| VUFO ປຸກລະດົມຂະບວນການແຂ່ງຂັນປີ 2021 ດ້ວຍ 5 ເນື້ອໃນຕົ້ນຕໍ | |
| ກອງປະຊຸມ ຄະນະປະຈຳ VUFO ຄັ້ງທີ II ຊຸດທີ VI: ການທູດປະຊາຊົນໄດ້ຫັນປ່ຽນຄວາມສ່ຽງກາຍເປັນໂອກາດ |
 |
| ທ່ານນາງ ຫງວຽນເຟືອງງາ, ປະທານສະຫະສະມາຄົມບັນດາອົງການມິດຕະພາບ ຫວຽດນາມ ມອບວັດຖຸໃຫ້ຫໍພິພິທະພັນແມ່ຍິງ |
ວັນທີ 3 ມີນາ, ຢູ່ຮ່າໂນ້ຍ, ຫໍພິພິທະພັນແມ່ຍິງ ຫວຽດນາມ ໄດ້ຈັດຕັ້ງພິທີຕ້ອນຮັບພາບຖ່າຍ, ເອກະສານ, ວັດຖຸດ້ວຍຫົວຂໍ້ “ຄວາມຊົງຈຳ ແລະ ມໍລະດົກ” ຂອງສ່ວນບຸກຄົນ 23 ຄົນ ແມ່ນບັນດານັກເຄື່ອນໄຫວການທູດ, ນັກຂ່າວພາບ, ທ່ານໝໍ, ນັກອອກແບບ ແຟຊັນ ເຊື້ອຍາວ ຫວຽດນາມ. ທ່ານນາງ ຫງວຽນເຟືອງງາ, ປະທານສະຫະສະມາຄົມບັນດາອົງການມິດຕະພາບ ຫວຽດນາມ (VUFO) ເຂົ້າຮ່ວມ, ມອບວັດຖຸ ແລະ ກ່າວຄຳເຫັນທີ່ເຫດການ.
ທ່ານແບ່ງປັນວ່າ “ຂ້າພະເຈົ້າຮູ້ສຶກພາກພູມໃຈທີ່ສຸດ ເມື່ອນຸ່ງຊຸດເສື້ອຍາວໄດ້ເຂົ້າຮ່ວມບັນດາເວທີປາໄສສາກົນ, ໄປຍັງບັນດາປະເທດ, ເຂົ້າຮ່ວມບັນດາເຫດການຕ່າງປະເທດ… ຂ້າພະເຈົ້າສຳນຶກໄດ້ບົດບາຄວາມຮັບຜິດຊອບຂອງຕົນ ແມ່ນຕ້ອງມີການປະພຶດແນວໃດ ໃຫ້ສົມກັບມູນຄ່າທີ່ເປັນມູນເຊື້ອ, ປະຫວັດສາດຂອງປະເທດຊາດ. ນຸ່ງຊຸດເສື້ອຍາວແມ່ນພາບພົດທີ່ສວຍງາມທີ່ສຸດຂອງປະເທດຊາດ ໄປຍັງໂລກ. ດ້ວຍພາລະກິດຂອງນັກການທູດ, ຂ້າພະເຈົ້າ ແລະ ເພື່ອນຮ່ວມງານ ພໍພຽງແຕ່ປົກປັກຮັກສາບັນດາຜົນປະໂຫຍດສູງທີ່ສຸດ ຂອງປະເທດຊາດ ຫາກຍັງຕ້ອງຮ່ວມແຮງຮ່ວມໃຈປະກອບສ່ວນເຂົ້າການຊຸກຍູ້ບັນດາຄູນຄ່າອັນສູງສົ່ງຂອງປະເທດຊາດ, ຂອງມວນມະນຸດອີກດ້ວຍ. ເພື່ອນມິດສາກົນຍາມໃດກໍ່ຍ້ອງຍໍສັນລະເສີນເສື້ອຍາວ ຫວຽດນາມ ແມ່ນ ມີຄວາມສຸພາບ, ດຶງດູດ, ເຊີດຊູໄດ້ຄວາມງາມຂອງແມ່ຍິງ…ມີເພື່ອນມິດສາກົນຫຼາຍຄົນຖາມຂ້າພະເຈົ້າກ່ຽວກັບຄວາມແຕກຕ່າງກັນຂອງວັດຖຸດິບ, ຈຸດທີ່ມາຂອງເສື້ອຍາວ ຫວຽດນາມ, ເສື້ອຍາວທີ່ເປັນມູນເຊື້ອ ແລະ ເສື້ອຍາວແບບໃໝ່”.
ທີ່ພິທີ, ຫໍພິພິທະພັນແມ່ຍິງກໍ່ໄດ້ຕ້ອນຮັບຊຸດເສື້ອຍາວ 20 ຊຸດຂອງນັກອອກແບບ 20 ຄົນໃນຊຸດສະສົມເສື້ອຍາວກ່ວາ 1000 ຊຸດ ທີ່ໄດ້ຮັບການແນະນຳຢູ່ລາຍການສະແດງ “ເສື້ອຍາວ - ມໍລະດົກວັດທະນະທຳ ຫວຽດນາມ” ຢູ່ວັນມຽວ - ກວ໊ກຕືຢາມ, ໂດຍສະມາຄົມແມ່ຍິງ ຫວຽດນາມສົມທົບກັບກະຊວງ ວັດທະນະທຳ, ກິລາ ແລະ ການທ່ອງທ່ຽວຈັດຂຶ້ນໃນວັນທີ 28 ມີນາ 2020. ດ້ວຍບັນດາລວດລາຍ, ສີສັນທີ່ຫຼາກຫຼາຍ ແລະ ມີຄວາມປະທັບໃຈ, ບັນດາມໍລະດົກທີ່ພົ້ນເດັນຂອງ ຫວຽດນາມ ໄດ້ຮັບການຮັບຮອງເອົາຈາກ UNESCO ຄື ປ່າສະຫງວນຟອງຍາ - ແກ໋ບ໋າງ, ເມືອງເກົ່າໂຮ້ຍອານ… ລ້ວນແຕ່ໄດ້ສະແດງອອກຢ່າງມີຊີວິດຊີວາ ໃນເສື້ອຍາວ, ປະກອບສ່ວນເຂົ້າໃນການແນະນຳ, ແຜ່ຂະຫຍາຍບັນດາມໍລະດົກ, ຈຸດວັດທະນະທຳຫວຽດນາມ.
ໃນບັນດາການເຄື່ອນໄຫວສະເຫຼີມສະຫຼອງ 111 ປີແຫ່ງວັນແມ່ຍິງ ສາກົນ, ສະຫະພັນແມ່ຍິງ ຫວຽດນາມ ໄດ້ປຸກລະດົມ “ສັບປະດາເສື້ອຍາວ” 2021, ເຊິ່ງສົ່ງເສີມແມ່ຍິງໃນທຸກເກນອາຍຸ, ເປັນຕົ້ນແມ່ນສະມາຊິກຂອງ ສະຫະພັນແມ່ຍິງ ຫວຽດນາມ ໃນບັນດາການເຄື່ອນໄຫວແຕ່ວັນທີ 1 – 8 ມີນາ, ເພື່ອແນໃສ່ແຜ່ຂະຫຍາຍ, ເຊີດຊູຂຸດເສື້ອຍາວ ແລະ ແມ່ຍິງ ຫວຽດນາມ.
 | VUFO ປຸກລະດົມຂະບວນການແຂ່ງຂັນປີ 2021 ດ້ວຍ 5 ເນື້ອໃນຕົ້ນຕໍ ຍສໝ - ຕອນເຊົ້າວັນທີ 17 ກຸມພາ, ຢູ່ຮ່າໂນ້ຍ, ສະຫະພັນບັນດາອົງການມິດຕະພາບຫວຽດນາມ (VUFO) ໄດ້ຈັດ ພິທີປຸກລະດົມຂະບວນການແຂ່ງຂັນປີ 2021 ດ້ວຍ 5 ເນື້ອໃນຕົ້ນຕໍ. |
 | ກອງປະຊຸມ ຄະນະປະຈຳ VUFO ຄັ້ງທີ II ຊຸດທີ VI: ການທູດປະຊາຊົນໄດ້ຫັນປ່ຽນຄວາມສ່ຽງກາຍເປັນໂອກາດ ຍສໝ - ເຂົ້າຮ່ວມກອງປະຊຸມ ມີທ່ານນາງ ຫງວຽນເຟືອງງາ ເລຂາຄະນະພັກ, ປະທານ VUFO,ທ່ານ ຟານແອັງເຊີນ ຮອງປະທານ ເລຂາທິການໃຫຍ່ VUFO ແລະ ບັນດາກຳມະການຄະນະປະຈຳຄະນະປະທານ VUFO, ຜູ້ຕາງໜ້າບາງກະຊວງ, ຂະແໜງການຂັ້ນສູງການ. |
 | 10 ໝາກຜົນທີ່ພົ້ນເດັ່ນຂອງ VUFO ໃນປີ 2020 ຍສໝ - ວັນທີ 8 ມັງກອນ, ຢູ່ຮ່າໂນ້ຍ, ສະຫະສະມາຄົມບັນດາອົງການມິດຕະພາບ ຫວຽດນາມ (VUFO) ຈັດກອງປະຊຸມສະຫຼຸບວຽກງານ ປີ 2020, ຜັນຂະຫຍາຍວຽກງານປີ 2021. ການເຄື່ອນໄຫວໜູນຊ່ວຍເພື່ອນມິດສາກົນໃນໄລຍະເກີດໂລກລະບາດໂຄວິກ - 19 ນັບ ແຕ່ຫົວທີແມ່ນຈຸດພົ້ນເດັ່ນຂອງ ຫວຽດນາມ ແລະຢັ້ງຢືນວ່າ ຫວຽດນາມແມ່ນຊົນຊາດທີ່ມີຄວາມຮັກແພງກັນ, ພ້ອມແລ້ວທີ່ຈະແບ່ງທຸກແບ່ງສຸກໃນໄລຍະປະສົບກັບຄວາມຫຍຸ້ງຍາກ. ຜ່ານການກະທຳນີ້, ຄຸນນະທາດແຫ່ງຊາດໄດ້ຜັນຂະຫຍາຍຜ່ານການທູດປະຊາຊົນ. |
ບຸນຄົງ
