| ທ່ານປະທານປະເທດ ຫວໍວັນເຖືອງ ໄດ້ເຂົ້າຮ່ວມພິທີສະເຫຼີມສະຫຼອງ 60 ປີແຫ່ງວັນປະທານ ໂຮ່ຈີມິນ ຢ້ຽມຢາມແຂວງ ບັກຢາງ | |
| ທ່ານປະທານປະເທດ ຫວໍວັນເຖືອງ ແລະ ພັນລະຍາຕ້ອນຮັບເຈົ້າຊາຍ ແລະ ເຈົ້າຍິງ ຍີ່ປຸ່ນ |
ຕາມທູດສະເພາະການສຳນັກຂ່າວສານຫວຽດນາມແລ້ວ, ໃນໂອກາດເຂົ້າຮ່ວມກອງປະຊຸມສຸດຍອດການຮ່ວມມືສາກົນ ໜຶ່ງແລວທາງໜຶ່ງເສັ້ນທາງ ຄັ້ງທີ 3, ຕອນເຊົ້າວັນທີ 19 ຕຸລານີ້, ຢູ່ນະຄອນຫຼວງປັກກິ່ງ, ປະເທດຈີນ, ທ່ານປະທານປະເທດ ຫວໍວັນເຖືອງ ໄດ້ມີການພົບປະກັບທ່ານເລຂາທິການໃຫຍ່, ປະທານປະເທດ ສປປ.ລາວ ທອງລຸນ ສີສຸລິດ.
ທີ່ການພົບປະ, ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ໄດ້ສະແດງຄວາມປິຕິຊົມຊື່ນທີ່ໄດ້ພົບປະປະທານປະເທດ ຫວໍວັນເຖືອງ, ໄດ້ຝາກຄວາມຢື້ຢາມຖາມຂ່າວເຖິງທ່ານເລຂາທິການໃຫຍ່ ຫງວຽນຟູ໋ຈ້ອງ, ທ່ານນາຍົກລັດຖະມົນຕີ ຟ້າມມິງຈີງ, ປະທານສະພາແຫ່ງຊາດ ເວຶອງດິ່ງເຫ້ວ; ຫວນຄືນໝາກຜົນອັນດີງາມຂອງການຢ້ຽມຢາມ ຫວຽດນາມ ໃນເດືອນ ກັນຍາ 2023, ເນື່ອງໃນໂອກາດການພົບປະຂັ້ນສູງລະຫວ່າງ 3 ປະເທດ ຫວຽດນາມ - ລາວ - ກຳປູເຈຍ.
 |
ທ່ານປະທານປະເທດ ຫວໍວັນເຖືອງ ຕ້ອນຮັບທ່ານເລຂາທິການໃຫຍ່, ປະທານປະເທດລາວ |
ທີ່ການພົບປະ, ທ່ານປະທານປະເທດ ຫວໍວັນເຖືອງ ຢືນຢັນວ່າ ຫວຽດນາມ ຍາມໃດກໍ່ຕີລາຄາສູງການພົວພັນກັບລາວ, ຖືປະເທດລາວແມ່ນບຸລິມະສິດອັນດັບໜຶ່ງໃນນະໂຍບາຍການຕ່າງປະເທດ, ການພົວພັນ ຫວຽດນາມ - ລາວ ແມ່ນຊັບສົມບັດອັນລ້ຳຄ່າ ແລະ ການພົວພັນຄູ່ຮ່ວມມືທີ່ເປັນແບບຢ່າງ, ຊື່ສັດ, ສົດໃສ, ແມ່ນຫາຍາກໃນການພົວພັນສາກົນ.
ການນຳ 2 ທ່ານ ເນັ້ນໜັກວ່າ, ໃນໄລຍະມໍ່ໆມານີ້, ບັນດາກະຊວງ, ຂະແໜງການ, ທ້ອງຖິ່ນຂອງ 2 ປະເທດ ໄດ້ສົມທົບກັນຢ່າງຕັ້ງໜ້າ, ປະຕິບັດບັນດາຂໍ້ຕົກລົງຂັ້ນສູງ, ພ້ອມກັນມານະພະຍາຍາມແກ້ໄຂຄວາມຫຍຸ້ງຍາກ; ມີຫຼາຍໂຄງການຮ່ວມມືທີ່ສຳຄັນໄດ້ມີຄວາມຄືບໜ້າຢ່າງຕັ້ງໜ້າ.
ໃນສະພາບການໂລກທີ່ສັບສົນ ແລະ ຜັນແປໄປດ້ວຍສິ່ງທ້າທາຍຫຼາຍຢ່າງສົມທົບກັບກາລະໂອກາດ, 2 ຝ່າຍເຫັນດີສືບຕໍ່ຊຸກຍູ້ການພົວພັນດ້ານການເມືອງລະຫວ່າງ 2 ປະເທດຢ່າງແໜ້ນແຟ້ນ, ສົມທົບກັນປະກອບສ່ວນຮັກສາສະພາບແວດລ້ອມສັນຕິພາບ ແລະ ສະຖຽນລະພາບໃຫ້ແກ່ການພັດທະນາ; ສືບຕໍ່ສຸມໃສ່ຜັນຂະຫຍາຍບັນດາຂໍ້ຕົກລົງ, ສົນທິສັນຍາ, ສັນຍາ ແລະ ແຜນການຮ່ວມມືລະຫວ່າງ 2 ພັກ ແລະ 2 ປະເທດຢ່າງມີປະສິດທິຜົນ; ສົມທົບກັນຢ່າງແໜ້ນແຟ້ນ, ກະກຽມໃຫ້ແກ່ການເຄື່ອນໄຫວຂັ້ນສູງ ແລະ ຜັນຂະຫຍາຍບັນດາກົນໄກຮ່ວມມືສອງຝ່າຍຢ່າງມີປະສິດທິຜົນ; ເພີ່ມທະວີການຮ່ວມມືດ້ານປ້ອງກັນຄວາມສະຫງົບ, ຖືນີ້ແມ່ນໜຶ່ງໃນບັນດາເສົາຄ້ຳສຳຄັນຂອງການພົວພັນລະຫວ່າງສອງປະເທດ.
ຮັກສາກົນໄກແລກປ່ຽນວັດທະນະທຳ, ກິລາ ແລະ ທ່ອງທ່ຽວຢ່າງມີປະສິດທິຜົນ; ປະຕິບັດໂຄງການຍົກສູງຄຸນນະພາບ ແລະ ປະສິດທິຜົນຂອງການຮ່ວມມືຫວຽດນາມ - ລາວ ໃນຂົງເຂດສຶກສາ ແລະ ພັດທະນາຊັບພະຍາກອນມະນຸດ ໄລຍະ 2021-2030; ສູ້ຊົນແກ້ໄຂບັນຫາຢ່າງຄົບຖ້ວນໃນຫຼາຍໂຄງການຮ່ວມມືດ້ານເສດຖະກິດ, ການຄ້າ ແລະ ການລົງທຶນ; ເພີ່ມທະວີການຮ່ວມມືດ້ານວິທະຍາສາດ, ນະວັດຕະກໍາ, ການຮ່ວມມືດ້ານເສດຖະກິດດີຈີຕອນ, ການຄ້າເອເລັກໂຕຣນິກ... ຊຸກຍູ້ການຮ່ວມມືດ້ານການຫັນເປັນດິຈິຕອລລະຫວ່າງບັນດາອົງການຄຸ້ມຄອງລັດ, ກໍ່ຄືລະຫວ່າງບັນດາວິສາຫະກິດ.
2 ຝ່າຍກໍ່ຢືນຢັນຄວາມສຳຄັນຂອງການເພີ່ມທະວີການຮ່ວມມື ແລະ ການເຊື່ອມຕໍ່ລະຫວ່າງ ຫວຽດນາມ - ລາວ - ກຳປູເຈຍ, ໂດຍສະເພາະແມ່ນຂົງເຂດເສດຖະກິດ - ການຄ້າ, ພື້ນຖານໂຄງລ່າງ, ການທ່ອງທ່ຽວ ແລະ ການແລກປ່ຽນວັດທະນະທຳ; ໄດ້ເຫັນດີເປັນເອກະພາບສົມທົບກັນ ເພື່ອປະກອບສ່ວນຮັບປະກັນໃຫ້ ສປປ ລາວ ເປັນປະທານໃນປີ 2024 ໄດ້ຮັບຜົນສຳເລັດ, ຜ່ານນັ້ນໄດ້ເສີມຂະຫຍາຍບົດບາດໃຈກາງຂອງອາຊຽນ ແລະ ນຳມາເຊິ່ງຜົນປະໂຫຍດຕົວຈິງໃຫ້ແກ່ປະຊາຊົນອາຊຽນ.
ທ່ານເລຂາທິການໃຫຍ່, ປະທານປະເທດ ທອງລຸນ ສີສຸລິດ ຖືວ່າ ສປປ ລາວ ຖືເປັນສຳຄັນການພົວພັນກັບ ຫວຽດນາມ ແລະ ຍາມໃດກໍ່ມານະພະຍາຍາມກໍ່ສ້າງ ແລະ ນຳມາເຊິ່ງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ ສືບຕໍ່ພັດທະນາແບບຍືນຍົງ, ເຂົ້າສູ່ລວງເລິກ; ຢືນຢັນວ່າ ຈະປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ການພົວພັນລະຫວ່າງ 2 ພັກ ແລະ 2 ປະເທດ./.
ຄຳຮຸ່ງ
