂ່າວ, ບົດ, ເນື້ອໃນກ່ຽວກັບວຽກງານການຕ່າງປະເທດລົງພິມໃນໜັງສືພິມກອງທັບປະຊາຊົນ, ໜັງສືພິມປ້ອງກັນຊາຍແດນ, ໜັງສືພິມ ແທງຮ໋ວາ, ວິທະຍຸກະຈາຍສຽງ ແລະ ໂທລະພາບ ແທງຮ໋ວາ... ເຊິ່ງໄດ້ສະແດງໃຫ້ເຫັນຢ່າງແທດຈິງ ແລະ ຄົບຖ້ວນກ່ຽວກັບບັນດາການເຄື່ອນໄຫວຂອງກອງບັນຊາການທະຫານຊາຍແດນແຂວງ ໃນການຄຸ້ມຄອງ, ປ້ອງກັນຊາຍແດນ, ຕ້ານອາດຊະຍາກຳ, ໜູນຊ່ວຍປະຊາຊົນໃນການຜະລິດ ແລະ ການເຄື່ອນໄຫວອື່ນໆອີກ.
ຜ່ານນັ້ນ, ກໍ່ໄດ້ຍົກສູງຄວາມຮັບຮູ້ໃຫ້ພະນັກງານ, ນັກຮົບ ແລະ ປະຊາຊົນບັນດາເຜົ່າຢູ່ເຂດຊາຍແດນກ່ຽວກັບວຽກງານຖະແຫຼງຂ່າວການຕ່າງປະເທດຂອງພັກ ແລະ ລັດ, ພິເສດແມ່ນບັນດາບັນຫາສາສະໜາ, ຊົນເຜົ່າ ແລະ ສິດທິມະນຸດ, ນະໂຍບາຍຊົນເຜົ່າ, ລະບຽບການກ່ຽວກັບການຄຸ້ມຄອງຊາຍແດນທາງບົກ ຫວຽດນາມ - ລາວ.
ນອກຈາກນັ້ນ, ກອງບັນຊາການທະຫານຊາຍແດນ ແທງຮ໋ວາ ຍັງສືບຕໍ່ແນະນຳ ແລະ ຮັກສາການຈັດຕັ້ງປະຕິບັດບັນດາຂໍ້ຕົກລົງທີ່ໄດ້ລົງນາມລະຫວ່າງ 17 ໝູ່ບ້ານໃກ້ກັບຊາຍແດນແຂວງ ແທງຮ໋ວາ - ຫົວພັນ (ລາວ); ຈັດຕັ້ງການໂຄສະນາກ່ຽວກັບການຢ້ຽມຢາມ 2 ຝ່າຍ ແລະ ຫຼາຍຝ່າຍ, ການເຂົ້າຮ່ວມກອງປະຊຸມສາກົນຂອງການນຳພັກ ແລະ ລັດ; ບັນດາດຳລັດ, ຂໍ້ຕົກລົງ, ລະບຽບການຊາຍແດນ; ໂຄສະນາກ່ຽວກັບການພົວພັນຮ່ວມມືລະຫວ່າງ ຫວຽດນາມ ກັບບັນດາປະເທດບ້ານໃກ້ເຮືອນຄຽງ ແລະ ບັນດາປະເທດໃນໂລກ.
ວຽກງານຂໍ້ມູນຂ່າວສານການຕ່າງປະເທດ, ກອງບັນຊາການປ້ອງກັນຊາຍແດນ ແທງຮ໋ວາ ກໍ່ໄດ້ຜັນຂະຫຍາຍໂດຍຜ່ານການພົບພະເຈລະຈາຢູ່ຂັ້ນແຂວງ, ຂັ້ນຄ້າຍ, ປ້ອມປ້ອງກັນຊາຍແດນ, ໂດຍຜ່ານການພົບປະ ແລະ ແລກປ່ຽນກັບບັນດາກຳລັງຄຸ້ມຄອງປ້ອງກັນຊາຍແດນ. ແຕ່ຕົ້ນປີມາຮອດປະຈຸບັນ, ກອງບັນຊາການທະຫານປ້ອງກັນຊາຍແດນ ແທງຮ໋ວາ ໄດ້ພົບປະເຈລະຈາກັບກອງບັນຊາການທະຫານ ແລະ ກອງບັນຊາການປ້ອງກັນຄວາມສະຫງົບແຂວງ ຫົວພັນ 5 ຄັ້ງ; ບັນດາປ້ອມປ້ອງກັນຊາຍແດນ ໄດ້ມີການເຈລະຈາ, ພົບປະສອງຝ່າຍກັບກຳລັງປ້ອງກັນຊາຍແດນລາວ 29 ຄັ້ງ; ປະສານສົມທົບການລາດຕະເວນສອງຝ່າຍ 47 ຄັ້ງ / 1.248 ເທື່ອຜູ້ເຂົ້າຮ່ວມ; ສົມທົບກັບກຳລັງປ້ອງກັນຊາຍແດນຈັດຕັ້ງການໂຄສະນາກ່ຽວກັບຂໍ້ຕົກລົງກ່ຽວກັບລະບຽບການຊາຍແດນ, ຕ້ານ ແລະ ສະກັດກັ້ນບັນດາການເຄື່ອນໄຫວທີ່ລະເມີດລະບຽບການຊາຍແດນ, ແກ້ໄຂຢ່າງເຳິງຖອງຕໍ່ກັບບັນດາກໍລະນີທີ່ກ່ຽວຂ້ອງຂອງສອງຟາກຊາຍແດນໂດຍຮັບປະກັນການປະຕິບັດຕາມກົດໝາຍ ແລະ ລະບຽບການສາກົນ.
ຜ່ານບັນດາການເຄື່ອນໄຫວວຽກງານການຕ່າງປະເທດຂອງທະຫານປ້ອງກັນຊາຍແດນ, ທະຫານປ້ອງກັນຊາຍແດນ ແທງຮ໋ວາ ໄດ້ມອບຂອງຂວັນ ແລະ ໜູນຊ່ວຍດ້ານວັດຖຸໃຫ້ທະຫານປ້ອງກັນຊາຍແດນ ແລະ ອຳນາດການປົກຄອງຂອງປະເທດເພື່ອນ ເປັນມູນຄ່າກວ່າ 700 ລ້ານດົ່ງ; ມອບເຄື່ອງຊ່ວຍເຫຼືອນັກຮຽນລາວ 11 ຄົນ ຕາມ"ໂຄງການ "ຊ່ວຍໃຫ້ເດັກນ້ອຍໄດ້ໄປໂຮງຮຽນ"...
ທ່ານພັນເອກ ຮວ່າງວັນຮຸ່ງ, ຮັບຜິດຊອບວຽກງານການເມືອງ ປ້ອງກັນຊາຍແດນແຂວງ ແທງຮ໋ວາ ໃຫ້ຮູ້ວ່າ: ໃນໄລຍະຈະມາເຖິງ, ເພື່ອປະຕິບັດວຽກງານຂໍ້ມູນຂ່າວສານການຕ່າງປະເທດຢູ່ເຂດຊາຍແດນຢ່າງຖືກຕ້ອງ, ກອງບັນຊາການທະຫານຊາຍແດນແຂວງ ຈະສືບຕໍ່ສົມທົບກັບບັນດາພະແນກ, ຄະນະ, ຂະແໜງການ, ອຳນາດການປົກຄອງທ້ອງຖິ່ນ, ໂດຍແມ່ນພະແນກຖະແຫຼງຂ່າວ ແລະ ສື່ສານ ຊຸກຍູ້ວຽກງານຂ່າວສານການຕ່າງປະເທດໂດຍກົງ. ຍົກສູງກຳລັງຄວາມສາມາດໃນການນຳພາ ແລະ ກຳລັງຕໍ່ສູ້ຂອງບັນດາອົງການຈັດຕັ້ງພັກຮາກຖານ, ເສີມຂະຫຍາຍບົດບາດຂອງພະນັກງານ ແລະ ສະມາຊິກພັກໃນວຽກງານຂ່າວສານການຕ່າງປະເທດຢ່າງບໍ່ຢຸດຢັ້ງ.
ເພີ່ມທະວີການແລກປ່ຽນສະພາບການລະຫວ່າງກຳລັງປ້ອງກັນຊາຍແດນແຂວງ ແທງຮ໋ວາ - ຫົວພັນ; ສົມທົບກັນຢ່າງແໜ້ນແຟ້ນໃນວຽກງານໂຄສະນາເຜີຍແຜ່ນະໂຍບາຍຂອງສອງປະເທດພ້ອມທັງຄຸ້ມຄອງ ແລະ ປົກປັກຮັກສາຊາຍແດນ. ຜ່ານນັ້ນ, ກໍ່ຊ່ວຍໃຫ້ປະຊາຊົນບັນດາເຜົ່າເຂົ້າໃຈຢ່າງເລິກເຊິ່ງກ່ວາອີກກ່ຽວກັບບົດບາດ, ຄວາມຮັບຜິດຊອບຂອງຕົນໃນການປະຕິບັດໜ້າທີ່ປົກປັກຮັກສາອະທິປະໄຕຜືນແຜ່ນດິນແດນ, ຄວາມໝັ້ນຄົງເຂດຊາຍແດນແຫ່ງຊາດ, ມີຄວາມຮັບຜິດຊອບໃນການປົກປັກຮັກສາວັດທະນະທຳຂອງບັນດາເຜົ່າ, ໂຄສະນາ, ແນະນຳພາບພົດຂອງບ້ານເກີດເມືອງນອນ ແລະ ປະຊາຊົນເຖິງເພື່ອນມິດພາຍໃນ ແລະ ສາກົນ.
