| ການນໍາແຂວງກວາງບິ່ງ ເຮັດວຽກກັບຄະນະຜູ້ແທນລາວ ແລະ ອົດສະຕາລີ ປະຈຳຫວຽດນາມ |
ຕອນບ່າຍວັນທີ 18 ຕຸລາ, ທ່ານ ຫງວຽນວັນເທາະ ຮອງເລຂາພັກແຂວງ, ປະທານຄະນະກໍາມະການປະຊາຊົນແຂວງ ບ່າເຣ້ຍ-ຫວູງເຕົ່າ, ສສ. ຫວຽດນາມ ເປັນປະທານທີ່ການຕ້ອນຮັບ, ເຮັດວຽກກັບຄະນະພະນັກງານຂັ້ນສູງພັກປະຊາຊົນ ປະຕິວັດລາວ ນໍາໂດຍສະຫາຍ ພອຍຄໍາ ຮຸ່ງບຸນຍວງ ເລຂາພັກແຂວງ, ເຈົ້າແຂວງໄຊສົມບູນ ໄດ້ໄປຢ້ຽມຢາມ ແລະເຮັດວຽກຢູ່ແຂວງບ່າເຣ້ຍ-ຫວູງເຕົ່າ.
ກ່າວຄໍາເຫັນທີ່ການເຮັດວຽກ, ສະຫາຍ ດັ້ງມິນທົງ ຮອງປະທານຄະນະກໍາມະການປະຊາຊົນແຂວງບ່າເຣ້ຍ-ຫວູງເຕົ່າ ໄດ້ແນະນໍາໂດຍສັງເຂບກ່ຽວກັບສະພາບການພັດທະນາເສດຖະກິດ, ສັງຄົມຂອງແຂວງ.
ກ່ຽວກັບການຮ່ວມມືລະຫວ່າງແຂວງບ່າເຣ້ຍ-ຫວູງເຕົ່າ ກັບທ້ອງຖິ່ນຕ່າງໆຂອງລາວ, ຮອງປະທານຄະນະກໍາມະການປະຊາຊົນແຂວງ ດັ້ງມິງທົງ ໃຫ້ຮູ້ວ່າ ມາຮອດປະຈຸບັນ ແຂວງບ່າເຣ້ຍ-ຫວູງເຕົ່າ ມີໜຶ່ງໂຄງການລົງທຶນຢູ່ລາວ: ບໍລິສັດຢາງພາລາບ່າເຣ້ຍ ແລະບໍລິສັດຫຸ້ນສ່ວນຢາງພາລາ ຮວ່າບິ່ງ ໄດ້ປະກອບເງິນລົງທຶນ 30% ເພື່ອປະຕິບັດໂຄງການປູກຢາງພາລາຢູ່ເມືອງ ປາກເຊ, ແຂວງຈໍາປາສັກ, ລາວ ດ້ວຍເງິນລົງທຶນປະມານ 500 ຕື້ດົງ. ໂຄງການໄດ້ຜັນຂະຫຍາຍການປູກຢາງພາລາ ມາແຕ່ປີ 2007, ຜະລິດຂຸດຄົ້ນບັນລຸ 15.000 ໂຕນ/ປີ.
 |
| ບັນຍາກາດທີ່ການເຮັດວຽກ. ພາບ: baobariavungtau.com.vn |
ແຕ່ລະປີ, ແຂວງໄດ້ຈັດຕັ້ງ, ສົມທົບກັນຈັດຕັ້ງການເຄື່ອນໄຫວມິດຕະພາບ ຄື: ພົບປະສັງສັນຊາວລາວ-ໄທ ຕົ້ນລະດູບານໃໝ່; ຈັດຕັ້ງບຸນປີໃໝ່ລາວ ຢູ່ແຂວງບ່າເຣ້ຍ-ຫວູງເຕົ່າ; ໜູນຊ່ວຍທຶນການສຶກສາໃຫ້ນັກຮຽນລາວຈຳນວນໜຶ່ງທີ່ຮໍ່າຮຽນຢູ່ແຂວງ...
ທີ່ລາຍການ, ບັນດາຜູ້ແທນໄດ້ພ້ອມກັນແລກປ່ຽນບົດຮຽນກ່ຽວກັບການດຶງດູດການລົງທຶນ, ການພັດທະນາເສດຖະກິດ-ສັງຄົມ, ການທ່ອງທ່ຽວ; ພ້ອມທັງຫວັງວ່າໃນໄລຍະຈະມາເຖິງຈະສືບຕໍ່ຍູ້ແຮງ, ເພີ່ມທະວີນໍ້າໃຈສາມັກຄີ, ມິດຕະພາບລະຫວ່າງສອງປະເທດເວົ້າລວມ, ລະຫວ່າງລາວ ກັບແຂວງບ່າເຣ້ຍ-ຫວູງເຕົ່າ ເວົ້າສະເພາະ.
ບູນມີ
