ຕອນ​ຄ່ຳ​ວັນ​ທີ 12 ກັນຍາ, ຢູ່​ມະຫາວິທະຍາ​ໄລ​ກີວລອງ (​ເມືອງ​ລອງ​ໂຮ່, ​ແຂວງ​ວິ້ງ​ລອງ) ​ໄດ້​ຈັດ​ຕັ້ງ​ຮອບຊີງຊະນະເລີດການແຂ່ງເວົ້າພາສາຫວຽດ ສຳລັບຊາວ​ຕ່າງປະ​ເທດ ດ້ວຍ​ຫົວ​ຂໍ້​ວ່າ “ຫວຽດນາມ​ໃນໃຈຂອງຂ້າພະເຈົ້າ”.

​ເນື້ອ​ໃນ​ຍ້ອງຍໍມູນເຊື້ອ, ປະຫວັດສາດ ​ແລະ ວັດທະນະທຳ​ຫວຽດນາມ; ຄວາມຮູ້ສຶກກ່ຽວກັບຊາວຫວຽດນາມ; ຮູ້ສຶກເຖິງທຳມະຊາດ ແລະ ທັດສະນິຍະພາບຂອງຫວຽດນາມ; ປະສົບ​ການ​ຮຽນ​ພາສາ​ຫວຽດ, ຄວາມຊົງຈຳຂອງ​ນັກ​ສຶກສາ​ຕ່າງປະ​ເທດ​ເມື່ອ​ຮຽນ ​ແລະ ດຳລົງ​ຊີວິດ​ຢູ່ ຫວຽດນາມ; ບົດເລື່ອງ​​ທີ່​ມີ​ຄວາມ​ໝາຍ​ກ່ຽວ​ກັບ​ນ້ຳ​ໃຈ​ສາມັກຄີ, ມິດຕະພາບ​ລະຫວ່າງ ຫວຽດນາມ ​ແລະ ປະ​ເທດ​ຂອງ​ບັນດາ​ນັກສຶກສາຕ່າງປະເທດ.

ທີມ Number one ກີວລອງ (ນັກສຶກສາ​ລາວ) ໄດ້​ຮັບ​ລາງວັນ​ທີ​ໜຶ່ງ​ໃນການແຂ່ງເວົ້າພາສາຫວຽດ

ຕາມ​ທ່ານປາລິນຍາເອກ ຫງວຽນ​ແທ່ງ​ຢຸງ, ຮອງອຳນວຍການໂຮງຮຽນມະ​ຫາ​ວິ​ທະ​ຍາ​ໄລ ກີວລອງ ໃຫ້​ຮູ້​ວ່າ ການ​ເເຂ່ງຂັນແມນ່ເພື່ອ​ແນ​ໃສ່​ຊຸກ​ຍູ້​ການ​ເຄື່ອນ​ໄຫວ​ຮຽນ​ຮູ້ ແລະ ຍົກ​ສູງ​ຄຸນ​ນະ​ພາບ​ການບຳລຸງສ້າງ​ໃຫ້ນັກສຶກສາຕ່າງປະເທດ. ຮອບແຂ່ງຂັນທຳອິດ ມີ 6 ທີມ (ແຕ່ລະທີມມີ 3 ຄົນ) ເຊິ່ງເປັນນັກສຶກສາຕ່າງປະເທດທີ່ຮຽນຢູ່ມະຫາວິທະຍາໄລ ກີວລອງ ລົງທະບຽນເຂົ້າຮ່ວມການແຂ່ງຂັນ.

ກ່ອນໜ້ານີ້, ຮອບແຂ່ງຂັນທຳອິດໄດ້ຈັດຂຶ້ນໃນວັນທີ 5 ກັນຍາ, ຄະນະຈັດຕັ້ງໄດ້ຄັດເລືອກ 3 ທີມດີເດັ່ນເພື່ອເຂົ້າສູ່ຮອບສຸດທ້າຍ, ໃນນັ້ນມີ: ທີມຫວຽດນາມທີ່ຮັກແພງ (ນັກສຶກສາລາວ); ທີມ Number one ກີວລອງ (ນັກສຶກສາລາວ) ແລະ ທີມນັກສຶກສາ ກຳປູເຈຍ.

​ໃນ​ຮອບ​ນີ້, ​ແຕ່​ລະ​ທີມ​ຈະບັນລະຍາຍໂດຍກົງເປັນພາສາຫວຽດ​​ ໃນ​ເວລາ 7 ນາທີ; ສົມທົບກັບບັນດາຮູບການປະກອບເພີ່ມເຕີມ; ຫ້າມໃຊ້ເອກະສານທີ່ກຽມໄວ້ (ບໍ່ໃຫ້ອ່ານເອກະສານໃນລະຫວ່າງການແຂ່ງເວົ້າ).

ໃນຕອນທ້າຍຂອງການແຂ່ງຂັນ, ທີມ Number one ກີວລອງ (ນັກສຶກສາລາວ) ດີເລີດ ສາມາດຄວ້າໄດ້ລາງວັນທີ 1 ໃນການແຂ່ງຂັນ. ທິມ Number one ກີວລອງ ຈະ​ເປັນກຽດເປັນຕົວແທນ ໂຮງຮຽນມະ​ຫາ​ວິ​ທະ​ຍາ​ໄລ ກີວ​ລອງ ເຂົ້າ​ຮ່ວມ ການແຂ່ງຂັນຂັ້ນ​ເຂດໃນການແຂ່ງ​ເວົ້າພາສາຫວຽດ ສຳ​ລັບ​ຊາວ​ຕ່າງ​ປະ​ເທດ​ໂດຍ​ກະຊວງສຶກສາທິການ ແລະ ບຳ​ລຸງ​ສ້າງ ຫວຽດນາມ ຈັດຕັ້ງ. ຄາດວ່າຈະຈັດໃນເດືອນຕຸລາ ທີ່ຈະມາເຖິງ.

ດີງເລື້ອງ