| ຊຸດເສື້ອຍາວ ຫວຽດນາມ ອວດອ້າງຄວາມງາມຢູ່ງານບຸນວັດທະນະທຳ Canberra ຄັ້ງທີ 25 | |
| ງານບຸນເສື້ອຍາວໄວເດັກຫວຽດນາມ-ມຸ່ງໄປສູ່ເກົາເຄົ້າເຫງົ້າກໍ |
ໂຄງການທ່ອງທ່ຽວຮ່າໂນ້ຍ Festival ເສື້ອຍາວ 2023 ແມ່ນການເຄື່ອນໄຫວສືບຕໍ່ພັດທະນາ ແລະ ຊຸກຍູ້ການທ່ອງທ່ຽວຮ່າໂນ້ຍ ຕິດພັນກັບການຊຸກຍູ້ການທ່ອງທ່ຽວ ຫວຽດນາມ.
 |
ງານບຸນເສື້ອຍາວການທ່ອງທ່ຽວຮ່າໂນ້ຍ 2023 |
ໃນປີນີ້, ວັນບຸນໄດ້ດຶງດູດການເຂົ້າຮ່ວມຂອງນັກອອກແບບທີ່ມີຊື່ສຽງຫຼາຍທ່ານພ້ອມກັບບັນດາເຄື່ອງໝາຍການຄ້າຊຸດເສື້ອຍາວທີ່ມີຊື່ສຽງ. ມາທີ່ວັນບຸນຊຸດເສື້ອຍາວປີນີ້, ຊາວນະຄອນຫຼວງ ແລະ ແຂກທ່ອງທ່ຽວ ບໍ່ພຽງແຕ່ມີໂອກາດໄດ້ຮັບຊົມການວາງສະແດງຊຸດເສື້ອຍາວ, ການເດີນຂະບວນຊຸດເສື້ອ ເທົ່ານັ້ນ ຫາກຍັງໄດ້ເຊື່ອມຕົວກັບອາກາດຂອງລະດູໃບໄມ້ຫຼົ່ນທີ່ຟົດຟື້ນ, ເພີດເພີມກັບບັນຍາກາດບັນດາການສະແດງດົນຕີ - ສີລະປະ ທີ່ໄດ້ຮັບການຈັດຂຶ້ນຢ່າງພິຖີພິຖັນ. ທ່ານ ຫງວຽນຮົ່ງມິງ, ຮອງຫົວໜ້າພະແນກທ່ອງທ່ຽວຮ່າໂນ້ຍ ໃຫ້ຮູ້ວ່າ:
ເສື້ອຍາວໄດ້ຮັບການຊົມໃຊ້ຢ່າງກວ້າງຂວາງໃນດຳລົງຊີວິດ, ພິເສດແມ່ນສຳລັບການທ່ອງທ່ຽວ. ນັບແຕ່ທາງການບິນ ຈົນຮອດບັນດາຮາກຖານພັກອາໄສ ແລະ ບັນດາສະຖານທີ່ທ່ອງທ່ຽວ ຢູ່ໃສກໍ່ມີຮູບພາບຂອງຊຸດເສື້ອຍາວ. ເພາະສະນັ້ນ, ພວກຂ້າພະເຈົ້າເລືອກເອົາລາຍການສະແດງຊຸດເສື້ອຍາວການທ່ອງທ່ຽວ 2023 ເພື່ອແນໃສ່ດຶງດູດແຂກທ່ອງທ່ຽວມາຍັງຮ່າໂນ້ຍ ໃນຍາມລະດູໃບໄມ້ຫຼົ່ນ, ລະດູທີ່ສວຍງາມທີ່ສຸດຂອງ ຮ່າໂນ້ຍ. ຜ່ານນັ້ນກໍ່ສູ້ຊົນບັນລຸ ແລະ ລື່ນກາຍຄາດໝາຍເຊິ່ງພະແນກການທ່ອງທ່ຽວຮ່າໂນ້ຍ ວາງອອກໃນປີນີ້ແມ່ນດຶງດູດແຂກທ່ອງທ່ຽວ 23 ລ້ານເທື່ອຄົນ, ໃນນັ້ນ ແຂກພາຍໃນແມ່ນ 19 ລ້ານເທື່ອຄົນ ແລະ ແຂກສາກົນແມ່ນ 4 ລ້ານເທື່ອຄົນ.
ຄຳຮຸ່ງ
