| ເພີ່ມທະວີການພົວພັນຮ່ວມມືລະຫວ່າງສະພາແຫ່ງຊາດຫວຽດນາມ ແລະ ລັດຖະສະພາ ເຊຍລາ ເລອອນ | |
| ປະທານສະພາແຫ່ງຊາດຫວຽດນາມ ເຂົ້າຮ່ວມພິທີເປີດກອງປະຊຸມ ລັດຖະສະພາ ອາຊີ-ປາຊີຟິກ ຄັ້ງທີ 27 ຢ່າງເປັນທາງການ |
ໃນຂອບເຂດເວທີປາໄສລັດຖະສະພາ ອາຊີ - ປາຊີຟິກ ຄັ້ງທີ 31 (APPF 31) ຢູ່ ມານີລາ, ປະເທດ ຟີລິບປິນ, ວັນທີ 24 ພະຈິກ, ທ່ານຮອງປະທານສະພາແຫ່ງຊາດ ຫວຽດນາມ ຫງວຽນດຶກຫາຍ ໄດ້ເຂົ້າຢ້ຽມຂ່ຳນັບປະທານສະພາສູງ ຟີລິບປິນ, ມີການພົບປະ 2 ຝ່າຍກັບຄະນະຜູ້ແທນບັນດາປະເທດ.
 |
AAPF 31: ຫວຽດນາມ ເພີ່ມທະວີການຮ່ວມມືລັດຖະສະພາກັບລາວ ແລະ ລັດເຊຍ |
ເມື່ອເຂົ້າຢ້ຽມຂ່ຳນັບທ່ານປະທານສະພາສູງ ຟີລິບປິນ Juan Miguel Fzubiri, ທ່ານຮອງປະທານສະພາແຫ່ງຊາດ ຫງວຽນດຶກຫາຍ ເນັ້ນໜັກວ່າ, ຮ່າໂນ້ຍ ແລະ ມານີລາ ໄດ້ແບ່ງປັນຫຼາຍຄຸນຄ່າ ແລະ ຜົນປະໂຫຍດຍຸດທະສາດ; ປາດຖະໜາວ່າ ໃນໄລຍະຈະມາເຖິງ 2 ຝ່າຍຈະສືບຕໍ່ຊຸກຍູ້ການຮ່ວມມືໃນທຸກຂົງເຂດ. ທ່ານ ຫງວຽນດຶກຫາຍ ໄດ້ແບ່ງປັນຄວາມວິຕົກກັງວົນຂອງຝ່າຍ ຟີລິບປິນ ສຳລັບບັນດາບັນຫາທີ່ພວມພົ້ນເດັ່ນຂຶ້ນຢູ່ພາກພື້ນ ແລະ ໃນໂລກຫວ່າງມໍ່ໆມານີ້; ທ່ານຢືນຢັນວ່າ, ເລື່ອງຮັບປະກັນຄວາມສະຫງົບ, ຄວາມປອດໄພໃນການເດີນເຮືອ, ການບິນຢູ່ທະເລຕາເວັນອອກ ແມ່ນມີຄວາມຈຳເປັນສຳລັບບັນດາປະເທດຢູ່ພາກພື້ນ.
ທີ່ການພົບປະກັບທ່ານຮອງປະທານສະພາແຫ່ງຊາດ ລາວ ສົມມາດ ພົນເສນາ, ທ່ານຮອງປະທານສະພາແຫ່ງຊາດ ຫວຽດນາມ ຫງວຽນດຶກຫາຍ ຢັ້ງຢືນວ່າ ຫວຽດນາມ ຍາມໃດກໍສະໜັບສະໜູນ, ພ້ອມແລ້ວທີ່ຈະໜູນຊ່ວຍລາວ ຮັບດຳລົງບົດບາດເປັນປະທານ ອາຊຽນ ໃນປີ 2024 ແລະ ປະທານສະມັດຊາໃຫຍ່ລັດຖະສະພາລະຫວ່າງຊາດອາຊຽນ (AIPA) ປີ 2023 – 2024 ຢ່າງສຳເລັດຜົນ.
ກ່ຽວກັບການພົວພັນລະຫວ່າງສະພາແຫ່ງຊາດ 2 ປະເທດ, ຮອງປະທານສະພາແຫ່ງຊາດ 2 ທ່ານ ໄດ້ຕີລາຄາວ່າ ສອງຝ່າຍມີການຮ່ວມມືຢ່າງແໜ້ນແຟ້ນ, ມີປະສິດທິຜົນຢ່າງແທ້ຈິງ ແລະ ພວມຜັນຂະຫຍາຍເນື້ອໃນຂອງຂໍ້ຕົກລົງຮ່ວມມືລະຫວ່າງສອງສະພາແຫ່ງຊາດທີ່ໄດ້ລົງນາມເມື່ອເດືອນພຶດສະພາ 2022 ໄດ້ເປັນຢ່າງດີ. ປັດຈຸບັນ, ສະພາແຫ່ງຊາດ ຫວຽດນາມ ພວມສົມທົບກັບສະພາແຫ່ງຊາດ ລາວ ແລະ ສະພາແຫ່ງຊາດ ກຳປູເຈຍ ຢ່າງແໜ້ນແຟ້ນ ເພື່ອຈັດກອງປະຊຸມຂັ້ນສູງສະພາແຫ່ງຊາດ 3 ປະເທດ ກຳປູເຈຍ - ລາວ - ຫວຽດນາມ (CLV) ຄັ້ງທີໜຶ່ງ, ຄາດວ່າ ຈະໄດ້ດຳເນີນຢູ່ ລາວ ໃນເດືອນທັນວາຈະມາເຖິງ. ທ່ານຮອງປະທານສະພາແຫ່ງຊາດ ສົມມາດ ພົນເສນາ, ໄດ້ຊົມເຊີຍສາຍພົວພັນມິດຕະພາບແບບພິເສດລະຫວ່າງ ຫວຽດນາມ ແລະ ລາວ, ສະແດງຄວາມປາດຖະໜາຢາກຮຽນຮູ້ປະສົບການຂອງ ຫວຽດນາມ ໃນບັນດາບັນຫາຈັດແບ່ງງົບປະມານ, ການພັດທະນາເສດຖະກິດສັງຄົມ ແລະ ສະເໜີໃຫ້ສະພາແຫ່ງຊາດ ຫວຽດນາມ ໜູນຊ່ວຍ ລາວ ປະຕິບັດບົດບາດປະທານ AIPA 2024 ຢ່າງສຳເລັດຜົນ.
ໃນວັນດຽວກັນ, ທ່ານຮອງປະທານສະພາແຫ່ງຊາດ ຫງວຽນດຶກຫາຍ ໄດ້ມີການພົບປະທ່ານ Andrey Yatskin ຮອງປະທານຜູ້ທີໜຶ່ງສະພາສະຫະພັນລັດເຊຍ, ປະທານກຸ່ມຮ່ວມມືກັບສະພາແຫ່ງຊາດ ຫວຽດນາມ ຂອງສະພາສະຫະພັນລັດເຊຍ.
ກ່ຽວກັບການພົວພັນລະຫວ່າງສອງສະພາແຫ່ງຊາດ, ທ່ານຮອງປະທານປະເທດ 2 ທ່ານ ຕີລາຄາວ່າ 2 ຝ່າຍມີການຮ່ວມມືຢ່າງແໜ້ນແຟ້ນ ແລະ ມີປະສິດທິຜົນ ແລະ ປະຕິບັດບັນດາເນື້ອໃນຂອງສັນຍາຮ່ວມມືລະຫວ່າງ 2 ສະພາແຫ່ງຊາດທີ່ໄດ້ລົງນາມໃນເດືອນພຶດສະພາປີກາຍນີ້. ປະຈຸບັນ, ສະພາແຫ່ງຊາດຫວຽດນາມ ພວມສົມທົບກັນຢ່າງແໜ້ນແຟ້ນກັບສະພາແຫ່ງຊາດ ລາວ ແລະ ສະພາແຫ່ງຊາດ ກຳປູເຈຍ ເພື່ອຜັນຂະຫຍາຍກອງປະຊຸມສຸດຍອດຄັ້ງທຳອິດຂອງສະພາແຫ່ງຊາດ 3 ປະເທດ ກຳປູເຈຍ - ລາວ - ຫວຽດນາມ (CLV) ໂດຍໄດ້ວາງອອກໃນວັນທີ ປະເທດລາວໃນເດືອນທັນວາ.
ທີ່ການພົບປະກັບທ່ານ Cheam Yea, ຮອງປະທານຜູ້ທີໜຶ່ງສະພາແຫ່ງຊາດ ກຳປູເຈຍ, ທ່ານຮອງປະທານສະພາແຫ່ງຊາດ ຫງວຽນດຶກຫາຍ ຢືນຢັນວ່າ, ສະພາແຫ່ງຊາດ ຫວຽດນາມ ຈະສືບຕໍ່ຮ່ວມມືກັບສະພາແຫ່ງຊາດ ກຳປູເຈຍ ຢ່າງແໜ້ນແຟ້ນ ໃນການຮັກສາສະຖຽນລະພາບດ້ານການເມືອງ, ຮັບປະກັນການປ້ອງກັນຊາດ - ປ້ອງກັນຄວາມສະຫງົບ, ການພັດທະນາເສດຖະກິດ - ສັງຄົມ ແລະ ຍົກສູງທີ່ຕັ້ງຂອງແຕ່ລະປະເທດບົນເວທີສາກົນ.
ທີ່ການພົບປະກັບທ່ານສະມາຊິກລັດຖະສະພາ Hiraguchi Hiroshi ແລະ ຄະນະສະມາຊິກລັດຖະສະພາ ຍີ່ປຸ່ນ, ທ່ານຮອງປະທານສະພາແຫ່ງຊາດ ຫງວຽນດຶກຫາຍ ປາດຖະໜາວ່າ, ຍີ່ປຸ່ນ ຈະໜູນຊ່ວຍ ຫວຽດນາມ ປະຕິບັດການຫັນປະເທດຊາດເປັນປະເທດອຸດສາຫະກຳ, ທັນສະໄໝ; ທ່ານສະເໜີໃຫ້ ຍີ່ປຸ່ນ ສືບຕໍ່ສະໜັບສະໜູນທັດສະນະ, ຫຼັກໝັ້ນຂອງ ຫວຽດນາມ ໃນການຮັກສາສັນຕິພາບ, ສະຖຽນລະພາບ, ການແກ້ໄຂບັນດາການຂັດແຍ້ງກັນຢູ່ທະເລຕາເວັນອອກ; ໜູນຊ່ວຍ ຫວຽດນາມ ຍົກສູງກຳລັງຄວາມສາມາດຂອງບັນດາກຳລັງປະຕິບັດກົດໝາຍຢູ່ທະເລ.
ຄຳຮຸ່ງ
