ສະພາບອາກາດ ພາກເໜືອ ແລະ ພາກກາງ ເປັນໃຈ ໃຫ້ແກ່ການເປີດສົກຮຽນໃໝ່

ບັນດາແຂວງພາກເໜືອແດດ ບາງບ່ອນມີແດດກ້າ. ອຸນນະພູມສູງສຸດ ເຄື່ອນໄຫວຢູ່ລະຫວ່າງ 32-35 ອົງສາ ບາງບ່ອນກໍ່ສູງກວ່າ 35 ອົງສາ.

ສ່ວນບັນດາແຂວງພາກກາງ ມີເມກເບົາບາງ, ກາງເວັນແດດ , ແດດຮ້ອນເອົ້າບາງພື້ນທີ່.

ອຸນນະພູມສູງສຸດເຄືອ່ນໄຫວຢູ່ລະຫວ່າງ 36 ອົງສາ ມີບາງພື້ນທີ່ ກໍ່ສູງກວ່າ 36ອົງສາ.

ງານການເປີດສົກຮຽນໃໝ່ 2018-2019.

ພາກຕາເວັນຕົກ ແລະ ພາກໃຕ້ ເມກຫຼາຍ, ຕອນເຊົ້າມີຝົນຕົກ ແລະ ຝົນຕົກໜັກບາງພື້ນທີ່; ຕອນທ່ຽງ ແລະ ຕອນບ່າຍ ມີຝົນຕົກລິນ ແລະ ຝົນຕົກໜັກ. ອູນນະພູມສູງສຸດ ຢູ່ພາກຕາເວັນຕົກ ຢູ່ລະຫວ່າງ 28-31ອົງສາ; ພາກໃຕ້ ແຕ່ 30-33ອົງສາ.

ເຖິງວ່າສະພາບອາກາດຈະມີແດດ ທ້ອງຟ້າເປີດ ສະດວກໃຫ້ແກ່ການຈັດງານເປີດສົກຮຽນໃໝ່, ແຕ່ວ່າມີບາງບ້ານຢູ່ເມືອງ ເມື່ອງລ໋າດ ແຂວງແທັງຫວ໋າ ໄດ້ຮັບຜົນກະທົບຢ່າງຮຸນແຮງຈາກຝົນຕົກນຳ້ຖ້ວມ ແລະ ດິນເຊາະເຈື່ອນ, ໂຮງຮຽນຫຼາຍແຫ່ງຖືກນຳ້ຖ້ວມ, ດິນເຊາະເຈື່ອນ ດັ່ງນັ້ນ ໂຮງຮຽນຫຼາຍແຫ່ງຕ້ອງໄດ້ໂຈະການເປີດສົກຮຽນໃໝ່. ເປັນຕົ້ນແມ່ນ ບ້ານ ເມື່ອງແຈັງ ມາຮອດວັນທີ 4 ກັນຍາທີ່ຜ່ານມາຍັງບໍ່ສາມາດເດີນທາງໄປມາໄດ້ຍ້ອນນຳ້ຖ້ວມ. ຖະໜົນຫົນທາງຖືກເຊາະເຈື່ອນເສຍຫາຍຢ່າງຮຸນແຮງ ແລະ ສັນຍາໂທລະສັບກໍ່ຖືກຕັດຂາດນຳອີກດ້ວຍ. ເສັ້ນທາງຄົມມະນາຄົມ ເຊື່ອມຕໍ່ໄປຍັງເສັ້ນທາງຫຼວງຍັງຄົງຖືກຕັດຂາດ.

ຫ້ອງການສືກສາຫຼາຍແຫ່ງທົ່ວເມືອງ ເມື່ອງລ໋າດ ຖືກເປເພ ພັງທະລາຍ ເສຍຫາຍຢ່າງຮຸນແຮງທີ່ສຸດ. ຍ້ອນແນວນັ້ນ ທັງໂຮງຮຽນອະນຸບານ, ໂຮງຮຽນປະຖົມ ແລະ ໂຮງຮຽນມັດທະຍົມ ເມືອງ ເມື່ອງແຈັງ ຄົງຈະບໍ່ສາມາດເປີດສົກຮຽນໃໝ່ໄດ້ຕາມກຳນົດ ຍ້ອນຜົນກະທົບອັນໜັກໜ່ວງຈາກຝົນຕົກນຳ້ຖ້ວມ ແລະ ດິນເຊາະເຈື່ອນ.

ນອກນັ້ນ ໂຮງຮຽນບາງແຫ່ງ ແລະ ສູນສຶກສາອື່ນໆ ຫຼາຍບ້ານຂອງ ເມືອງ ເມື່ອງລ໋າດ ກໍ່ຖືກຜົນກະທົບ ສະນັ້ນວຽກງານການເປີດສົກຮຽນໃໝ່ຕ້ອງໄດ້ເລື່ອນໄປຢ່າງແນ່ນອນ.

（ຫັດ​ທະ​ບູນ）