ໃນວັນທີ 6 ຫາວັນທີ 8 ກັນຍານີ້, ຢູ່ເມືອງປາກຊັນ ແຂວງບໍລິຄຳໄຊ ແລະ ເມືອງທ່າແຂກ ແຂວງຄຳມ່ວນ (ສປປ ລາວ), ກອງບັນຊາການທະຫານປ້ອງກັນປະເທດແຂວງ ຮ່າຕິ້ງ ໄດ້ມີການເຈລະຈາກັບຜູ້ບັນຊາການທະຫານ, ຕຳຫຼວດແຂວງບໍລິຄຳໄຊ ແລະ. ກອງບັນຊາການ ປກສ ແຂວງຄໍາມ່ວນ (ລາວ).
ພັນເອກ ບຸ່ຍຮົ່ງແທ່ງ, ຜູ້ບັນຊາການທະຫານຊາຍແດນແຂວງ ຮ່າຕິ້ງ, ທ່ານພົນໂທ ເຈືອງຈັນ ລາດຊະວົງ, ຫົວໜ້າການເມືອງກອງບັນຊາການທະຫານແຂວງ ບໍລິຄໍາໄຊ, ພັນໂທ ເຄນວອນ ໂລວັນໄຊ, ຮອງຫົວໜ້າກອງບັນຊາການ ປກສ ແຂວງບໍລິຄໍາໄຊ, ພັນໂທ ທິບພະຈັນ ໂພໄຊ, ຫົວໜ້າກົມໃຫຍ່ເສນາທິການ; ກອງບັນຊາການ ປກສ ແຂວງຄໍາມ່ວນ ເປັນປະທານກອງປະຊຸມ.
 |
ກອງບັນຊາການທະຫານຊາຍແດນແຂວງຮ່າຕິ້ງ (ຫວຽດນາມ) ພົບປະເຈລະຈາກັບກອງຊາການທະຫານແຂວງບໍລິຄຳໄຊ ແລະ ກປສ ແຂວງບໍລິຄຳໄຊ. |
ທີ່ການພົບປະເຈລະຈາ, ກອງບັນຊາການທະຫານຊາຍແດນແຂວງຮ່າຕິ້ງ; ກອງບັນຊາການທະຫານແຂວງບໍລິຄໍາໄຊ ແລະ ກປສ ແຂວງບໍລິຄໍາໄຊ; ກປສ ແຂວງຄໍາມ່ວນ ໄດ້ແຈ້ງໃຫ້ກັນຮັບຊາບ, ຕີລາຄາສະພາບການ, ໝາກຜົນການເຄື່ອນໄຫວປະຕິບັດບັນດາເນື້ອໃນທີ່ໄດ້ລົງນາມໃນປີ 2022, ຢືນຢັນວ່າ ການສົມທົບກັນລະຫວ່າງກໍາລັງຕ່າງໆນັບມື້ນັບແໜ້ນແຟ້ນ, ມີປະສິດທິຜົນ, ປະກອບສ່ວນຮັບປະກັນຄວາມສະຫງົບດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມຢູ່ເຂດຊາຍແດນ, ປົກປັກຮັກສາອະທິປະໄຕ, ຄວາມສະຫງົບຢູ່ເຂດຊາຍແດນແຫ່ງຊາດໄວ້ໃຫ້ໝັ້ນຄົງ.
ກອງບັນຊາການທະຫານຊາຍແດນແຂວງຮ່າຕິ້ງ ກັບກອງບັນຊາການທະຫານແຂວງບໍລິຄຳໄຊ ແລະ ປກສ ແຂວງບໍລິຄໍາໄຊ; ກປສ ແຂວງຄຳມ່ວນ ໄດ້ເຫັນດີເປັນເອກະພາບຊຸກຍູ້ວຽກງານໂຄສະນາເຜີຍແຜ່ ແລະຂົນຂວາຍປະຊາຊົນປະຕິບັດຕາມອະນຸສັນຍາກ່ຽວກັບເສັ້ນຊາຍແດນ ແລະຫຼັກໝາຍຊາຍແດນແຫ່ງຊາດ; ສັນຍາວ່າດ້ວຍລະບຽບການຄຸ້ມຄອງຊາຍແດນ ແລະດ່ານຊາຍແດນທາງບົກຢ່າງເຂັ້ມງວດ.
ສົມທົບກັນຈັດຕັ້ງການລາດຕະເວນສອງຝ່າຍ ແລະຝຶກອົບຮົບວຽກງານປ້ອງກັນຊາຍແດນ ໃຫ້ແກ່ທະຫານຊາຍແດນ ຂຶ້ນກັບກອງບັນຊາການທະຫານແຂວງບໍລິຄໍາໄຊ. ພ້ອມກັນນັ້ນ, ເປັນເສນາທິການໃຫ້ຄະນະພັກ, ອຳນາດການປົກຄອງທ້ອງຖິ່ນຂອງແຕ່ລະຝ່າຍ ກ່ຽວກັບການຄຸ້ມຄອງ ແລະປົກປັກຮັກສາຊາຍແດນ, ພັດທະນາເສດຖະກິດ - ວັດທະນະທໍາ - ສັງຄົມຢູ່ເຂດຊາຍແດນ; ສົມທົບກັນກູ້ໄພກູ້ຊີບ, ຮັບມືກັບໄພທຳມະຊາດ ແລະໂລກລະບາດ, ແກ້ໄຂບັນຫາມົນລະພິດສິ່ງແວດລ້ອມທີ່ເກີດຂຶ້ນຢູ່ເຂດຊາຍແດນ...
ຄຳຮຸ່ງ
