| ການພົບປະມິດຕະພາບຊາວໜຸ່ມ ຫວຽດນາມ - ລາວ ໃນປີ 2023 | |
| ສະມາຄົມມິດຕະພາບ ຫວຽດນາມ - ລາວ ນະຄອນ ຮ່າໂນ້ຍ ເສີມຂະຫຍາຍມູນເຊື້ອສາມັກຄີມິດຕະພາບ ຫວຽດນາມ - ລາວ |
ກ່າວຄຳເຫັນທີ່ກອງປະຊຸມ, ທ່ານ ເຈີ່ນວັນຕູຍ, ປະທານສະມາຄົມມິດຕະພາບ ຫວຽດນາມ - ລາວ ໃຫ້ຮູ້ວ່າ: ໄລຍະຜ່ານມາ ໄດ້ເຫັນປະຈັກຕາຫຼາຍເຫດການສຳຄັນຂອງການພົວພັນ ຫວຽດນາມ - ລາວ: 55 ປີ, 60 ປີແຫ່ງວັນສ້າງຕັ້ງການພົວພັນທາງການທູດ; 40 ປີ ແລະ 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື. ປີ 2017 ແລະ 2022 ໄດ້ຮັບການຕີລາຄາວ່າແມ່ນປີນ້ຳໃຈສາມັກຄີ ແລະ ມິດຕະພາບ ຫວຽດນາມ - ລາວ.
 |
| ທ່ານຮອງປະທານສະພາແຫ່ງຊາດ ເຈີ່ນແທັງເມີນ |
ໃນສະພາບການນັ້ນ, ສະມາຄົມມິດຕະພາບ ຫວຽດນາມ - ລາວ ໄດ້ດຳເນີນການເຄື່ອນໄຫວທີ່ຫຼາກຫຼາຍ ແລະ ອຸດົມສົມບູນ, ປະກອບສ່ວນຮັດແໜ້ນ ແລະ ເພີ່ມທະວີການພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດ. ໃນນັ້ນ, ຈຸດພົ້ນເດັ່ນແມ່ນບັນດາການເຄື່ອນໄຫວພົບປະແລກປ່ຽນປະຊາຊົນຢ່າງກວ້າງຂວາງ, ບັນດາການເຄື່ອນໄຫວດ້ວຍຫົວຂໍ້ “ເດີນຕາມຮອຍຜູ້ນຳ”, “ກັບຄືນສູ່ກົກເຄົ້າເຫງົ້າກໍ”, ບັນດາການເຄື່ອນໄຫວມຸ່ງໄປເຖິງລຸ້ນໜຸ່ມຂອງສອງປະເທດ, ປັບປຸງ ແລະ ເປີດກ້ວາງການເຄື່ອນໄຫວຂອງສະມາຄົມ...
ທ່ານກໍ່ຮຽກຮ້ອງໃຫ້ບັນດາຜູ້ແທນ ເຕົ້າໂຮມກຳລັງສະຕິປັນຍາ, ຄົ້ນຄ້ວາ ແລະ ປະກອບຄຳເຫັນໃສ່ບັນດາເອກະສານທີ່ຍື່ນສະເໜີຕໍ່ກອງປະຊຸມ, ເລືອກຕັ້ງຄະນະບໍລິຫານງານດ້ວຍຈຳນວນທີ່ພຽງພໍ ແລະ ມີຄຸນນະພາບດີ ເພື່ອນຳໜ້າວຽກງານຂອງສະມາຄົມໃນໄລຍະຕໍ່ໄປ.
ຕາມທ່ານປະທານສະມາຄົມມິດຕະພາບ ລາວ-ຫວຽດນາມ ບໍ່ວຽງຄຳ ວົງດາລາ ແລ້ວ, ໃນອາຍຸການ 2014-2023, ຄະນະບໍລິຫານງານສະມາຄົມມິດຕະພາບ ຫວຽດນາມ - ລາວ ໄດ້ພັດທະນາສະມາຄົມຢ່າງກວ້າງຂວາງ ໂດຍການເຜີຍແຜ່ມູນເຊື້ອຂອງການພົວພັນມິດຕະພາບ ຫວຽດນາມ - ລາວ, ໂດຍສະເພາະແມ່ນໃຫ້ແກ່ລຸ້ນໜຸ່ມ.
ສະມາຄົມມິດຕະພາບ ຫວຽດນາມ - ລາວ ໄດ້ສົມທົບກັບສະມາຄົມມິດຕະພາບ ລາວ - ຫວຽດນາມ ຈັດຕັ້ງຫຼາຍລາຍການ, ເຄື່ອນໄຫວດ້ວຍຮູບການ ແລະ ຮູບແບບທີ່ຫຼາກຫຼາຍ, ມີເນື້ອໃນທີ່ເລິກເຊິ່ງ, ພິເສດແມ່ນລາຍການງານມະໂຫລານມິດຕະພາບປະຊາຊົນ ຫວຽດນາມ - ລາວ. ຜ່ານບັນດາການເຄື່ອນໄຫວ, 2 ສະມາຄົມໄດ້ເຜີຍແຜ່ ແລະ ສຶກສາໃຫ້ປະຊາຊົນສອງປະເທດໃຫ້ເຂົ້າໃຈຢ່າງຈະແຈ້ງເຖິງສາຍພົວພັນມິດຕະພາບລະຫວ່າງປະຊາຊົນສອງປະເທດອັນບໍລິສຸດຜຸດຜ່ອງ, ຊື່ສັດ ແລະ ຫາຍາກໃນໂລກ.
 |
ທ່ານ ຟານແອງເຊີນ (ຜູ້ທີສອງຈາກຂວາມື), ປະທານສະຫະພັນບັນດາອົງການມິດຕະພາບ ຫວຽດນາມ ໄດ້ມອບທຸງທີ່ລະນຶກໃຫ້ສະມາຄົມມິດຕະພາບ ຫວຽດນາມ - ລາວ. |
ໂດຍໄດ້ຮອງຮັບ ແລະ ຕີລາຄາສູງບັນດາຜົນງານສຳຄັນທີ່ສະມາຄົມມິດຕະພາບ ຫວຽດນາມ - ລາວ ບັນລຸໄດ້ໃນໄລຍະຜ່ານມາ, ທ່ານຮອງປະທານສະພາແຫ່ງຊາດ ເຈີ່ນແທັງເມີນ ຖືວ່າ: ໃນສະພາບການທີ່ສັບສົນຂອງໂລກປະຈຸບັນ, ການທູດປະຊາຊົນແມ່ນໜຶ່ງໃນສາມເສົາຄ້ຳຂອງວຽກງານການຕ່າງປະເທດຂອງຫວຽດນາມ ທີ່ຮອບດ້ານ ແລະ ທັນສະໄໝ, ສະນັ້ນຕ້ອງການເສີມຂະຫຍາຍບົດບາດສຳຄັນໃນການກໍ່ສ້າງ ແລະ ຮັດແໜ້ນພື້ນຖານມິດຕະພາບ ແລະ ພື້ນຖານສັງຄົມ. ພັກ ແລະ ລັດ ຫວຽດນາມ ຍາມໃດກໍ່ຖືເປັນສຳຄັນທີ່ຕັ້ງ ແລະ ບົດບາດຂອງສະມາຄົມມິດຕະພາບ ຫວຽດນາມ - ລາວ ໃນຂະບວນການສ້າງສາ ແລະ ພັດທະນາປະເທດຊາດ.
ທ່ານປະທານສະພາແຫ່ງຊາດ ເຈີ່ນແທັງເມີນ ສະເໜີວ່າ ໃນໄລຍະໃໝ່, ສະມາຄົມຈົ່ງສືບຕໍ່ເຊື່ອມຊຶມ ແລະ ກຳແໜ້ນແນວທາງນະໂຍບາຍການຕ່າງປະເທດ ແລະ ບັນດາຂໍ້ຕົກລົງຂັ້ນສູງຂອງສອງພັກ ແລະ ລັດຫວຽດນາມ - ລາວ, ນຳໃຊ້ຫົວຄິດປະດິດສ້າງຢ່າງມີໄຫວພິບ, ມີຮູບແບບ ແລະ ວິທີການທີ່ເຫມາະສົມ; ຍູ້ແຮງການສຶກສາ ແລະ ໂຄສະນາເຜີຍແຜ່ກ່ຽວກັບສາຍພົວພັນແບບພິເສດ ຫວຽດນາມ - ລາວ ໃຫ້ແກ່ປະຊາຊົນ, ພິເສດແມ່ນລຸ້ນໜຸ່ມຂອງສອງປະເທດ .
ຕາມບົດລາຍງານຂອງສະມາຄົມມິດຕະພາບ ຫວຽດນາມ - ລາວ, ໃນອາຍຸການ 2023-2028, ທຸກຂັ້ນຂອງສະມາຄົມໃນທົ່ວປະເທດ ຈະສຸມໃສ່ຊຸກຍູ້ວຽກງານໂຄສະນາສຶກສາຂອງໝູ່ມະຫາຊົນປະຊາຊົນ, ພິເສດແມ່ນໃຫ້ແກ່ລຸ້ນໜຸ່ມຂອງສອງປະເທດ. ສືບຕໍ່ສ້າງຮູບແບບການປະຕິບັດແບບໃໝ່ທີ່ອຸດົມສົມບູນ, ມີຄວາມຫຼາກຫຼາຍ ແລະ ນັບມື້ນັບແທດຈິງ. ຄົ້ນຄ້ວາຂໍ້ມູນຂ່າວສານ ແລະ ໂຄສະນາເວັບໄຊພາສາລາວຂອງວາລະສານຍຸກສະໄໝ ພາຍໃຕ້ການຊີ້ນຳຂອງສະຫະພັນອົງການມິດຕະພາບຫວຽດນາມ.
ໂດຍຈັດຕັ້ງບັນດາການເຄື່ອນໄຫວສະເຫລີມສະຫລອງວັນບຸນສຳຄັນຂອງລາວ ແລະ ບັນດາເຫດການສຳຄັນໃນການພົວພັນລະຫວ່າງ 2 ປະເທດເປັນຢ່າງດີ, ພິເສດແມ່ນໂອກາດສະເຫຼີມສະຫຼອງ 65 ປີແຫ່ງວັນສ້າງຕັ້ງການພົວພັນທາງການທູດ ແລະ ຄົບຮອບ 50 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ; ຈັດຕັ້ງງານສມະໂຫລານມິດຕະພາບປະຊາຊົນ ຫວຽດນາມ - ລາວ ຄັ້ງທີ 6 ຢູ່ລາວໃນປີ 2027.
ຄຳຮຸ່ງ
