| ທະນາຄານໂລກ ຄາດຄະເນວ່າ ໃນປີນີ້ ເສດຖະກິດຫວຽດນາມ ຈະເຕີບໂຕໃນລະດັບ 6,3% | |
| ເສດຖະກິດຫວຽດນາມ ໄດ້ຮັບການຕີລາຄາຢ່າງຕັ້ງໜ້າ ຈາກບັນດານັກຊ່ຽວຊານສາກົນ |
ວິທະຍຸ Sputnik ໄດ້ຄັດສະເໜີບົດວິເຄາະຂອງທ່ານ ສາດສະດາຈານດ້ານເສດຖະກິດ Vladimir Mazyrin, ຜູ້ອຳນວຍການສູນກາງຄົ້ນຄວ້າ ຫວຽດນາມ ແລະ ອາຊຽນ ຂຶ້ນກັບສະຖາບັນສຶກສາຈີນ ແລະ ອາຊຽນ ທັນສະໄໝ, ໄດ້ຕີລາຄາພື້ນຖານເສດຖະກິດຫວຽດນາມ ໃນປີ 2023 ໄດ້ບັນທຶກຕົວເລກສະແດງຢ່າງຕັ້ງໜ້າ, ສະແດງໃຫ້ເຫັນຄວາມສາມາດຮັກສາສະຖຽນລະພາບ ແລະ ພັດທະນາ ໃນສະພາບການຂອງວິກິດການທີ່ທັບຊ້ອນກັນ.
 |
ທ່ານ Vladimir Mazyrin ຕີລາຄາການເຕີບໂຕລວມຍອດຜະລິດຕະພັນພາຍໃນປະເທດ (GDP) ເປັນຜົນສຳເລັດຢ່າງຈະແຈ້ງທີ່ສຸດຂອງຫວຽດນາມ. ອີງຕາມທ່ານ Vladimir Mazyrin, ເຖິງແມ່ນວ່າບໍ່ມີຂໍ້ມູນສຸດທ້າຍ ແລະ ກໍ່ບໍ່ມີຂໍ້ມູນດັ່ງກ່າວໃນບົດລາຍງານສະຖິຕິໃນ 11 ເດືອນທໍາອິດຂອງປີ, ແຕ່ຂໍ້ມູນການເຕີບໂຕຂອງ GDP ໃນ 6 ເດືອນທໍາອິດແມ່ນປະມານ 3%. ບັນດາອົງການຈັດອັນດັບ ແລະ ທະນາຄານໂລກ ຄາດຄະເນການເຕີບໂຕ GDP ຂອງຫວຽດນາມ ໃນປີນີ້ ແລະ ຊຸມປີຕໍ່ໄປ ໄດ້ໃນລະດັບ 6,5-7%.
ທ່ານ Mazyrin ຄາດຄະເນວ່າ ຕົວເລກນີ້ຈະຢູ່ໃນລະດັບ 4-5%, ຖືວ່າ: ການເຕີບໂຕນີ້ກໍ່ແມ່ນຜົນສຳເລັດອັນໃຫຍ່ຫຼວງຂອງເສດຖະກິດຫວຽດນາມ, ໃນສະພາບການແຜ່ລະບາດຂອງ COVID-19 ໄດ້ເຮັດໃຫ້ດັດຊະນີນີ້ຂອງຫຼາຍປະເທດ ລົງໃນແງ່ລົບ.
ນອກຈາກນັ້ນ, ທ່ານສາດສະດາຈານ Mazyrin ກ່າວວ່າ ຂໍ້ມູນການຜະລິດອຸດສາຫະກໍາສໍາລັບ 11 ເດືອນສະແດງໃຫ້ເຫັນສະພາບການດີພໍສົມຄວນ. ຕາມທ່ານ Mazyrin ແລ້ວ, ການເຕີບໂຕດ້ານການຜະລິດອຸດສາຫະກຳໃນ 11 ເດືອນແມ່ນປະມານ 9%, ໃນນັ້ນການຜະລິດໄຟຟ້າເພີ່ມຂຶ້ນ 7,7%, ສະແດງໃຫ້ເຫັນວ່າ, ອຸດສາຫະກຳຍັງແມ່ນຂະແໜງການສຳຄັນຂອງເສດຖະກິດຫວຽດນາມ. ນີ້ແມ່ນຂີດໝາຍສະແດງໃຫ້ເຫັນວ່າ ຫວຽດນາມ ພວມມີຄວາມຄືບໜ້າໃນຈຸດໝາຍກາຍເປັນ “ໂຮງງານຜະລິດຂອງໂລກ”.
ໝາກຜົນຂອງ 11 ເດືອນສະແດງໃຫ້ເຫັນວ່າ ການລົງທຶນໂດຍກົງຂອງຕ່າງປະເທດຢູ່ ຫວຽດນາມ ໄດ້ບັນລຸ 25 ຕື້ USD – ຕ່ຳກວ່າ 5% ທຽບກັບໄລຍະດຽວກັນຂອງປີກາຍ, ແຕ່ສາດສະດາຈານ Mazyrin ຕີລາຄາຕົວເລກນີ້ຍັງຢູ່ໃນລະດັບດີ. ທ່ານ Mazyrin ຕີລາຄາວ່າ ອັດຕາສ່ວນທຶນສອງປະເທດ: ທຶນຈົດທະບຽນ ແລະ ທຶນໃຊ້ແລ້ວ ໃນ 11 ເດືອນມີຄວາມແຕກຕ່າງໜ້ອຍຫຼາຍ, ສະແດງໃຫ້ເຫັນຄວາມດຸ່ນດ່ຽງ ແລະ ປະສິດທິພາບຂອງພື້ນຖານເສດຖະກິດຫວຽດນາມ. ພ້ອມກັນນັ້ນ, ທ່ານ Mazyrin ຍັງໃຫ້ຮູ້ວ່າ, ອັດຕາການດູດທຶນຢູ່ຫວຽດນາມ ໄດ້ຮັບການປັບປຸງຢ່າງຕັ້ງໜ້າ. ໃນ 11 ເດືອນ, ດັດຊະນີນີ້ ໄດ້ເຕີບໂຕ 15% ແລະ ບັນລຸເກືອບ 20 ຕື້ໂດລາ.
ທ່ານສາດສະດາຈານ Mazyrin ໃຫ້ຮູ້ວ່າ: ການຄ້າຕ່າງປະເທດ ແມ່ນຕົວຢ່າງທີ່ພົ້ນເດັ່ນທີ່ສຸດຂອງພື້ນຖານເສດຖະກິດຫວຽດນາມ. ໃນໄລຍະໂລກລະບາດ, ກໍ່ຄືໃນປີ 2022, ການຄ້າຕ່າງປະເທດຫວຽດນາມ ໄດ້ສືບຕໍ່ຂະຫຍາຍຕົວຢ່າງບໍ່ຢຸດຢັ້ງ. ຢູ່ຫວຽດນາມ, ທັງໃນການສົ່ງອອກ ແລະ ການນຳເຂົ້າໄດ້ເພີ່ມຂຶ້ນ, ໃນນັ້ນການສົ່ງອອກໄດ້ເຕີບໂຕໄວກວ່າ. ທ່ານ Mazyring ຄາດຄະເນວ່າ, ຮອດທ້າຍປີ 2022, ທັງການສົ່ງອອກ ແລະ ນຳເຂົ້າຂອງຫວຽດນາມ ຈະບັນລຸປະມານ 400 ຕື້ USD ແລະ ວົງເງິນການຄ້າຈະບັນລຸ 800 ຕື້ USD. ບັນດາອົງການຈັດອັນດັບ ມີພື້ນຖານເພື່ອໃຫ້ຮູ້ວ່າ ດັດຊະນີການຄ້າຕ່າງປະເທດຂອງຫວຽດນາມ ຈະບັນລຸລະດັບ ພັນຕື້ USD ໃນໄລຍະຈະມາເຖິງ. ທ່ານ Mazyrin ໄດ້ເອົາໃຈໃສ່ ໃນຫຼາຍໆປັດໃຈກ່ຽວກັບສະຖານະພາບການຄ້າ ທີ່ສາມາດສົ່ງຜົນກະທົບຕໍ່ຕົວເລກໃນບົດລາຍງານ.
ຄຳຮຸ່ງ
