| ຮ່າໂນ້ຍ ໄດ້ຮັບລາງວັນ “ດາລາໃນການອາຫານ” ຂອງອາຊີ | |
| ງານບຸນປື້ມ ຮ່າໂນ້ຍ ຄັ້ງທີ 8 ປີ 2023: “ສົ່ງເສີມພູມປັນຍາ - ສ້າງສາອະນາຄົດ” |
ໃນຕອນເຊົ້າວັນທີ 13 ພະຈິກ, ພະແນກວັດທະນະທຳ ແລະ ກິລາ ຮ່າໂນ້ຍ ໄດ້ສົມທົບກັບບັນດາຫົວໜ່ວຍທີ່ກ່ຽວຂ້ອງຈັດຕັ້ງກອງປະຊຸມຖະແຫຼງຂ່າວກ່ຽວກັບການເຄື່ອນໄຫວຂອງງານບຸນອອກແບບສ້າງສັນຮ່າໂນ້ຍ 2023.
ງານບຸນປີນີ້ມີຫົວຂໍ້ “ໄຫຼເຂົ້າ” ໂດຍສຸມໃສ່ 3 ເສົາຄ້ຳຕົ້ນຕໍຄື: ການອອກແບບ, ປະຊາຄົມ ແລະ ຄວາມປະດິດຄິດສ້າງ; ມຸ່ງໄປເຖິງສາຍເລືອດຊີວິດເຊື່ອມຕໍ່ຄຸນຄ່າປະຫວັດສາດ, ວັດທະນະທຳ, ເສດຖະກິດ ແລະ ສັງຄົມຂອງນະຄອນຫຼວງ.
 |
ງານບຸນອອກແບບປະດິດຄິດສ້າງຮ່າໂນ້ຍ ປີ 2023 ຈະໄດ້ຈັດຂຶ້ນໃນລະຫວ່າງວັນທີ 17 – 26 ພະຈິກ. ງານບຸນຈະມີກ່ວາ 60 ການເຄື່ອນໄຫວວັດທະນະທຳດ້ວຍ 4 ກິດຈະກຳແນະນຳສະຖາປັດຕະຍາກຳ, ດຶງດູດການເຂົ້າຮ່ວມຂອງກ່ວາ 200 ຫົວໜ່ວຍ, ນັກປະດິດຄິດສ້າງ ແລະ ບັນດານັກສິລະປະການໃນຫຼາຍຂົງເຂດ. ໃນຂອບເຂດລາຍການ, ມີກອງປະຊຸມສຳມະນາ, ການໂອ້ລົມສົນທະນາ ແລະ ການວາງສະແດງຕ່າງໆໄດ້ຮັບການຈັດຂຶ້ນ. ພິເສດ, ງານບຸນປີນີ້ຈະມີ 9 ການເຄື່ອນໄຫວແນະນຳສິລະປະ, ບັນດາເຫດການວົງຄະນະຍາດ, ງານຕະຫຼາດນັດປະດິດຄິດສ້າງ ເຊິ່ງຈະໄດ້ຮັບການຈັດຂຶ້ນຢູ່ສະຖານທີ່ຕົ້ນຕໍຂອງງານບຸນນັ້ນແມ່ນໂຮງງານລົດໄຟ ຢາເລີມ, ທາດ ຮ່າງເດົາ ແລະ ສວນສາທາລະນະ ວ້ານຊວັນ; ສະຖານີ ລົດໄຟ ລອງບຽນ ແລະ ຢາເລີມ, ພ້ອມກັບບັນດາການເຄື່ອນໄຫວ, ເຫດການວັດທະນະທຳໃນບໍລິເວນບັນດາເມືອງ, ເທດສະບານຢູ່ຮ່າໂນ້ຍ. ກ່າວຄຳເຫັນທີ່ການຖະແຫຼງຂ່າວທີ່ຈັດຂຶ້ນໃນວັນທີ 13 ພະຈິກ, ຢູ່ຮ່າໂນ້ຍ, ທ່ານ ໂດ໊ດິ່ງຮົ່ງ, ຫົວໜ້າພະແນກວັດທະນະທຳ ແລະ ກິລາ ຮ່າໂນ້ຍ ໃຫ້ຮູ້ວ່າ:
“ພວກເຮົາມີຊັບພະຍາກອນກ່ຽວກັບມໍລະດົກວັດທະນະທຳອັນໃຫຍ່ຫຼວງ. ນະຄອນຫຼວງ ຮ່າໂນ້ຍ ມີປູຊະນີຍະສະຖານກ່ວາ 5.900 ແຫ່ງ, ມໍລະດົກວັດທະນະທະບໍ່ເປັນວັດຖຸ 1.793 ແຫ່ງ ແລະ ພິເສດ, ມີກ່ວາ 1.200 ງານບຸນ ແລະ 1.350 ໝູ່ບ້ານອາຊີບ. ຫັດຖະກຳອາດເວົ້າໄດ້ວ່າ ແຫຼ່ງຊັບພະຍາກອນຂອງນະຄອນຫຼວງຮ່າໂນ້ຍ ແມ່ນໃຫຍ່ຫຼວງຫຼາຍ. ດັ່ງນັ້ນ, ງານບຸນອອກແບບປະດິດຄິດສ້າງຕ້ອງໄດ້ຂຸດຄົ້ນ ແລະ ເສີມຂະຫຍາຍຢ່າງສູງສຸດ”.
ຄຳຮຸ່ງ
