ຊອກຮູ້ກ່ຽວກັບຮູບແບບລ້ຽງຊີບຂອງບັນດາເປົ້າໝາຍທີ່ໄດ້ຮັບຜົນປະໂຫຍດຈາກໂຄງການ UN WOMEN

00:00 | 17/11/2023

ຍສໝ - ຕອນທ່ຽງວັນທີ 16 ພະຈິກ, ທ່ານນາງ Cherie Russell - ທີ່ປຶກສາທູດການຮ່ວມມືພັດທະນາ, ສະຖານທູດອົດສະຕາລີ ປະຈຳ ຫວຽດນາມ ໄດ້ນຳໜ້າຄະນະໄປຢ້ຽມຢາມ ແລະ ສຳຫຼວດຜູ້ໄດ້ຮັບຜົນປະໂຫຍດ 2 ຄົນຈາກໂຄງການ “ຮັບມືສຸກເສີນ ແລະ ການໜູນຊ່ວຍຟື້ນຟູໃຫ້ແກ່ແມ່ຍິງທີ່ມີຄວາມສ່ຽງຖືກໃຊ້ຄວາມຮຸນແຮງ ເຊິ່ງສົ່ງຜົນສະທ້ອນຢ່າງໜັກໜ່ວງຈາກກະແສໂລກລະບາດ Covid-19 ຮອບທີ 4 ຢູ່ແຂວງ ຕຽນຢາງ” (ເອີ້ນວ່າໂຄງການ UN WOEN) ໂດຍລັດຖະບານ ອົດສະຕາລີ ອຸປະຖຳຜັນຂະຫຍາຍຢູ່ບໍລິເວນແຂວງ ຕຽນຢ່າງ.

	UN Women ໜູນຊ່ວຍເງິນສົດໃຫ້ແກ່ 315 ຄອບຄົວຢູ່ກ໋ວາງຈິ ເພື່ອລົງທຶນຫາເງິນລ້ຽງຊີບ
	ຮ້ານອາຫານຄົວລາວ ໄດ້ຮັບລາງວັນ Women 2020 ASEAN Award

ໄປພ້ອມກັບຄະນະມີທ່ານນາງ ເທີນທິທຽນເຮື່ອງ, ຊ່ຽວຊານດ້ານເພດ, ສະຖານທູດອົດສະຕາລີ ປະຈຳ ຫວຽດນາມ; ທ່ານນາງ Caroline T.Nyamayemombe, ຫົວໜ້າຄະນະຜູ້ຕາງໜ້າອົງການ UN WOMEN ປະຈຳ ຫວຽດນາມ; ທ່ານນາງຮອງປະທານສະຫະພັນແມ່ຍິງແຂວງ ຕຽນຢາງ ດັ້ງທິງອກຢຽບ ແລະ ພະນັກງານຂອງສະຫະພັນແມ່ຍິງແຂວງ ຕຽນຢາງ.

ຊອກຮູ້ກ່ຽວກັບຮູບແບບລ້ຽງຊີບຂອງບັນດາເປົ້າໝາຍທີ່ໄດ້ຮັບຜົນປະໂຫຍດຈາກໂຄງການ UN WOMEN

ຄະນະໄດ້ໄປຢ້ຽມຢາມຄອບຄົວຂອງທ່ານນາງ ເລກິມຕຽນ, ບ້ານໂລະງາງ, ຕາແສງ ບິ່ງດຶກ

ຕາມນັ້ນແລ້ວ, ຄະນະໄດ້ໄປຢ້ຽມຢາມຄອບຄົວຂອງທ່ານນາງ ເລກິມຕຽນ, ບ້ານໂລະງາງ, ຕາແສງ ບິ່ງດຶກ ແລະ ຄອບຄົວຂອງທ່ານນາງ ຫງວຽນທິກິມເຟືອງ, ບ້ານ ໝີຟູ໋, ຕາແສງ ຊອງທວນ, ເມືອງ ເຈົາເເທ່ງ. ຄະນະຜູ້ແທນໄດ້ຊອກຮູ້ສະພາບການ, ຮູບແບບລ້ຽງຊີບ ແລະ ຂະບວນວິວັດການນຳໃຊ້ແຫຼ່ງທຶນຈາກໂຄງການ UN WOMEN ທີ່ອຸປະຖຳ.

ຄະນະໄດ້ໄປຢ້ຽມຢາມຄອບຄົວຂອງທ່ານນາງ ຫງວຽນທິກິມເຟືອງ, ບ້ານ ໝີຟູ໋, ຕາແສງ ຊອງທວນ, ເມືອງ ເຈົາເເທ່ງ

ທ່ານ ນາງ Cherie Russell ແລະ ທ່ານນາງ Caroline T.Nyamayemombe ລ້ວນແຕ່ດີໃຈຫຼາຍທີ່ຜູ້ໄດ້ຮັບຜົນປະໂຫຍດຈາກໂຄງການ UN WOMEN ໄດ້ນຳໃຊ້ແຫຼ່ງທຶນທີ່ໄດ້ຮັບມາລ້ຽງຊີບຕາມຈຸດປະສົງທີ່ຖືກຕ້ອງ; ຄວາມຕັ້ງໝັ້ນ ແລະ ມານະຈິດຂອງແມ່ຍິງເພື່ອຜ່ານຜ່າຄວາມຫຍຸ້ງຍາກ ແລະ ບືນຕົວຂຶ້ນ. ບັນດາສະມາຊິກໃນຄະນະລ້ວນແຕ່ເຊື່ອໝັ້ນວ່າ ດ້ວຍແຫຼ່ງທຶນໜູນຊ່ວຍ, ຄວາມຮູ້ກ່ຽວກັບການລ້ຽງສັດ, ປູກຝັງ, ຄຸ້ມຄອງແຫຼ່ງທຶນທີ່ໄດ້ຮັບການຝຶກອົບຮົມ, ບັນດາເປົ້າໝາຍຈະພັດທະນາຕາມຮູບແບບລ້ຽງຊີບຢ່າງມີປະສິດທິຜົນ, ຊ່ວຍພັດທະນາເສດຖະກິດຄອບຄົວ, ຜ່ານຜ່າຄວາມຫຍຸ້ງຍາກ ແລະ ບືນຕົວຂຶ້ນ...

ດີງເລື້ອງ