| ແຂວງບິ່ງເຟືອກ ມອບຂອງຂວັນໃຫ້ຊາວ ຫວຽດນາມ ອາໄສຢູ່ຕ່າງປະເທດ, ປະຊາຊົນທີ່ມີຄວາມຫຍຸ້ງຍາກ ຢູ່ ກຳປູເຈຍ ແລະ ລາວ | |
| ເພີ່ມທະວີການຮ່ວມມືຢູ່ເຂດສາມຫຼ່ຽມພັດທະນາ ກຳປູເຈຍ - ລາວ - ຫວຽດນາມ |
ໂດຍລາຍງານຕໍ່ທ່ານປະທານສະພາແຫ່ງຊາດ ເຫວືອງດິງເຫ້ວ ແລະ ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ, ທ່ານປະທານສະຫະສະມາຄົມ ຊາວຫວຽດນາມ ຢູ່ລາວ ຟ້າມວັນຮຸ່ງ ໃຫ້ຮູ້ວ່າ ປະຊາຄົມຊາວຫວຽດນາມ ຢູ່ລາວ ມີມູນເຊື້ອຮັກຊາດ, ສາມັກຄີ, ປົກປັກຮັກສາສີສັນຂອງຊາດ, ປະຕິບັດກົດໝາຍລາວ ຢ່າງເຂັ້ມງວດ, ປະກອບສ່ວນຫຼາຍຢ່າງເຂົ້າໃນພາລະກິດສ້າງສາ ແລະ ປົກປັກຮັກສາປະເທດຊາດ ລາວ ແລະ ຫວຽດນາມ.
ໃນໄລຍະຜ່ານມານີ້, ປະຊາຄົມຊາວຫວຽດນາມ ຢູ່ລາວ ໄດ້ມີຫຼາຍການເຄື່ອນໄຫວຢ່າງຕັ້ງໜ້າໃນວຽກງານສັງຄົມ, ການກຸສົນ, ຊ່ວຍເຫຼືອເຊິ່ງກັນ ແລະ ກັນເພື່ອພັດທະນາ, ຕັ້ງໜ້າເຂົ້າຮ່ວມບັນດາການເຄື່ອນໄຫວລວມຂອງປະເທດເຈົ້າພາບ, ປະກອບສ່ວນຕັ້ງໜ້າເຂົ້າໃນການພັດທະນາເສດຖະກິດ - ສັງຄົມຂອງປະເທດເພື່ອນ; ເຂົ້າຮ່ວມການເຄື່ອນໄຫວອາສາສະໝັກ ແລະ ໜູນຊ່ວຍການລົບລ້າງຄວາມອຶດຫິວ ແລະ ຫຼຸດຜ່ອນຄວາມທຸກຍາກໃນບາງຂົງເຂດທີ່ປະສົບກັບຄວາມຫຍຸ້ງຍາກ.
 |
ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ກ່າວຄຳປາໄສ |
ຕາງໜ້າໃຫ້ຊາວຫວຽດນາມ ອາໄສຢູ່ຕ່າງປະເທດ, ທ່ານ ຟ້າມວັນຮຸ່ງ ຮຽກຮ້ອງໃຫ້ອຳນາດການປົກຄອງເອົາໃຈໃສ່ຊຸກຍູ້ການລົງນາມໃນສັນຍາຮ່ວມມືດ້ານແຮງງານຢ່າງກວ້າງຂວາງ; ເພີ່ມທຶນການສຶກສາ ເພື່ອໃຫ້ນັກສຶກສາ ແລະ ໄວໜຸ່ມລາວ ທີ່ມີເຊື້ອຊາດ ຫວຽດນາມ ໄດ້ກັບຄືນໄປຮ່ຳຮຽນຢູ່ ຫວຽດນາມ ຕື່ມອີກ...
ກ່າວຄຳເຫັນທີ່ການພົບປະ, ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ໄດ້ສະແດງຄວາມຊົມຊື່ນເມື່ອກັບຄືນຊາຍຄາລວມຂອງປະຊາຄົມຊາວຫວຽດນາມ ຢູ່ລາວ ພາຍຫຼັງການຢ້ຽມຢາມລາວຢ່າງເປັນທາງການໃນປີ 2022. ທ່ານປະທານສະພາແຫ່ງຊາດ ໃຫ້ຮູ້ວ່າ ກອງປະຊຸມຂັ້ນສູງສະພາແຫ່ງຊາດ 3 ປະເທດ ກຳປູເຈຍ - ລາວ - ຫວຽດນາມ ຄັ້ງທີ 1 ມີຄວາມໝາຍສຳຄັນ, ເປັນຄັ້ງທຳອິດໃນປະຫວັດສາດຂອງ 3 ປະເທດ CLV ທີ່ມີກົນໄກພົບປະຢ່າງຄົບຖ້ວນລະຫວ່າງການນຳຂັ້ນສູງທັງ 3 ສາມຊ່ອງທາງຄື ພັກ, ສະພາແຫ່ງຊາດ ແລະ ລັດຖະບານ.
ນອກຈາກການເຄື່ອນໄຫວໃນຂອບກອງປະຊຸມ, ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ກໍ່ໄດ້ເຂົ້າຢ້ຽມຂ່ຳນັບທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ; ໄດ້ມີການພົບປະເຈລະຈາກັບທ່ານປະທານສະພາແຫ່ງຊາດລາວ ໄຊສົມພອນ ພົມວິຫານ; ໄດ້ພົບປະກັບ ທ່ານນາຍົກລັດຖະມົນຕີລາວ ສອນໄຊ ສີພັນດອນ ແລະ ຢ້ຽມຢາມ ອະດີດການນຳທີ່ສຳຄັນຂອງລາວ ຫລາຍທ່ານ.
ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ໄດ້ແຈ້ງໃຫ້ປະຊາຊົນຊາບກ່ຽວກັບສະພາບການພັດທະນາເສດຖະກິດ - ສັງຄົມຂອງຫວຽດນາມ; ຜົນການເຄື່ອນໄຫວຂອງສະພາແຫ່ງຊາດໃນເວລາຜ່ານມານີ້. ພິເສດ, ຢູ່ກອງປະຊຸມສູນກາງຄັ້ງທີ 8 ທີ່ຜ່ານມາ, ຄະນະບໍລິຫານງານສູນກາງພັກ ໄດ້ປຶກສາຫາລື ແລະ ອອກມະຕິສະບັບໃໝ່ກ່ຽວກັບນະໂຍບາຍສາມັກຄີປະເທດຊາດ ໃນນັ້ນ ໄດ້ເນັ້ນໜັກເຖິງບົດບາດຂອງປະຊາຄົມຊາວຫວຽດນາມ ຢູ່ຕ່າງປະເທດ.
ໂດຍຮັບຮູ້ຄວາມເຫັນຂອງປະຊາຊົນ, ທ່ານປະທານສະພາແຫ່ງຊາດຫວຽດນາມ ເຫວືອງດິງເຫ້ວ ໃຫ້ຮູ້ວ່າ ບັນດາເນື້ອໃນນີ້ຈະໄດ້ຮັບການສັງລວມ ແລະ ສົ່ງໃຫ້ລັດຖະບານ 2 ປະເທດ, ພິເສດແມ່ນໃນໄລຍະຈະມາເຖິງ, 2 ຝ່າຍຈະຈັດຕັ້ງກອງປະຊຸມທະວີພາຄີຄະນະກຳມະການລະຫວ່າງລັດຖະບານ ຫວຽດນາມ - ລາວ ຄັ້ງທີ 46 ໃນຕົ້ນໄຕມາດທຳອິດຂອງປີ 2024.
ໂດຍເຫັນດີກັບຂໍ້ສະເໜີເພີ່ມຈຳນວນທຶນການສຶກສາ ແລະ ບຳລຸງສ້າງພາສາຫວຽດນາມ, ເປັນຄັ້ງທຳອິດ, ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ຢືນຢັນວ່າ ນີ້ແມ່ນບັນຫາທີ່ພັກ ແລະ ລັດ ລ້ວນແຕ່ເອົາໃຈໃສ່ທີ່ສຸດ. ໃນປີ 2022, ໃນຂອບເຂດການຢ້ຽມຢາມລາວ ຢ່າງເປັນທາງການ, ສະພາແຫ່ງຊາດຫວຽດນາມ ຍັງໄດ້ໜູນຊ່ວຍປື້ມແບບຮຽນ, ສ້ອມແປງພື້ນຖານວັດຖຸໂຮງຮຽນໃຫ້ແກ່ເດັກນ້ອຍຫວຽດນາມ ຢູ່ຕ່າງປະເທດ. ຕາມທ່ານປະທານສະພາແຫ່ງຊາດຫວຽດນາມ ເຫວືອງດິງເຫ້ວ ແລ້ວ, ການລົງທຶນດ້ານການສຶກສາແມ່ນການລົງທຶນໃຫ້ອະນາຄົດຂອງ 2 ປະເທດ. ທ່ານປະທານສະພາແຫ່ງຊາດ ເນັ້ນໜັກວ່າ ສະພາແຫ່ງຊາດສະໜັບສະໜູນ ແລະ ຈະປຶກສາຫາລືກັບລັດຖະບານເພື່ອມີລັດຖະນະໂຍບາຍຢ່າງເໝາະສົມ.
ກ່ຽວກັບຂໍ້ສະເໜີຮັບຮູ້ປະຊາຄົມຊາວຫວຽດນາມ ເປັນຊົນເຜົ່າສ່ວນໜ້ອຍຢູ່ ລາວ, ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ຖືວ່າ ນີ້ແມ່ນຄວາມປາດຖະໜາອັນຊອບທຳຂອງປະຊາຊົນ ແລະ ຄວນພິຈາລະນາ ແລະ ສະເໜີໃຫ້ບັນດາປະເທດເພື່ອນໃນໄລຍະຈະມາເຖິງ.
ທ່ານປະທານສະພາແຫ່ງຊາດຫວຽດນາມ ເຫວືອງດິງເຫ້ວ ຢືນຢັນນະໂຍບາຍສະເໝີຕົ້ນສະເໝີປາຍຂອງພັກ ແລະ ລັດ ແມ່ນຍາມໃດກໍ່ເອົາໃຈໃສ່ ແລະ ຫ່ວງໃຍເຖິງປະຊາຄົມຊາວຫວຽດນາມ ຢູ່ຕ່າງປະເທດ. ປະຊາຄົມຊາວຫວຽດນາມ ຢູ່ຕ່າງປະເທດແມ່ນສ່ວນໜຶ່ງທີ່ບໍ່ອາດຂາດໄດ້ຂອງປະຊາຄົມຊາວຫວຽດນາມ, ປະທານສະພາແຫ່ງຊາດຫວັງວ່າ ຍາດຕິພີ່ນ້ອງຈະຮັກແພງເຊິ່ງກັນ ແລະ ເປັນຈິດໜຶ່ງໃນດຽວມຸ່ງໄປເຖິງປະເທດຊາດ.
ໂດຍໄດ້ຮັບເອົາຄຳເຫັນຂອງທ່ານປະທານສະພາແຫ່ງຊາດ ເຫວືອງດິງເຫ້ວ , ທ່ານເອກອັກຄະລັດຖະທູດ ຫວຽດນາມ ປະຈຳ ລາວ ຫງວຽນບ໋າຮຸ່ງ ເນັ້ນໜັກວ່າ ພະນັກງານ, ພາລະກອນສະຖານທູດຫວຽດນາມ ປະຈຳລາວ ຈະສືບຕໍ່ປະຕິບັດຕາມຂໍ້ຕົກລົງສະບັບເລກທີ 12-KL/TW 2021 ຂອງກົມການເມືອງກ່ຽວກັບວຽກງານຊາວຫວຽດນາມ ຢູ່ຕ່າງປະເທດ ໃນສະພາບການໃໝ່ເພື່ອປະຕິບັດບັນດາການເຄື່ອນໄຫວທີ່ກ່ຽວຂ້ອງເຖິງປະຊາຄົມຊາວຫວຽດນາມ ຢູ່ລາວ; ຮີບຮ້ອນເຕົ້າໂຮມຄວາມຄິດ, ຄວາມມຸ່ງມາດປາດຖະໜາຂອງປະຊາຊົນ ເພື່ອສະເໜີວິທີການແກ້ໄຂໃຫ້ບັນດາການນຳພັກ ແລະ ລັດ; ຈະເຮັດຈົນສຸດຄວາມສາມາດຂອງພວກເຮົາເພື່ອກໍ່ສ້າງປະຊາຄົມຊາວຫວຽດນາມ ຢູ່ລາວ ໃຫ້ເຂັ້ມແຂງ, ເປັນເອກະພາບ, ພັດທະນາ, ຍາມໃດກໍ່ມຸ່ງໄປເຖິງບ້ານເກີດເມືອງນອນ, ພ້ອມກັນນັ້ນ ກໍ່ປະກອບສ່ວນເພີ່ມທະວີການພົວພັນມິດຕະພາບທີ່ເປັນມູນເຊື້ອ, ມິດຕະພາບແບບພິເສດ ຫວຽດນາມ - ລາວ.
ເນື່ອງໃນໂອກາດນີ້, ທ່ານປະທານສະພາແຫ່ງຊາດຫວຽດນາມ ເຫວືອງດິງເຫ້ວ ກໍ່ໄດ້ມອບຂອງຂວັນ 100 ພູດໃຫ້ຊາວ ຫວຽດນາມ ອາໄສຢູ່ລາວ.
ມິງດຶກ
