| ທ່ານນາຍົກລັດຖະມົນຕີ ຟ້າມບິ່ງມິງ ຕ້ອນຮັບຜູ້ອຳນວຍການໃຫຍ່ ສຳນັກຂ່າວສານປະເທດລາວ | |
| ຫວຽດນາມ - ລາວ ຊຸກຍູ້ການພົວພັນຮ່ວມມື ແລະ ຕິດພັນລະຫວ່າງສຳນັກງານຂ່າວສານແຫ່ງຊາດ 2 ປະເທດ |
ທີ່ການຕ້ອນຮັບທ່ານຜູ້ອຳນວຍການໃຫຍ່ສຳນັກຂ່າວສານປະເທດລາວ (KPL) ຄຳເຜີຍ ພິລາພາ ແລະ ຄະນະ KPL ທີ່ມາຢ້ຽມຢາມ ແລະ ເຮັດວຽກຢູ່ ຫວຽດນາມ, ທ່ານນາຍົກລັດຖະມົນຕີ ຟ້າມມິງຈີງ ໄດ້ຕີລາຄາສູງການພົວພັນຮ່ວມມືມິດຕະພາບທີ່ເປັນມູນເຊື້ອ ແລະ ສະໜິດສະໜົມລະຫວ່າງ ສຳນັກຂ່າວສານສອງປະເທດໃນໄລຍະ 50 ປີຜ່ານມາ.
ໂດຍແບ່ງປັນກ່ຽວກັບຄວາມສົນໃຈ ແລະ ຄວາມປະທັບໃຈຂອງຕົນກ່ຽວກັບປະເທດລາວ, ທ່ານນາຍົກລັດຖະມົນຕີ ຟ້າມມິງຈີງ ໄດ້ຢືນຢັນວ່າ ພັກ, ລັດ ແລະ ປະຊາຊົນ ຫວຽດນາມ ຍາມໃດກໍ່ຖືເປັນສຳຄັນ ແລະ ໃຫ້ບູລິມະສິດສູງສຸດການພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ, ມີໜຶ່ງບໍ່ມີສອງ ແລະ ການຮ່ວມມືຮອບດ້ານຫວຽດນາມ - ລາວ; ຖືວ່ານີ້ແມ່ນຊັບສິນອັນລ້ຳຄ່າ, ມີຄວາມສຳຄັນທາງຍຸດທະສາດຕໍ່ພາລະກິດປະຕິວັດຂອງສອງປະເທດ; ຢືນຢັນວ່າ ຫວຽດນາມ ແລະ ລາວ ແມ່ນອ້າຍນ້ອງຮ່ວມສາຍເລືອດດຽວກັນ ແລະ ເປັນເພື່ອນມິດທີ່ໃກ້ຊິດສະໜິດສະໜົມກົມກຽວ.
 |
ທ່ານນາຍົກລັດຖະມົນຕີ ຫວຽດນາມ ຟ້າມມິງຈີງ ຕ້ອນຮັບ ທ່ານຜູ້ອໍານວຍການໃຫຍ່ສໍານັກຂ່າວສານປະເທດລາວ ຄຳເຜີຍ ພິລາພາ |
ໃນສະພາບການຫັນເປັນດິຈິຕອນຢ່າງວ່ອງໄວໃນປະຈຸບັນ, ທ່ານນາຍົກລັດຖະມົນຕີ ໄດ້ສະເໜີໃຫ້ສອງຝ່າຍແລກປ່ຽນ ແລະ ປຶກສາຫາລືກ່ຽວກັບບັນດາມາດຕະການແກ້ໄຂໃຫ້ດີກວ່າເກົ່າ ເພື່ອຕອບສະໜອງຄວາມຮຽກຮ້ອງຕ້ອງການດ້ານຂໍ້ມູນຂ່າວສານຂອງແຕ່ລະປະເທດໃນສະພາບການໃໝ່; ພ້ອມທັງຮັກສາ ແລະ ຊຸກຍູ້ບັນດາການເຄື່ອນໄຫວຮ່ວມມືທີ່ເປັນມູນເຊື້ອ ເຊັ່ນ: ໜັງສືພິມຂ່າວພາບ ພາສາລາວ, ງານວາງສະແດງຮູບພາບ...
ໃນອະນາຄົດອັນໃກ້ໆນີ້, ໃນປີ 2024 ລາວຈະດຳລົງຕຳແໜ່ງປະທານອາຊຽນ, ທັງສອງສຳນັກຂ່າວສານຕ້ອງເພີ່ມທະວີການປະສານງານ ແລະ ໜູນຊ່ວຍກັນເພື່ອໃຫ້ຂໍ້ມູນຂ່າວສານທີ່ດີ ກ່ຽວກັບປີອາຊຽນ ແລະ ການເຄື່ອນໄຫວຂອງອາຊຽນຢູ່ລາວ; ຮຽກຮ້ອງສໍານັກຂ່າວສານຫວຽດນາມ ແລະ KPL ສ້າງແຜນການລະອຽດ, ເປັນເອກະພາບບັນດາເນື້ອໃນການຮ່ວມມື ແລະ ຈັດຕັ້ງປະຕິບັດບັນດາຂໍ້ຕົກລົງຢ່າງມີປະສິດທິຜົນ; ບັນດາບັນຫາທີ່ເກີນຄວາມສາມາດຂອງຕົນ, ໃຫ້ຍື່ນສະເໜີຕໍ່ລັດຖະບານ ແລະ ບັນດາຂັ້ນທີ່ມີສິດອຳນາດ ເພື່ອພິຈາລະນາ ແລະ ແກ້ໄຂ.
ໂດຍສະແດງຄວາມຂອບອົກຂອບໃຈຕໍ່ທ່ານນາຍົກລັດຖະມົນຕີ ຟ້າມມິງຈີງ ທີ່ໄດ້ສະຫລະເວລາມາຕ້ອນຮັບຄະນະ, ທ່ານຜູ້ອຳນວຍການໃຫຍ່ສຳນັກຂ່າວສານປະເທດລາວ ຄຳເຜີຍ ພິລາພາ ໃຫ້ຮູ້ວ່າ: ຈະສືບຕໍ່ສົມທົບກັນຢ່າງແໜ້ນແຟ້ນກັບສຳນັກຂ່າວສານຫວຽດນາມ ໃນການປະຕິບັດໜ້າທີ່ທີ່ໄດ້ມອບໝາຍ ແລະ ຈັດຕັ້ງປະຕິບັດການຮ່ວມມື, ພິເສດແມ່ນບັນດາເນື້ອໃນທີ່ທ່ານນາຍົກລັດຖະມົນຕີ ໄດ້ຊີ້ນໍາ. ໃນນັ້ນ, ກໍ່ຍູ້ແຮງຂໍ້ມູນຂ່າວສານກ່ຽວກັບປະເທດຊາດ, ປະຊາຊົນ, ບັນດາແປນນະໂຍບາຍ, ນະໂຍບາຍ, ໝາກຜົນແຫ່ງການພັດທະນາຂອງແຕ່ລະປະເທດ ແລະ ສາຍພົວພັນມິດຕະພາບແບບພິເສດ ຫວຽດນາມ - ລາວ; ຕໍ່ສູ້ຕ້ານກັບທັດສະນະທີ່ຜິດພາດ ແລະ ເປັນປໍລະປັກຕໍ່ຕ້ານການປະຕິວັດຂອງແຕ່ລະປະເທດ ແລະ ມິດຕະພາບລະຫວ່າງສອງພັກ, ສອງຊາດ ແລະ ປະຊາຊົນສອງປະເທດ.
ຄຳຮຸ່ງ
