ທະນາຄານໂລກຄາດຄະເນ GDP ຂອງຫວຽດນາມ ພຽງແຕ່ 4,7% ໃນປີ 2023

07:07 | 03/10/2023

ຍສໝ - ໃນບົດລາຍງານຫຼ້າສຸດ, ທະນາຄານໂລກ (WB) ຄາດຄະເນການເຕີບໂຕ GDP ຂອງຫວຽດນາມ ໃນປີ 2023 ພຽງແຕ່ 4,7%, ຕ່ຳກວ່າຄາດໝາຍທີ່ວາງໄວ້ 6,5%.

	ໃນ 9 ເດືອນຕົ້ນປີ 2023, ການສົ່ງອອກເກີນດຸນຂອງຫວຽດນາມ ບັນລຸເກືອບ 22 ຕື້ USD
	ADB ຄາດຄະເນການເຕີບໂຕເສດຖະກິດຫວຽດນາມໃນປີ 2023 ຈະບັນລຸ 5,8%

ໃນບົດລາຍງານທີ່ໄດ້ປະກາດໃນວັນທີ 2 ຕຸລາ, ທະນາຄານ ໂລກ (WB) ຄາດຄະເນການເຕີບໂຕຂອງ ຫວຽດນາມໃນປີ 2023 ບັນລຸລະດັບ 4,7%. ແລະກໍ່ຕາມ WB ແລ້ວ, ອັດຕາຄວາມທຸກຍາກຄາດວ່າຈະຫຼຸດແຕ່ 3,2% ໃນປີ 2022 ລົງເຫຼືອພຽງ 3%ໃນປີ 2023.

ທະນາຄານໂລກຄາດຄະເນ GDP ຂອງຫວຽດນາມ ພຽງແຕ່ 4,7% ໃນປີ 2023

ຕາມ WB ແລ້ວ, ພື້ນຖານເສດຖະກິດ ຫວຽດນາມ ຕ້ອງປະເຊີນໜ້າກັບບັນດາຄວາມສ່ຽງທີ່ກ່ຽວຂ້ອງເຖິງລະດັບເຕີບໂຕຕ່ຳກ່ວາ ການຄາດຄະເນຢູ່ບັນດາພື້ນຖານເສດຖະກິດພັດທະນາ ແລະ ຈີນ, ຄວາມຕ້ອງການຢູ່ຕ່າງປະເທດສຳລັບ ບັນດາປະເພດສິນຄ້າ ສົ່ງອອກຂອງ ຫວຽດນາມ ຫຼຸດລົງ, ກໍ່ຜົນກະທົບຕໍ່ການເຕີບໂຕ. ພ້ອມກັນນັ້ນ ຄວາມຕ້ອງການຢູ່ພາຍໃນປະເທດກໍ່ຖືກຢຸດສະຫງັກ, ແຕ່ຄາດຄະເນວ່າຍັງສືບຕໍ່ແມ່ນກຳລັງໜູນຫຼັກແກ່ການເຕີບໂຕ.

ໃນໄລຍະຍາວ, ຫວຽດນາມ ມີຄວາມຫວັງຢາຍກາຍເປັນປະເທດມີລາຍຮັບສູງໃນປີ 2045. ເພື່ອບັນລຸໄດ້ເປົ້າໝາຍນີ້, WB ສະເໜີ ໃຫ້ ຫວຽດນາມ ຕ້ອງຍົກສູງສະມັດຕະກາບຜ່ານການປົວແປງຖານການເງິນ, ແກ້ໄຂຂໍ້ຕິດຂັດກ່ຽວກັບລະບອບລະບຽບການລົງທຶນສາທາລະນະ ເພື່ອແນໃສ່ແກ້ໄຂບັນດາຂາດເຂີນດ້ານພື້ນຖານໂຄງລ່າງ.

ຄຳຮຸ່ງ