| ທຶນຈົດທະບຽນການລົງທຶນຂອງຕ່າງປະເທດຢູ່ຫວຽດນາມ ໃນ 10 ເດືອນ ເພີ່ມຂຶ້ນ 66,1% | |
| ການທ່ອງທ່ຽວຫວຽດນາມເປັນເວລາ 4 ເດືອນຕິດຕໍ່ກັນ ໄດ້ຕ້ອນຮັບນັກທ່ອງທ່ຽວສາກົນກວ່າ 1 ລ້ານເທື່ອຄົນ |
ຂໍ້ມູນຂອງກົມໃຫຍ່ສະຖິຕິສະແດງໃຫ້ເຫັນວ່າ ໃນ 10 ເດືອນຕົ້ນປີ 2023, ຍອດຈຳນວນເງິນລົງທຶນໂດຍກົງຈາກຕ່າງປະເທດ (FDI) ທີ່ຈົດທະບຽນຢູ່ຫວຽດນາມ ບັນລຸກວ່າ 25,76 ຕື້ USD, ເພີ່ມຂຶ້ນ 14,7% ເມື່ອທຽບໃສ່ໄລຍະດຽວກັນຂອງປີກາຍ (ລວມມີຈົດທະບຽນໃໝ່, ດັດປັບ ແລະ ໂຮມທຶນຊື້ຫຸ້ນສ່ວນ, ຊື້ສ່ວນທຶນໂຮມຂອງເຮືອນ).
“ນີ້ແມ່ນຍອດຈຳນວນເງິນລົງທຶນໂດຍກົງຈາກຕ່າງປະເທດທີ່ບັນລຸໄດ້ສູງສຸດໃນ 10 ເດືອນຂອງ 5 ປີຜ່ານມາ. ໃນນັ້ນ, ອຸດສາຫະກຳປຸງແຕ່ງ ແລະ ຜະລິດບັນລຸ 14,81 ຕື້ USD, ກວມ 82,3% ຍອດຈຳນວນທຶນລົງທຶນໂດຍກົງຈາກຕ່າງປະເທດທີ່ໄດ້ປະຕິບັດ; ການຜະລິດ ແລະ ແຈກຢາຍໄຟຟ້າ, ແກັດເຜົາໄໝ້, ນ້ຳຮ້ອນ, ອາຍນ້ຳ ແລະ ເຄື່ອງປັບອາກາດບັນລຸ 1,1 ຕື້ USD, ກວມ 6,1 %; ການເຄື່ອນໄຫວທຸລະກິດອະສັງຫາລິມະຊັບບັນລຸ 860,5 ລ້ານ USD, ກວມເອົາ 4,8%”, ຕາມກົມໃຫຍ່ສະຖິຕິ.
 |
| ທີ່ມາ: ກົມລົງທຶນຕ່າງປະເທດ, ກະຊວງແຜນການ ແລະ ການລົງທຶນ ຫວຽດນາມ. |
10 ເດືອນຕົ້ນປີກໍ່ຮັບຮູ້ວ່າມີ 2.608 ໂຄງການ FDI ໃຫມ່ທີ່ໄດ້ອອກໃບຈົດທະບຽນການລົງທຶນ, ດ້ວຍຍອດຈຳນວນທຶນຈົດທະບຽນບັນລຸກວ່າ 15,29 ຕື້ USD, ເພີ່ມຂຶ້ນ 66,1% ໃນຈຳນວນໂຄງການ ແລະ ເພີ່ມຂຶ້ນ 54% ກ່ຽວກັບຈຳນວນທຶນເມື່ອທຽບກັບໄລຍະດຽວກັນຂອງປີກາຍ. ຄຽງຄູ່ກັນນັ້ນ, ກໍ່ມີ 1.051 ໂຄງການທີ່ໄດ້ລົງທະບຽນດັດປັບທຶນລົງທຶນ, ດ້ວຍຍອດຈຳນວນທຶນເພີ່ມເຕີມກວ່າ 5,33 ຕື້ USD, ເພີ່ມຂຶ້ນ 19,4% ໃນຈຳນວນທຶນແຕ່ຫຼຸດລົງ 39% ທຽບໃສ່ໄລຍະດຽວກັນ.
ນອກນີ້, ຍັງມີພົວພັນຊື້ຂາຍປະກອບທຶນ 2.836 ທຶນ ແລະ ການຊື້ຫຸ້ນສ່ວນຂອງນັກລົງທຶນຕ່າງປະເທດ, ເຖິງວ່າຈະຫຼຸດລົງ 5,4% ເມື່ອທຽບໃສ່ໄລຍະດຽວກັນກ່ຽວກັບຈຳນວນເທື່ອລົງທຶນ, ແຕ່ເພີ່ມຂຶ້ນ 35,4% ເກ່ຽວກັບຈຳນວນທຶນ, ເຊິ່ງບັນລຸກວ່າ 5,13 ຕື້ USD.
ຕົວເລກສະຖິຕິຂອງກົມລົງທຶນຕ່າງປະເທດຍັງສະແດງໃຫ້ເຫັນວ່າ ບັນດາໂຄງການລົງທຶນໃໝ່ຍັງສຸມໃສ່ບັນດາແຂວງ, ນະຄອນທີ່ມີທ່າໄດ້ປຽບໃນການດຶງດູດການລົງທຶນຈາກຕ່າງປະເທດຄື ກວາງນິງ, ຫາຍຟ່ອງ, ຮ່າໂນ້ຍ, ນະຄອນ ໂຮຈິມິນ, ບັກຢາງ, ບິ່ງເຢືອງ... ບັນດານັກລົງທຶນເດີມຂອງອາຊີ ຄື: ສິງກະໂປ, ຈີນ, ຍີ່ປຸ່ນ, ສ.ເກົາຫຼີ, ຮົງກົງ, ໄຕ້ຫວັນ ຍັງກວມມາດຕາຖ່ວງໃຫຍ່ໃນການລົງທຶນຢູ່ຫວຽດນາມ.
ໃນນັ້ນ, ສິງກະໂປ ນຳໜ້າ ດ້ວຍຍອດຈຳນວນເງິນລົງທຶນເກືອບ 4,65 ຕື້ USD, ກວມເອົາກວ່າ 18% ຈຳນວນທຶນລົງທຶນເຂົ້າ ຫວຽດນາມ ໃນ 10 ເດືອນ; ສ.ເກົາຫຼີ ຢືນອັນດັບທີ 2 ດ້ວຍຍອດຈຳນວນທຶນລົງທຶນເກືອບ 3,93 ຕື້ USD, ກວມ 15,2% ຂອງຈຳນວນເງິນລົງທຶນທັງໝົດ. ຮົງກົງ ຢືນອັນດັບທີ 3 ດ້ວຍຍອດຈຳນວນທຶນລົງທຶນຈົດທະບຽນເກືອບ 3,54 ຕື້ USD, ກວມເອົາຫຼາຍກວ່າ 13,7% ຂອງຍອດທຶນລົງທຶນ...
ບໍ່ພຽງແຕ່ແມ່ນການທຶນຈົດທະບຽນຕັ້ງໜ້າເທົ່ານັ້ນ, ທຶນ FDI ໃນ 10 ເດືອນຕົ້ນປີຍັງໄດ້ຮັບການຕີລາຄາວ່າດີ. ຕາມກົມການລົງທຶນຕ່າງປະເທດແລ້ວ, ໃນ 10 ເດືອນ, ຍອດຈຳນວນທຶນຂອງບັນດາໂຄງການລົງທຶນຕ່າງປະເທດ ບັນລຸໄດ້ປະມານ 18 ຕື້ USD, ເພີ່ມຂຶ້ນ 2,4% ເມື່ອທຽບໃສ່ໄລຍະດຽວກັນຂອງປີ 2022.
ການລົງທຶນຂອງ ຫວຽດນາມ ອອກໄປຕ່າງປະເທດ ໃນ 10 ເດືອນຕົ້ນປີ 2023 ມີ 95 ໂຄງການທີ່ໄດ້ຮັບໃບຢັ້ງຢືນການລົງທຶນໃໝ່ ດ້ວຍຍອດຈຳນວນທຶນຂອງຫວຽດນາມ ແມ່ນ 251,2 ລ້ານ USD, ຫຼຸດລົງ 36,6% ເມື່ອທຽບໃສ່ໄລຍະດຽວກັນຂອງປີກາຍ; ມີ 19 ໂຄງການທີ່ມີທຶນດັດປັບ ດ້ວຍຍອດຈຳນວນທຶນ 173 ລ້ານ USD, ເພີ່ມຂຶ້ນເກືອບ 2,8 ເທົ່າ.
ໂດຍລວມແລ້ວ, ຍອດຈຳນວນທຶນລົງທຶນຢູ່ຕ່າງປະເທດຂອງຫວຽດນາມ ບັນລຸ 424,4 ລ້ານ USD, ຫຼຸດລົງ 6,1% ເມື່ອທຽບໃສ່ໄລຍະດຽວກັນຂອງປີກາຍ. ໃນນັ້ນ: ການຂາຍສົ່ງ ແລະ ຂາຍຍ່ອຍ, ສ້ອມແປງລົດໂອໂຕ, ລົດຈັກ, ລົດໂມໂຕ ແລະ ລົດທີ່ມີເຄື່ອງຈັກອື່ນໆ ບັນລຸ 151,6 ລ້ານ USD, ກວມເອົາ 35,7% ຂອງຈຳນວນທຶນລົງທຶນທັງໝົດ; ຂໍ້ມູນຂ່າວສານ ແລະ ການສື່ສານ ບັນລຸ 119,4 ລ້ານ USD, ກວມເອົາ 28,1%; ການຜະລິດ ແລະ ແຈກຢາຍໄຟຟ້າ, ແກັດເຜົາໄໝ້, ນ້ຳຮ້ອນ, ອາຍນ້ຳ ແລະ ເຄື່ອງປັບອາກາດບັນລຸ 84,4 ລ້ານ USD; ກວມເອົາ 19,9%.
ໃນ 10 ເດືອນຕົ້ນປີ 2023, ມີ 24 ປະເທດ ແລະ ເຂດແຄ້ວນໄດ້ຮັບການລົງທຶນຈາກ ຫວຽດນາມ, ໃນນັ້ນ: ການາດາ ແມ່ນປະເທດນຳໜ້າ ດ້ວຍ 150,2 ລ້ານ USD, ກວມ 35,4% ຍອດຈຳນວນທຶນລົງທຶນ; ສິງກະໂປ 120,1 ລ້ານ USD, ກວມ 28,3%; ລາວ 115,2 ລ້ານ USD, ກວມ 27,1%; ກູບາ ບັນລຸ 11,8 ລ້ານ USD, ກວມ 2,8%; ອິດສະຣາແອນ 6,1 ລ້ານ USD, ກວມ 1,4%.
ດີງເລື້ອງ
