ຫວຽດນາມ - ບັງກະລາເທດ ຮ່ວມມືກັນຢ່າງແໜ້ນແຟ້ນກ່ວາອີກເພື່ອພັດທະນາແບບຍືນຍົງ

ທ່ານເອກອັກຄະລັດຖະທູດ ຫງວຽນເຟືອງງາ ອວຍພອນທ່ານເອກອັກຄະລັດຖະທູດ Samina Naz ປະສົບຜົນສຳເລັດດີເລີດໃນເວລາການປະຕິບັດໜ້າທີ່ຢູ່ຫວຽດນາມ; ຕີ​ລາຄາ​ສູງ​ການ​ປະກອບສ່ວນ​ຢ່າງ​ຕັ້ງໜ້າ ​ແລະ ມີ​ປະສິດທິ​ຜົນ​ຂອງ​ທ່ານ​ນາງ Samina Naz ​ໃນ​ການ​ຮັດ​ແໜ້ນ​ສາຍ​ພົວພັນ​ມິດຕະພາບ ​ແລະ ການ​ຮ່ວມ​ມື​ລະຫວ່າງ ຫວຽດນາມ ​ແລະ ບັງ​ກະລາ​ເທດ ​ໃນ​ຫວ່າງ​ມໍ່ໆ​ມາ​ນີ້.

ທ່ານເອກອັກຄະລັດຖະທູດ ຫງວຽນເຟືອງງາ ຕ້ອນຮັບທ່ານເອກອັກຄະລັດຖະທູດ Samina Naz (ພາບ: Thu Ha).

ທ່ານ​ເອກ​ອັກຄະ​ລັດຖະທູດ ຫງວຽນ​ເຟືອງ​ງາ ​ໃຫ້​ຮູ້​ວ່າ: ​ໃນວາລະຂອງ​ທ່ານ​ເອກ​ອັກຄະ​ລັດຖະທູດ Samina Naz, VUFO ໄດ້​ຮັບ​ຄວາມ​ເອົາ​ໃຈ​ໃສ່ ​ແລະ ໜູນ​ຊ່ວຍ​ຈາກ​ສະຖານທູດ ບັງ​ກະລາ​ເດັດ. 2 ຝ່າຍ​ໄດ້​ສົມທົບ​ກັນ​ຢ່າງ​ແໜ້ນ​ແຟ້ນ​ໃນ​ຫຼາຍ​ການ​ເຄື່ອນ​ໄຫວ, ​ເຖິງ​ແມ່ນ​ໃນ​ໄລຍະ​ທີ່​ປະສົບ​ກັບ​ຄວາມ​ຫຍຸ້ງຍາກ​ຂອງ​ພະຍາດ​ໂຄ​ວິດ - 19.

ຕາມ​ທ່ານ​ເອກ​ອັກ​ຄະ​ລັດ​ຖະ​ທູດ ຫງວຽນ​ເຟືອງ​ງາ ແລ້ວ, ບັງ​ກະ​ລາ​ເທດ ແມ່ນ​ຕົວ​ຢ່າງ​ສະ​ເພາະ​ຂອງ​ການ​ຫຼຸດ​ຜ່ອນ​ຄວາມ​ທຸກ​ຍາກ ແລະ ການ​ພັດ​ທະ​ນາ. ມີຫຼາຍວິສາຫະກິດ ແລະອົງການບໍ່ສັງກັດລັດຖະບານຢູ່ຫວຽດນາມ ປາດຖະໜາຢາກກ່າວເຖິງປະສົບການຂອງບັງກະລາເທດໃນໂຄງການສິນເຊື່ອຈຸລະພາກ, ເຮືອນຢູ່ຊົນນະບົດ, ການສຶກສາ.

​ໂດຍ​ຖື​ວ່າ 2 ປະ​ເທດ​ມີ​ຫຼາຍ​ຈຸດ​ຄ້າຍຄື​ກັນ, ທ່ານ​ເອກ​ອັກຄະ​ລັດຖະທູດ ຫງວຽນ​ເຟືອງ​ງາ ​ເຊື່ອ​ໝັ້ນ​ວ່າ ​ໃນ​ໄລຍະ​ຈະ​ມາ​ເຖິງ, ຫວຽດນາມ - ບັງ​ກະລາ​ເທດ, ອາ​ຊຽນ - ບັງ​ກະລາ​ເທດ ຈະ​ສືບ​ຕໍ່​ຮ່ວມ​ມື​ຢ່າງ​ແໜ້ນ​ແຟ້ນ, ມຸ່ງ​ໄປ​ເຖິງ​ການ​ພັດທະນາ​ແບບ​ຍືນ​ຍົງ.

ທີ່​ການ​ຮັບຕ້ອນ, ທ່ານ​ເອກ​ອັກຄະ​ລັດຖະທູດ Samina Naz ​ໄດ້​ແບ່ງປັນ​ກ່ຽວ​ກັບ​ບັນດາ​ການ​ເຄື່ອນ​ໄຫວ​ຂອງ​ສະຖານທູດ ບັງ​ກະລາ​ເທດ ​ໃນ​ຊຸມ​ປີຜ່ານມາ. ຕາມ​ນັ້ນ​ແລ້ວ, ສະຖານທູດ​ບໍ່​ພຽງ​ແຕ່​ມຸ່ງ​ໄປ​ເຖິງ​ບັນດາ​ການ​ເຄື່ອນ​ໄຫວ​ດ້ານ​ການ​ເມືອງ ​ແລະ ການ​ທູດ​ເທົ່າ​ນັ້ນ ຫາກ​ຍັງ​ມານະ​ພະຍາຍາມ​ເຊື່ອມ​ໂຍງ ​ແລະ ຊອກຮູ້ປະຊາຄົມ​ທ້ອງ​ຖິ່ນ​.

ບັນດາຜູ້ແທນໄດ້ຖ່າຍຮູບທີ່ລະນຶກ (ພາບ: Thu Ha).

​ໃນ​ໄລຍະ​ໂລກລະບາດ​ໂຄ​ວິດ-19, ສະຖານທູດ​ໄດ້​ເຂົ້າ​ຮ່ວມ​ບັນດາ​ໂຄງການ​ໜູນ​ຊ່ວຍ​ດ້ານ​ມະນຸດສະທຳ​ຄື: ບໍລິຈາກ​ມອບເລືອດ​ດ້ວຍ​ຄວາມ​ສະໝັກ​ໃຈ, ລຳລຽງ​ອາຫານ ​ແລະ ໜູນ​ຊ່ວຍ​ຄົນສະພາບການ ຫຍຸ້ງຍາກຢູ່ ຫວຽດນາມ. ​ໃນ​ປີ 2021, ບັນດາ​ເຈົ້າ​ໜ້າ​ທີ່ ​ແລະ ພະນັກງານ​ຂອງ​ສະຖານທູດ​ບັງກະລາເທດ ​ໄດ້​ເຂົ້າ​ຮ່ວມ​ການ​ບໍລິຈາກ​ເລືອດ​ເພື່ອ​ຊ່ວຍ​ຊີວິດ 3 ຄັ້ງ. ຜ່ານ​ການ​ບໍລິຈາກ​ເລືອດ, ທ່ານ​ເອກ​ອັກ​ຄະ​ລັດ​ຖະ​ທູດ​ຮູ້​ສຶກໃກ້ຊິດ ແລະ ເຊື່ອມຕໍ່ຫຼາຍກວ່າກັບປະເທດຊາດ, ປະ​ຊາ​ຊົນ​ຫວຽດ​ນາມ.

ສະແດງຄວາມນິຍົມກ່ຽວກັບບັນດາຜົນງານຂອງຫວຽດນາມ , ທ່ານເອກອັກຄະລັດຖະທູດ Samina Naz ຖືວ່າ, ບັງກະລາເທດ ຍາມໃດກໍ່ຖືເປັນສໍາຄັນ ແລະ ຫວັງວ່າທາບທາມໄດ້ຮໍ່າຮຽນຈາກປະສົບການພັດທະນາຂອງຫວຽດນາມ ແລະ ຊຸກຍູ້ການພົວພັນຮ່ວມມືກັບຫວຽດນາມ ໃຫ້ນັບມື້ນັບເຂັ້ມແຂງ. ບັງ​ກະລາ​ເທດ ກໍ່​ພວມ​ຊຸກຍູ້​ການ​ກາຍ​ເປັນ​ຄູ່ຮ່ວມມື​ຕາມຂົງເຂດ​​ຂອງ​ອາ​ຊຽນ ​ແລະ ​ເຂົ້າ​ຮ່ວມ​ບັນດາ​ກົນ​ໄກ​ຮ່ວມ​ມື​ແມ່​ນ້ຳຂອງ. ນີ້​ແມ່ນ​ເວທີ​ປາ​ໄສ​ຊຸກຍູ້​ການ​ພົວພັນ​ຫວຽດນາມ - ບັງ​ກະລາ​ເທດ ​ໃຫ້​ແໜ້ນ​ແຟ້ນກ່ວາ​ອີກ.