| HSBC: ສອງກຳລັງຊຸກຍູ້ການເຕີບໂຕສາມາດຊ່ວຍໃຫ້ GDP ຂອງຫວຽດນາມບັນລຸ 6,3% ໃນປີ 2024 | |
| ເລຂາທິການໃຫຍ່ ອາຊຽນ: ຫວຽດນາມ ຮ່ວມແຮງຮ່ວມໃຈປະກອບສ່ວນອັນໃຫຍ່ຫຼວງໃຫ້ແກ່ຜົນງານໃນຕະຫຼອດ 56 ປີຜ່ານມາຂອງ ອາຊຽນ |
ວັນທີ 12 ຕຸລາ, ທີ່ສໍານັກງານກະຊວງປ້ອງກັນປະເທດ ຫວຽດນາມ, ທ່ານພົນໂທ ຮວ່າງຊວນຈ໊ຽນ ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ຕ້ອນຮັບທ່ານພົນຕີ ສາຍໃຈ ກົມມະສິດ ຫົວໜ້າຫ້ອງວ່າການກະຊວງປ້ອງກັນປະເທດລາວ.
 |
| ບັນຍາກາດທີ່ການຕ້ອນຮັບ. ພາບ: ພາບ: qdnd.vn Quang cảnh cuộc tiếp. |
ທ່ານພົນໂທ ຮວ່າງຊວນຈ໊ຽນ ແລະທ່ານພົນຕີ ສາຍໃຈ ກົມມະສິດ ໄດ້ພ້ອມກັນແລກປ່ຽນກ່ຽວກັບການຮ່ວມມືດ້ານປ້ອງກັນຊາດສອງຝ່າຍ ໃນໄລຍະຜ່ານມາ; ຕີລາຄາການຮ່ວມມືດ້ານປ້ອງກັນຊາດສອງຝ່າຍບັນລຸໝາກຜົນທີ່ເປັນໜ້າຮັບຮູ້ໃນທຸກດ້ານ, ສືບຕໍ່ຢັ້ງຢືນບົດບາດແມ່ນໜຶ່ງໃນບັນດາເສົາຄໍ້າສໍາຄັນຂອງການພົວພັນ ຫວຽດນາມ-ລາວ; ເຫັນດີເປັນເອກະພາບຊຸກຍູ້ຂົງເຂດຮ່ວມມືນີ້ໃຫ້ຫຼາຍກວ່າເກົ່າ, ໃນນັ້ນເອົາໃຈໃສ່ເຖິງການສົມທົບກັນຈັດຕັ້ງການພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ-ລາວ-ກໍາປູເຈຍ ຄັ້ງທີໜຶ່ງ ຂັ້ນລັດຖະມົນຕີກະຊວງປ້ອງກັນປະເທດ ເຊິ່ງຄາດວ່າ ຈະດໍາເນີນໃນໄລຍະຈະມາເຖິງຢ່າງສຳເລັດ.
ທ່ານພົນໂທ ຮວ່າງຊວນຈ໊ຽນ ຕີລາຄາສູງໝາກຜົນການເຮັດວຽກຂອງທ່ານພົນຕີ ສາຍໃຈ ກົມມະສິດ ກັບບັນດາອົງການທີ່ກ່ຽວຂ້ອງຂອງຫວຽດນາມ; ສະແດງຄວາມເຊື່ອໝັ້ນວ່າ ຜ່ານການເຮັດວຽກຕ່າງໆ, ຝ່າຍກະຊວງປ້ອງກັນປະເທດລາວ ຈະມີບົດຮຽນຕົວຈິງຕື່ມອີກ ເພື່ອຄົ້ນຄວ້າ, ໝູນໃຊ້ໃຫ້ສອດຄ່ອງກັບການຈັດຕັ້ງເຫດການດ້ານການທະຫານ, ການປ້ອງກັນປະເທດ ອາຊຽນ 2024 ໃຫ້ສຳເລັດຜົນ; ຕີລາຄາສູງຕໍ່ການເປັນເຈົ້າການຂອງກະຊວງປ້ອງກັນປະເທດລາວ ໃນວຽກງານກະກຽມຈັດຕັ້ງເຫດການດ້ານການທະຫານ, ການປ້ອງກັນປະເທດ ອາຊຽນ 2024; ຢັ້ງຢືນວ່າ ກະຊວງປ້ອງກັນປະເທດຫວຽດນາມ ພ້ອມແລ້ວທີ່ຈະໜູນຊ່ວຍກະຊວງປ້ອງກັນປະເທດລາວ ຈັດຕັ້ງເຫດການສໍາຄັນນີ້ໃຫ້ປະສົບຜົນສຳເລັດ.
 |
| ທ່ານພົນໂທ ຮວ່າງຊວນຈ໊ຽນ, ທ່ານພົນຕີ ສາຍໃຈ ກົມມະສິດ ແລະບັນດາຜູ້ແທນທີ່ການພົບປະ. ພາບ: qdnd.vn |
ທ່ານພົນໂທ ຮວ່າງຊວນຈ໊ຽນ ສະແດງຄວາມເຊື່ອໝັ້ນວ່າ ກະຊວງປ້ອງກັນປະເທດລາວ ໃນຖານະເປັນປະທານກອງປະຊຸມລັດຖະມົນຕີປ້ອງກັນປະເທດອາຊຽນ (ADMM) ແລະກອງປະຊຸມລັດຖະມົນຕີປ້ອງກັນປະເທດອາຊຽນ ເປີດກວ້າງ (ADMM+) ໃນປີ 2024 ຈະສືບຕໍ່ປະກອບສ່ວນຮັກສາທ່າພັດທະນາຂອງການຮ່ວມມືດ້ານປ້ອງກັນຊາດ ອາຊຽນ, ຜ່ານນັ້ນປະກອບສ່ວນເຂົ້າໃນການຊຸກຍູ້ການຮ່ວມມືທີ່ແທດຈິງ, ຮັກສາຄວາມສາມັກຄີ, ເປັນເອກະພາບ, ບັນລຸໄດ້ຄວາມເຫັນດີເຫັນພ້ອມສູງໃນການພົວພັນພາຍໃນກຸ່ມ ແລະກັບບັນດາຄູ່ຮ່ວມມືພາຍນອກ.
ບູນມີ
ຂ່າວທີ່ກ່ຽວຂ້ອງ
ວຽກງານຊາວ ຫວຽດນາມ ຢູ່ຕ່າງປະເທດ: ເປີດກວ້າງແຫຼ່ງພະລັງເພື່ອການພັດທະນາ
ສາມັກຄີຮູ້ບຸນຄຸນບັນດາວິລະຊົນນັກຮົບເສຍສະຫຼະຊີວິດເພື່ອຊາດ ຫວຽດນາມ - ລາວ
ທ່ານອາດຈະມັກ
ທ່ານປະທານສະພາແຫ່ງຊາດ ເຈິ່ນແທັງເໝີ້ນ ເດີນທາງໄປຮອດ ໂຣມ, ເລີ່ມຕົ້ນການຢ້ຽມຢາມ ສ.ອີຕາລີ ຢ່າງເປັນທາງການ
ນັກສຶກສາລາວຕ້ອນຮັບບຸນປີໃໝ່ລາວທີ່ມະຫາວິທະຍາໄລສຶກສານະຄອນດານັງ
ໂທລະເລກ, ຈົດໝາຍ ແລະ ສານອວຍພອນບັນດາສະຫາຍການນຳຫຼັກແຫຼ່ງຂອງ ຫວຽດນາມ
ກອງປະຊຸມສຳມະນາ “ການເຄື່ອນໄຫວການທູດປະຊາຊົນທົ່ວໂລກ ແລະ ບົດຮຽນບາງຢ່າງທີ່ໄດ້ຮຽນຮູ້ກັບຫວຽດນາມ”
ປູກຕົ້ນໄມ້ມິດຕະພາບຢູ່ ເກີ່ນເທີ
