| ເພີ່ມທະວີສາຍພົວພັນມິດຕະພາບທີ່ສະໜິດຕິດພັນລະຫວ່າງປະຊາຊົນນະຄອນຮ່າໂນ້ຍ ກັບປະຊາຊົນບັນດາທ້ອງຖິ່ນຂອງລາວ | |
| ງານບຸນອອກແບບປະດິດຄິດສ້າງ ຮ່າໂນ້ຍ 2023: ປຸກລະດົມມໍລະດົກອຸດສາຫະກຳ |
ກ່າວຄຳປາໄສທີ່ເຫດການ, ທ່ານຜູ້ອຳນວຍການຫໍພິພິທະພັນນະຄອນ ຮ່າໂນ້ຍ ຫງວຽນຕຽນດາ ໃຫ້ຮູ້ວ່າ: “ປະຈຸບັນ, ນະຄອນ ຮ່າໂນ້ຍ ພວມນຳໜ້າທົ່ວປະເທດໃນບັນດາໝູ່ບ້ານຫັດຖະກຳພື້ນເມືອງ ແລະ ບັນດານັກສິລະປະກອນຜູ້ມີສີມືດີທີ່ໄດ້ຮັບການເຊີດຊູ. ນີ້ແມ່ນຫົວຂໍ້ທີ່ບໍ່ມີທີ່ສິ້ນສຸດ, ດົນບັນດານໃຈຄວາມຄິດທີ່ສ້າງສັນຂອງນັກສຶກສາລົງເລອກຂະແໜງອອກແບບເຄື່ອງເຟີນີຈໍານວນຫຼາຍ”.
 |
ເຫດການດັ່ງກ່າວໄດ້ປະກອບສ່ວນເຊີດຊູບັນດານັກສິລະປະກອນ ແລະ ຄົນງານທີ່ມີພອນສະຫວັນ |
ງານວາງສະແດງໄດ້ສຸມໃສ່ແນະນຳກ່ຽວກັບ 10 ໝູ່ບ້ານອາຊີບທີ່ພົ້ນເດັ່ນຂອງ ຮ່າໂນ້ຍ ລວມມີ: ອາຊີບເຮັດເຄື່ອງເງີນ ດິ້ງກົ່ງ, ຫັດຖະກຳປັກແສ່ວ ຂວາຍໂນ້ຍ, ອາຊີບຫວາຍ ຟຸ໋ວິງ, ອາຊີບຄວັດແກະສະຫຼັກ ເຍິນຫ່ຽນ, ອາຊີບຄວັດຝັງລາຍກີບກີ້ ຈວນເງາະ, ອາຊີບແກະສະຫຼັກໄມ້ສິລະປະອັນດີ ຖ໋ຽດອຸງ, ອາຊີບຫວີ ຖູຍອື໋ງ, ເຄື່ອງປັ້ນດິນເຜົາ ບ໋າດຈາງ, ຫັດຖະກຳຜ້າໄໝ ວ້ານຟູ໋ກ ແລະ ເຮັດຮູບແຕ້ມພື້ນເມືອງ ຫ່າງຈົ໋ງ.
ບັນດາຜະລິດຕະພັນທີ່ວາງສະແດງໄດ້ຮັບການສ້າງຂຶ້ນໂດຍນັກສຶກສາຈາກ 10 ມະຫາວິທະຍາໄລພາຍໃນ ແລະ ຕ່າງປະເທດ, ລວມມີ: ມະຫາວິທະຍາໄລເປີດ ຮ່າໂນ້ຍ, ມະຫາວິທະຍາໄລປ່າໄມ້, ມະຫາວິທະຍາໄລ ຢູຍເຕີນ, ມະຫາວິທະຍາໄລ ຫງວຽນເຕຶດແທ່ງ, ມະຫາວິທະຍາໄລກໍ່ສ້າງ ຮ່າໂນ້ຍ, ມະຫາວິທະຍາໄລສະຖາປັດຕະຍະກຳ ຮ່າໂນ້ຍ, ມະຫາວິທະຍາໄລ Yersin ຂອງ ດາຫຼ້າດ,ມະຫາວິທະຍາໄລວິຈິດສິນອຸດສາຫະກຳ, ມະຫາວິທະຍາໄລສະຖາປັດຕະຍະກຳ ດານັງ ແລະ ມະຫາວິທະຍາໄລເຕັກໂນໂລຢີ ເໜືອ ບາງກອກ (ປະເທດໄທ).
ນອກຈາກເຂດວາງສະແດງ “ສິ່ງຍອດຢ້ຽມຂອງໝູ່ບ້ານອາຊີບ ຫວຽດນາມ ຜ່ານທັດສະນະຂອງການອອກແບບເຄື່ອງເຟີນີເຈີຍຸກສະໄໝ” ແລ້ວ, ເຫດການຍັງແນະນຳຫົວຂໍ້ “ ຢ໊າງຫວໍເຈື່ອງ ແລະ ການສະສົມອາວຸດຂອງລາຊະວົງ ເລ” ແລະ “ປະຫວັດສາດແຫ່ງການກຳເນີດໜ່ວຍໂລກ ໂດຍຜ່ານຊຸດສະສົມຊັບພະສິ່ງຂອງທີ່ກາຍເປັນຫີນ (ຟອດຊິນ)".
ທີ່ການເຄື່ອນໄຫວດັ່ງກ່າວ, ຊຸດສະສົມອາວຸດ ຫງອກແຄງ ລວມມີ 111 ວັດຖຸພັນທີ່ໄດ້ຮັບການຮັບຮອງຈາກນາຍົກລັດຖະມົນຕີ ເປັນຊັບສົມບັດແຫ່ງຊາດໃນມະຕິຕົກລົງເລກທີ 41/QD-TTg. ມວນຊົນໄດ້ມີໂອກາດຊົມບັນດາວັດຖຸພັນ, ຮູບພາບ, ເອກະສານ 200 ກວ່າສິ່ງກ່ຽວກັບ ຢ໊າງຫວໍເຈື່ອງ - ສະຖານທີ່ຝຶກແອບນາຍພົນທະຫານໃຫ້ແກ່ລາຊະວົງ, ພ້ອມກັບອາວຸດຍຸດໂທປະກອນຫຼາຍປະເພດໃນສະໄໝລາຊະວົງ ເລ.
ນອກຈາກນັ້ນ, ຫໍພິພິທະພັນ ຮ່າໂນ້ຍ ຍັງເປັນກຳມະສິດຊຸດສະສົມຂະໜາດໃຫຍ່ໂຕມະໂຫຖານ ດ້ວຍເອກະສານອັນລ້ຳຄ່ານັບພັນເອກະສານ ແລະ ຟອດຊິນ 15.000 ກວ່າຕົວຢ່າງທີ່ເກັບມາຈາກຫຼາຍບ່ອນໃນທົ່ວໂລກ ທີ່ມີອາຍຸນັບລ້ານຫາຫຼາຍຕື້ປີກ່ອນ. ຊຸດສະສົມດັ່ງກ່າວປະກອບມີຟອດຊິນ, ແບບຈໍາລອງຂອງມະນຸດ, ອຸປະກອນ, ເຄື່ອງມື ແລະ ຮ່ອງຮອຍຂອງຄົນບູຮານທີ່ເຫຼືອຢູ່ໃນຖ້ໍາ.
ງານວາງສະແດງຫົວຂໍ້ດັ່ງກ່າວແມ່ນສ່ວນໜຶ່ງຂອງບັນດາການເຄື່ອນໄຫວໃນງານບຸນອອກແບບປະດິດສ້າງ ຮ່າໂນ້ຍ 2023. ຜ່ານການເຄື່ອນໄຫວດັ່ງກ່າວ, ຫໍພິພິທະພັນຮ່າໂນ້ຍ ບໍ່ພຽງແຕ່ສະແດງໃຫ້ເຫັນບົດບາດເປັນສະຖານທີ່ປະດິດສ້າງວັດທະນະທຳທີ່ພົ້ນເດັ່ນຂອງນະຄອນຫຼວງເທົ່ານັ້ນ, ຫາກຍັງປະຕິບັດບັນດາຄຳໝັ້ນສັນຍາ ແລະ ຂໍ້ລິເລີ່ມທີ່ມີຫົວຄິດປະດິດສ້າງຂອງ UNESCO ແລະ ນໍາເອົາກິດຈະກໍາທີ່ປະດິດສ້າງເຂົ້າໄປໃນທຸກໆດ້ານຂອງຊີວິດ.
ມິງດຶກ
