| ມອບລາງວັນສື່ມວນຊົນທົ່ວປະເທດຄັ້ງທີ 1 “ເພື່ອພັດທະນາວັດທະນະທຳ, ກິລາ ແລະ ການທ່ອງທ່ຽວ”. | |
| ສັບປະດາວັດທະນະທໍາ ແລະ ການທ່ອງທ່ຽວ ພາກຕາເວັນຕົກສ່ຽງເຫນືອ ຫວຽດນາມ ແລະ ນະຄອນໂຮ່ຈີມິນ ຢູ່ ສປປ.ລາວ |
ຕາມກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວຂອງລາວ ແລ້ວ, ໄທເປັນອັນດັບໜຶ່ງໃນບັນດາປະເທດ ແລະ ເຂດແຄ້ວນທີ່ມີນັກທ່ອງທ່ຽວເຂົ້າມາລາວໃນ 6 ເດືອນຕົ້ນປີນີ້. ສະເພາະ 6 ເດືອນຕົ້ນປີ 2017, ນັກທ່ອງທ່ຽວສາກົນເຂົ້າມາລາວເກືອບ 1,7 ລ້ານເທື່ອຄົນ ໃນນັ້ນ ແມ່ນນັກທ່ອງທ່ຽວໄທເກືອບ 7 ແສນເທື່ອຄົນ, ຮອງລົງມາແມ່ນຫວຽດນາມເກືອບ 4 ແສນເທື່ອຄົນ.
 |
| ຂົວມິດຕະພາບລາວ ແລະ ໄທ ພາບ ; vi.wikipedia.org |
ອຳນາດການປົກຄອງແຂວງເລີຍ ພາກຕາເວັນອອກສ່ຽງເໜືອຂອງໄທ ແລະ ອຳນາດການປົກຄອງແຂວງວຽງຈັນ (ລາວ) ໄດ້ເອກະພາບກັນເຊື່ອມຕໍ່ເສັ້ນບັນດາເສັ້ນທາງທ່ອງທ່ຽວ ແລະ ຊຸກຍູ້ການກໍ່ສ້າງຂົວມິດຕະພາບໄທ - ລາວ ແຫ່ງທີ 2 ຢູ່ເມືອງປາກຈອມ ແຂວງເລີຍ. ສິ່ງນີ້, ກໍ່ຈະຊ່ວຍໃຫ້ນັກທ່ອງທ່ຽວສາກົນທີ່ໄປທ່ຽວຊົມແຫຼ່ງທ່ອງທ່ຽວທີ່ມີຊື່ສຽງຂອງແຂວງເລີຍ ຍັງສາມາດໄປຢ້ຽມຢາມແຫຼ່ງທ່ອງທ່ຽວທີ່ມີຊື່ສຽງຂອງລາວຢູ່ແຂວງວຽງຈັນ ເຊັ່ນ: ເມືອງເຟືອງ ແລະ ວັງວຽງ.
ນອກນັ້ນ, ນັກທ່ອງທ່ຽວສາກົນ ແລະ ປະຊາຊົນລາວ ແລະ ໄທ ຍັງສາມາດໄປທ່ຽວຊົມແຫຼ່ງທ່ອງທ່ຽວທີ່ມີຊື່ສຽງຂອງ 2 ປະເທດດັ່ງກ່າວໄດ້ຢ່າງສະດວກສະບາຍ ຜ່ານຂົວມິດຕະພາບ 6 ແຫ່ງທີ່ຂ້າມຜ່ານແມ່ນ້ຳຂອງ. ຕາມນັ້ນແລ້ວ, ນັກທ່ອງທ່ຽວກໍ່ສາມາດເດີນທາງໄປທ່ອງທ່ຽວບັນດາສະຖານທີ່ທ່ອງທ່ຽວທີ່ມີຊື່ສຽງຢູ່ແຂວງໜອງຄາຍ, ຊຽງຣາຍ, ນະຄອນພະນົມ ຫຼື ມຸກດາຫານຂອງໄທ, ແລ້ວເຄື່ອນຍ້າຍໄປສະຖານທີ່ທ່ອງທ່ຽວທີ່ມີຊື່ສຽງຢູ່ແຂວງຈຳປາສັກ, ສະຫວັນນະເຂດ, ຄຳມ່ວນ, ບໍ່ແກ້ວ ຫຼື ນະຄອນຫຼວງວຽງຈັນຂອງລາວ ແລະ ກົງກັນຂ້າມ.
ດີງເລື້ອງ
