 | CARE ໜູນຊ່ວຍ ກ່າເມົາ ໃນການສື່ສານ ເພື່ອຍົກສູງຄວາມຮັບຮູ້ກ່ຽວກັບຄວາມສະເໝີພາບລະຫວ່າງຍິງ-ຊາຍ |
| ໃນ 9 ເດືອນຕົ້ນປີ 2023 ກ່າເມົາ ດຶງດູດ16 ຕື້ດົ່ງຈາກບັນດາອົງການຈັດຕັ້ງທີ່ບໍ່ສັງກັດລັດຖະບານຕ່າງປະເທດ |
ຕາມບົດລາຍງານຂອງຄະນະກຳມະການປະຊາຊົນແຂວງ ກ່າເມົາ ແລ້ວ, ປະຈຸບັນມີ 26 ອົງການ NGO ທີ່ລົງທະບຽນເຄື່ອນໄຫວຢູ່ແຂວງ, ໃນນັ້ນ ມີ 14 ອົງການໄດ້ຜັນຂະຫຍາຍບັນດາລາຍການ, ໂຄງການ, ຕົ້ນຕໍແມ່ນໃນບັນດາຂົງເຂດການແພດ, ການສຶກສາ, ເຮືອນຢູ່, ຂົວທາງຊົນນະບົດ, ນ້ຳສະອາດ, ໜູນຊ່ວຍຄົນພິການ, ມອບການທຶນການສຶກສາ, ຂອງຂວັນໃຫ້ຄົນທຸກຍາກ ແລະ ການປ່ຽນແປງດິນຟ້າອາກາດ. ໃນປີ 2023, ແຂວງ ກ່າເມົາ ໄດ້ຮັບທຶນບ້ວງຊ່ວຍເຫຼືອລ້າ 12 ບ້ວງ ຈາກບັນດາອົງການຕ່າງປະເທດ, ດ້ວຍຍອດມູນຄ່າກວ່າ 25,6 ຕື້ດົ່ງ, ໃນນັ້ນຄຳໝັ້ນສັນຍາເງິນອຸປະຖຳຂອງບັນດາອົງການ NGO ບັນລຸ 21,4 ຕື້ດົ່ງ. ແຕ່ຕົ້ນປີ 2024 ມາຮອດປະຈຸບັນ, ແຂວງໄດ້ຮັບ 19 ໂຄງການ ດ້ວຍຍອດມູນຄ່າເກືອບ 73 ຕື້ດົ່ງ, ໃນນັ້ນຄຳໝັ້ນສັນຍາເງິນອຸປະຖຳຂອງບັນດາອົງການຕ່າງປະເທດແມ່ນເກືອບ 71 ຕື້ດົ່ງ.
 |
| ທ່ານ ເລວັນສື, ຮອງປະທານຄະນະກຳມະການປະຊາຊົນແຂວງ ກ່າເມົາ ກ່າວຄຳປາໄສທີ່ການເຮັດວຽກ. |
ບັນດາບ້ວງຊ່ວຍເຫຼືອຢູ່ ກ່າເມົາ ຕົ້ນຕໍແມ່ນໜູນຊ່ວຍການກໍ່ສ້າງໂຮງຮຽນ, ເຮືອນຢູ່, ປູກຕົ້ນໄມ້, ຜ່າຕັດຫົວໃຈໃຫ້ເດັກນ້ອຍມີສະພາບຫຍຸ້ງຍາກ, ໜູນຊ່ວຍປະຊາຊົນທີ່ໄດ້ຮັບຜົນກະທົບຈາກໄພແຫ້ງແລ້ງ, ປັບປຸງລະບົບນ້ຳສະອາດໃຫ້ໂຮງຮຽນ ແລະ ກໍ່ສ້າງຂົວທາງຄົມມະນາຄົມຊົນນະບົດ. ບັນດາລາຍການ ແລະ ໂຄງການລ້ວນແຕ່ມີປະສິດທິຜົນຢ່າງແທດຈິງ, ປະກອບສ່ວນຍົກສູງຊີວິດການເປັນຢູ່ຮັບປະກັນຊີວິດສັງຄົມຂອງປະຊາຊົນ.
ຄະນະກຳມະການປະຊາຊົນແຂວງ ກ່າເມົາ ໃຫ້ຮູ້ວ່າ: ບັນດາ NGO ເຄື່ອນໄຫວໃນທ້ອງຖິ່ນລ້ວນແຕ່ປະຕິບັດຕາມຂໍ້ກຳນົດກົດໝາຍ ຫວຽດນາມ, ປະຕິບັດຖືກຕາມຈຸດປະສົງ, ເນື້ອໃນ ແລະ ລະດັບຄວາມຄືບໜ້າທີ່ໄດ້ລົງທະບຽນ. ບັນດາອົງການ, ຫົວໜ່ວຍທີ່ກ່ຽວຂ້ອງເມື່ອພົບປະກັບບັນດາຄູ່ຮ່ວມມືຕ່າງປະເທດ ກໍ່ລາຍງານໃຫ້ຄະນະກຳມະການປະຊາຊົນແຂວງເປັນປະຈຳ ເພື່ອສົມທົບກັນ ແລະ ຄຸ້ມຄອງບັນດາການເຄື່ອນໄຫວ, ຮັບປະກັນບໍ່ໃຫ້ສະພາວະການທີ່ສັບສົນເກີດຂຶ້ນ. ການຕ້ອນຮັບ ແລະ ຄຸ້ມຄອງການອຸປະຖຳໄດ້ປະຕິບັດຖືກຕາມກົດໝາຍກຳນົດ, ປະກອບສ່ວນຍົກສູງປະສິດທິຜົນວຽກງານຂົນຂວາຍການຊ່ວຍເຫຼືອ.
ເຖິງຢ່າງໃດກໍຕາມ, ວຽກງານ NGO ຢູ່ ກ່າເມົາ ກໍ່ຍັງປະສົບກັບຄວາມຫຍຸ້ງຍາກຈຳນວນໜຶ່ງ. ບາງອົງການຍັງບໍ່ໄດ້ປະຕິບັດຕາມຂັ້ນຕອນ, ຜັນຂະຫຍາຍໂຄງການໂດຍກົງ ໂດຍບໍ່ໄດ້ຜ່ານຂັ້ນຕອນການຕ້ອນຮັບຢ່າງເປັນທາງການ. ມີອົງການອຸປະຖຳດ້ວຍກຳລັງທຶນໜ້ອຍແຕ່ຈຳນວນຄົນຕ່າງປະເທດທີ່ເຂົ້າຮ່ວມຄະນະເປັນຈຳນວນຫຼາຍ, ບາງເທື່ອ ກໍ່ສົມທົບໄປທັດສະນະທ່ອງທ່ຽວ. ເຖິງວ່າບາງອົງການມີໃບອະນຸຍາດດຳເນີນທຸລະກິດກໍ່ຕາມ, ແຕ່ຍັງບໍ່ທັນໄດ້ຜັນຂະຫຍາຍໂຄງການໃດຢູ່ແຂວງ. ນອກຈາກນັ້ນ, ຂໍ້ມູນກ່ຽວກັບການເຄື່ອນໄຫວຂອງອົງການ NGO ຍັງຈໍາກັດຢູ່.
 |
| ທ່ານນາງ ໂດ໊ທິກິ່ມຢຸ່ງ, ຮອງຫົວໜ້າຄະນະປະສານງານການອຸປະຖຳປະຊາຊົນກ່າວຄຳເຫັນ. |
ທີ່ການເຮັດວຽກ, ທ່ານ ເລວັນສື, ຮອງປະທານຄະນະກຳມະການປະຊາຊົນແຂວງ ກ່າເມົາ ໃຫ້ຮູ້ວ່າ ຍາມໃດແຂວງກໍ່ມານະພະຍາຍາມໝູນໃຊ້ແຫຼ່ງກຳລັງໜູນຊ່ວຍຈາກບັນດາບັນດາອົງການ NGO ເພື່ອພັດທະນາທ້ອງຖິ່ນ ແລະ ນຳມາເຊິ່ງຜົນປະໂຫຍດໃຫ້ແກ່ປະຊາຊົນ. ແຂວງຫວັງວ່າ ຈະໄດ້ຮັບການໜູນຊ່ວຍຈາກຄະນະກຳມະການວຽກງານກ່ຽວກັບບັນດາອົງການ NGO ເພື່ອແກ້ໄຂຄວາມຫຍຸ້ງຍາກ, ພິເສດແມ່ນສ້າງກົນໄກແບ່ງປັນຂໍ້ມູນທີ່ວ່ອງໄວ ເພື່ອຜັນຂະຫຍາຍບັນດາລາຍການ, ໂຄງການໂດຍໄວ.
ໂດຍຕາງໜ້າຄະນະປະຕິບັດງານ, ທ່ານນາງ ໂດ໊ທິກິ່ມຢຸ່ງ, ຮອງຫົວໜ້າຄະນະປະສານງານການອຸປະຖຳປະຊາຊົນ ໄດ້ຕີລາຄາສູງໝາກຜົນວຽກງານຂົນຂວາຍການອຸປະຖຳ ແລະ ຄຸ້ມຄອງການເຄື່ອນໄຫວຂອງບັນດາອົງການ NGO ຢູ່ ກ່າເມົາ. ທ່ານສະເໜີໃຫ້ແຂວງສືບຕໍ່ຖືວຽກງານ NGO ເປັນສຳຄັນ, ນໍາໃຊ້ສູງສຸດແຫຼ່ງກຳລັງການອຸປະຖຳເຂົ້າບັນດາຂົງເຂດບູລິມະສິດ ແລະ ສົມທົບກັນຢ່າງແໜ້ນແຟ້ນກັບບັນດາອົງການສູນກາງ ເພື່ອແກ້ໄຂບັນດາບັນຫາທີ່ກ່ຽວຂ້ອງ. ທ່ານຍັງກ່າວວ່າ ບັນດາອົງການ NGO ຂອບຂະໜາດໃຫຍ່ທີ່ມີໂຄງການຢູ່ ກ່າເມົາ ຈະສ້າງກາລະໂອກາດເພື່ອແຂວງສືບຕໍ່ຮຽກຮ້ອງໃຫ້ມີການລົງທຶນ ແລະ ການອຸປະຖຳໃນບັນດາຂົງເຂດຮີບດ່ວນ.
ຕອນບ່າຍວັນດຽວກັນ, ຄະນະປະຕິບັດງານຂອງຄະນະກຳມະການວຽກງານກ່ຽວກັບບັນດາອົງການ NGO ໄດ້ລົງສຳຫຼວດຕົວຈິງ ແລະ ເຮັດວຽກກັບຄະນະຄຸ້ມຄອງໂຄງການເພີ່ມທະວີການປັບຕົວເຂົ້າກັບການປ່ຽນແປງຂອງດິນຟ້າອາກາດ ຢູ່ຕາແສງ ແຄ໋ງຕ໋ຽນ, ເມືອງ ອູມິງ, ໂຄງການໄດ້ອຸປະຖຳໂດຍອົງການເຂົ້າຈີ່ໃຫ້ໂລກ (ເຢຍລະມັນ). ໂຄງການດັ່ງກ່າວໄດ້ຜັນຂະຫຍາຍແຕ່ເດືອນມັງກອນ ປີ 2023 ຫາທ້າຍ ປີ 2025 ດ້ວຍຍອດຈຳນວນງົບປະມານ 230.000 ເອີໂຣ, ໃນນັ້ນ 200.000 ເອີໂຣ ແມ່ນແຫຼ່ງທຶນເພື່ອແນໃສ່ເພີ່ມທະວີກຳລັງຄວາມສາມາດໃນການປັບຕົວເຂົ້າກັບການປ່ຽນແປງຂອງດິນຟ້າອາກາດ ແລະ ສ້າງການຫາລ້ຽງຊີບແບບຍືນຍົງໃຫ້ປະຊາຊົນໃນ 12 ໝູ່ບ້ານ ຢູ່ຕາແສງ ແຄ໋ງຕ໋ຽນ.
 |
| ທ່ານນາງ ໂດ໊ທິກິ່ມຢຸ່ງ - ຮອງຫົວໜ້າຄະນະປະສານງານການອຸປະຖຳປະຊາຊົນ ພ້ອມກັບຄະນະປະຕິບັດງານໄດ້ເຮັດວຽກກັບຄະນະຄຸ້ມຄອງໂຄງການຢູ່ຕາແສງ ແຄ໋ງຕ໋ຽນ. |
ທີ່ການເຮັດວຽກ, ທ່ານ ເລີມວັນໂຫວນ, ຮອງປະທານຄະນະກຳມະການປະຊາຊົນຕາແສງ ແຄ໋ງຕ໋ຽນ ໃຫ້ຮູ້ວ່າ ໂຄງການໄດ້ຈັດຕັ້ງຊຸດອົບຮົມກ່ຽວກັບການປ່ຽນແປງຂອງດິນຟ້າອາກາດ ແລະ ບັນດາວິທີການປັບຕົວໃຫ້ແກ່ຖັນແຖວພະນັກງານຮາກຖານ, ຜ່ານນັ້ນ ກໍ່ຊ່ວຍແບ່ງປັນຄວາມຮູ້ໃຫ້ຊຸມຊົນ. ບັນດາຮູບແບບການຫາລ້ຽງຊີບເຊັ່ນ: ການລ້ຽງກຸ້ງ, ປູ, ໄກ່, ເປັດ ໄດ້ນໍາມາເຊິ່ງຜົນປະໂຫຍດຕົວຈິງໃຫ້ປະຊາຊົນ.
 |
| ຄະນະປະຕິບັດງານໄດ້ຖ່າຍຮູບທີ່ລະນຶກພ້ອມກັບຄະນະຄຸ້ມຄອງໂຄງການຢູ່ຕາແສງ ແຄ໋ງຕ໋ຽນ |
ທ່ານນາງ ໂດ໊ທິກິ່ມຢຸ່ງ ສະເໜີໃຫ້ທ້ອງຖິ່ນສືບຕໍ່ຮ່ວມມືຢ່າງແໜ້ນແຟ້ນກັບບັນດາຜູ້ໃຫ້ທຶນ ເພື່ອຮັບປະກັນຄວາມເຂົ້າໃຈກ່ຽວກັບວຽກງານຂອງທ້ອງຖິ່ນ, ພ້ອມກັນນັ້ນ ກໍ່ຫວັງວ່າ ຄະນະຄຸ້ມຄອງໂຄງການຈະແບ່ງປັນບັນດາຄວາມຮູ້ທີ່ໄດ້ເຝິກອົບຮົມໃຫ້ກັບຊຸມຊົນ. ທ່ານກໍ່ໄດ້ເນັ້ນໜັກວ່າ ການປະສົບຜົນສຳເລັດຂອງໂຄງການ ຈະແມ່ນກຳລັງຊຸກຍູ້ເພື່ອໃຫ້ອົງການເຂົ້າຈີ່ໃຫ້ໂລກ ແລະ ບັນດາອົງການ NGO ອື່ນ ສືບຕໍ່ໜູນຊ່ວຍ ກ່າເມົາ.
 | ຍສໝ - ການເດີນທາງໄປສູ່ຈຸດໃຕ້ສຸດໂດຍທາງນ້ໍາແມ່ນປະສົບການທີ່ໜ້າຄົ້ນຫາສໍາລັບຜູ້ທີ່ຮັກການຄົ້ນຫາ. |
 | ແຂວງກ່າເມົາ ສສ.ຫວຽດນາມ: ການພັດທະນາການປະມົງແບບຍືນຍົງ ແລະມີຄວາມຮັບຜິດຊອບ ດ້ວຍຄວາມຕັດສິນໃຈສູງ, ກ່າເມົາ ໄດ້ປະຕິບັດຫຼາຍມາດຕະການເພື່ອຕ້ານການຂຸດຄົ້ນຊັບສິນທະເລຜິດກົດໝາຍ. ພິເສດ, ສອງແຂວງກ່າເມົາ ແລະກຽນຢາງ ຍັງໄດ້ຮັບຮອງເອົາແຜນການປະສານງານ ແລະຈັດຕັ້ງການລາດຕະເວນຮ່ວມ. |
ແທັງຮັ່ງ
