ສືບຕໍ່ເພີ່ມພູນຄູນສ້າງສາຍພົວພັນສອງປະເທດ ຮ່າໂນ້ຍ-ວຽງຈັນ ໃຫ້ນັບມື້ນັບພັດທະນາ

16:29 | 07/10/2023

ສືບຕໍ່ເພີ່ມພູນຄູນສ້າງສາຍພົວພັນສອງປະເທດ ຫວຽດນາມ-ລາວ ໃຫ້ນັບມື້ນັບພັດທະນາ

	ຊຸກຍູ້ການພົວພັນ ຫວຽດນາມ - ຟີລິບປິນ ພັດທະນາຢ່າງແທດຈິງ, ພິເສດແມ່ນໃນຂົງເຂດເສດຖະກິດ - ການຄ້າ ແລະ ການລົງທຶນ
	ການຢ້ຽມຢາມສິງກະໂປ ຂອງ ທ່ານນາຍົກລັດຖະມົນຕີ ຟ້າມມິງຈິງ ສະແດງເຖິງການພົວພັນພິເສດ ລະຫວ່າງ ຫວຽດນາມ-ສິງກະໂປ

ຕອນບ່າຍວັນທີ 5 ຕຸລາ, ສະຫາຍ ຟ້າມກວາງຫງີ້, ອະດີດກຳມະການ ກົມການເມືອງ, ອະດີດເລຂາພັກນະຄອນຮ່າໂນ້ຍ ໄດ້ໃຫ້ການຕ້ອນຮັບສະຫາຍ ອາດສະພັງທອງ ສີພັນດອນ, ເຈົ້າຄອງນະຄອນຫຼວງວຽງຈັນ ນໍາໜ້າ.

ກ່າວຄຳເຫັນທີ່ການຕ້ອນຮັບ, ສະຫາຍ ຟ້າມກວາງຫງີ້ ຢືນຢັນວ່າ: ໃນຊຸມປີຜ່ານມາ, ສາຍພົວພັນລະຫວ່າງນະຄອນຫຼວງຮ່າໂນ້ຍ ແລະນະຄອນຫຼວງວຽງຈັນ ສືບຕໍ່ພັດທະນາຢ່າງຈົບງາມ ແລະການຢ້ຽມຢາມຂອງຄະນະຜູ້ແທນຂັ້ນສູງນະຄອນຫຼວງວຽງຈັນໃນຄັ້ງນີ້ ສະແດງໃຫ້ເຫັນນໍ້າໃຈສາມັກຄີມິດຕະພາບພິເສດນັ້ນ. ພ້ອມທັງເຊື່ອໝັ້ນ ແລະປາດຖະໜາວ່າ ຜ່ານການຢ້ຽມຢາມຄັ້ງນີ້, ສາຍພົວພັນມິດຕະພາບແບບພິເສດ, ສະໜິດຕິດພັນ ລະຫວ່າງສອງປະເທດ ແລະສອງນະຄອນຫຼວງ ຈະສືບຕໍ່ໄດ້ຮັບການເພີ່ມພູນຄູນສ້າງ ແລະນັບມື້ນັບພັດທະນາ.

ສືບຕໍ່ເພີ່ມພູນຄູນສ້າງສາຍພົວພັນສອງປະເທດ ຮ່າໂນ້ຍ-ວຽງຈັນ ໃຫ້ນັບມື້ນັບພັດທະນາ

ບັນດາຜູ້ແທນຖ່າຍຮູບລວມ. ພາບ: hanoimoi.vn

ສ່ວນສະຫາຍ ອາດສະພັງທອງ ສີພັນດອນ ສະແດງຄວາມຂອບໃຈຕໍ່ການຕ້ອນຮັບ ຢ່າງອົບອຸ່ນ, ຈິງໃຈຂອງບັນດາສະຫາຍການນຳອົງຄະນະພັກ, ອຳນາດການປົກຄອງ ນະຄອນຮ່າໂນ້ຍ. ພ້ອມທັງ ຖືວ່າ,ປະຈຸບັນສາຍພົວພັນຮ່ວມມືລະຫວ່າງສອງປະເທດ, ສອງນະຄອນຫຼວງ ພວມສືບທອດ ແລະເຂົ້າສູ່ລວງເລິກ. ຫຼາຍກິດຈະກໍາຮ່ວມມືລະຫວ່າງສອງນະຄອນຫຼວງ, ຄື: ໜູນຊ່ວຍດ້ານພື້ນຖານໂຄງລ່າງໃຫ້ນະຄອນຫຼວງວຽງຈັນ, ມາຮອດປະຈຸບັນໄດ້ເສີມຂະຫຍາຍປະສິດທິຜົນ, ສະແດງໃຫ້ເຫັນ ຄວາມຮັກແພງ, ສາຍພົວພັນຍາວນານ, ຄວາມສະໜິດຕິດພັນ, ການໜູນຊ່ວຍພ້ອມກັນ ພັດທະນາລະຫວ່າງສອງຝ່າຍ.

ສະຫາຍ ຟ້າມກວາງຫງີ້ ຂອບໃຈຂໍ້ສັງເກດ, ການຕີລາຄາ, ຄວາມສະໜິດສະໜົມຂອງສະຫາຍເຈົ້າຄອງນະຄອນຫຼວງວຽງຈັນ ອາດສະພັງທອງ ສີພັນດອນ. ພ້ອມທັງເຊື່ອໝັ້ນວ່າ ການຢ້ຽມຢາມ ແລະເຮັດວຽກຂອງຄະນະຜູ້ແທນຂັ້ນສູງນະຄອນຫຼວງວຽງຈັນ ຄັ້ງນີ້ແມ່ນໂອກາດເພື່ອໃຫ້ສອງນະຄອນຫຼວງ ຫວນຄືນການຮ່ວມມືໃນໄລຍະຜ່ານມາ ແລະຖອດຖອນບົດຮຽນອັນລໍ້າຄ່າໃນຂົງເຂດຮ່ວມມືໄລຍະຈະມາເຖິງ, ຈາກນັ້ນ ຊຸກຍູ້ສາຍພົວພັນຮ່ວມມືໃຫ້ນັບມື້ນັບມີປະສິດທິຜົນ, ສະໜິດຕິດພັນຢ່າງເລິກເຊິ່ງ; ຂຸດຄົ້ນຄວາມສາມາດບົ່ມຊ້ອນ, ທ່າແຮງຂອງສອງນະຄອນຫຼວງ.

ບູນມີ