| ບັນດາອົງການຜູ້ຕາງໜ້າ ຫວຽດນາມ ຢູ່ຕ່າງປະເທດເຊື່ອມຕໍ່ແຫຼ່ງຊັບພະຍາກອນໜູນຊ່ວຍການພັດທະນານະຄອນ ໂຮ່ຈິມິນ | |
| ຫວຽດນາມ ເນັ້ນໜັກເຖິງບັນດາຄຸນຄ່າ ແລະ ຫຼັກການຂອງກົດບັດ ສປຊ ແມ່ນພື້ນຖານຂອງກົດໝາຍສາກົນ |
ຕອນບ່າຍວັນທີ 22 ເດືອນກຸມພາ, ຢູ່ສຳນັກງານຄະນະປະຈຳອົງການຫວຽດນາມ ປະຈຳສະຫະປະຊາຊາດ ຢູ່ນິວຢອກ - ອາເມລິກາ, ທ່ານເອກອັກຄະລັດຖະທູດ ດັ້ງຮວ່າງຢາງ ໄດ້ມີການພົບປະກັບທ່ານ Francis Drouin ປະທານອົງການສະມັດຊາລັດຖະສະພາຝຣັ່ງໂກໂຟນີ (APF) ເພື່ອປຶກສາຫາລືກ່ຽວກັບການຮ່ວມມືລະຫວ່າງ APF ກັບ ຫວຽດນາມ ຫວ່າງມໍ່ໆນີ້ ແລະ ທິດທາງຊຸກຍູ້ APF ເພີ່ມທະວີການພົວພັນຮ່ວມມືກັບສະຫະປະຊາຊາດ.
 |
| ທ່ານເອກອັກຄະລັດຖະທູດ ດັ້ງຮວ່າງຢາງ ແລະ ທ່ານ Francis Drouin, ປະທານອົງການສະມັດຊາລັດຖະສະພາຝຣັ່ງໂກໂຟນີ (APF) |
ທ່ານເອກອັກຄະລັດຖະທູດ ດັ້ງຮວ່າງຢ່າງ ໄດ້ຕີລາຄາສູງບັນດາການເຄື່ອນໄຫວຮ່ວມມືລະຫວ່າງ APF ແລະ ສະພາແຫ່ງຊາດ ຫວຽດນາມ ໃນໄລຍະມໍ່ໆມານີ້, ຫວັງວ່າ 2 ຝ່າຍຈະສືບຕໍ່ແລກປ່ຽນ ແລະ ຮ່ວມມືຫຼາຍຝ່າຍກ່ຽວກັບບັນດາບັນຫາທີ່ຕ່າງຝ່າຍຕ່າງມີຄວາມສົນໃຈ, ປະກອບສ່ວນເພີ່ມທະວີການພົວພັນຮ່ວມມືລະຫວ່າງ ຫວຽດນາມ ແລະ APF.
ທ່ານເອກອັກຄະລັດຖະທູດກ່າວວ່າ ການຮ່ວມມື ແລະ ການໂອ້ລົມສົນທະນາລະຫວ່າງສອງປະເທດຈະຊ່ວຍໃຫ້ APF ມີໂອກາດເຂົ້າຮ່ວມວຽກງານຂອງສະຫະປະຊາຊາດຫຼາຍກວ່າເກົ່າ, ປະກອບສ່ວນເຂົ້າໃນຄວາມມານະພະຍາຍາມຊອກຫາວິທີແກ້ໄຂບັນດາສິ່ງທ້າທາຍທົ່ວໂລກ, ເພື່ອສັນຕິພາບ, ຄວາມໝັ້ນຄົງ ແລະ ການຮ່ວມມືພັດທະນາ.
ທ່ານ Francis Drouin ໄດ້ຮອງຮັບ ແລະ ຕີລາຄາສູງການເຂົ້າຮ່ວມ ແລະ ການປະກອບສ່ວນອັນຕັ້ງໜ້າຂອງສະພາແຫ່ງຊາດ ຫວຽດນາມ ໃນວຽກງານລວມຂອງ APF ຜ່ານການປະຕິບັດໜ້າທີ່ຫຼາຍຢ່າງຄື: ຮອງປະທານ, ສະມາຊິກສະພາບໍລິຫານເຄືອຂ່າຍສະມາຊິກລັດຖະສະພາຍິງ ແລະ ຮັບຜິດຊອບພາກພື້ນອາຊີ - ປາຊີຟິກ ແຕ່ປີ 2015 ເຖິງປັດຈຸບັນ.
ທ່ານປະທານ APF ຫວັງຢາກສືບຕໍ່ໄດ້ຮັບການສະໜັບສະໜູນ ແລະ ການຮ່ວມມືຢ່າງແນ້ນແຟ້ນຈາກ ຫວຽດນາມ ໃນການປະຕິບັດບັນດາການເຄື່ອນໄຫວ APF ໃນໄລຍະຈະມາເຖິງ.
ດີງເລື້ອງ
