| ການທູດປະຊາຊົນຮັບໃຊ້ການພັດທະນາເສດຖະກິດ - ສັງຄົມ | |
| VUFO 2023: ການທູດປະຊາຊົນເອົາໃຈໃສ່ເປັນພິເສດເຖິງການພັດທະນາເສດຖະກິດ ສັງຄົມ |
ທີ່ກອງປະຊຸມ, ທ່ານ ດຣ.ຟານແອງເຊີນ, ຮອງປະທານ, ເລຂາທິການໃຫຍ່ສະຫະພັນບັນດາອົງການມິດຕະພາບຫວຽດນາມ, ປະທານສະຖາບັນສຶກສາສາກົນ ແລະ ການທູດປະຊາຊົນ ໄດ້ແຈ້ງເຜີຍແຜ່ຂໍ້ມູນຂ່າວສານ ກ່ຽວກັບບັນດາບັນຫາໃໝ່ ແລະ ໜ້າສົນໃຈຂອງໂລກ ແລະ ກາລະໂອກາດ ແລະ ສິ່ງທ້າທາຍສຳລັບປະເທດເຮົາໃນຂົງເຂດການທູດ.
 |
ທັດສະນີຍະພາບກອງປະຊຸມ |
ພິເສດແມ່ນເນັ້ນໜັກເຖິງນະໂຍບາຍການຕ່າງປະເທດຕາມມະຕິກອງປະຊຸມໃຫຍ່ຄັ້ງທີ 13 ຂອງພັກ, ປະຕິບັດຢ່າງສະເໝີຕົ້ນສະເໝີປາຍ ນະໂຍບາຍການຕ່າງປະເທດທີ່ເອກະລາດ, ເປັນເຈົ້າຕົນເອງ, ສັນຕິພາບ, ມິດຕະພາບ, ການຮ່ວມມື ແລະ ພັດທະນາ, ຮັດແໜ້ນການພົວພັນຕ່າງປະເທດຫຼາຍຝ່າຍ. ສົມທົບກຳລັງແຮງຂອງປະເທດຊາດ ກັບກຳລັງແຮງຂອງຍຸກສະໄໝ, ເປັນເຈົ້າຕົນເອງ ແລະ ຕັ້ງໜ້າໃນການເຊື່ອມໂຍງເຂົ້າກັບໂລກຢ່າງຮອບດ້ານ ແລະ ເລິກເຊິ່ງ.
ໃນໄລຍະຈະມາເຖິງ, ຕ້ອງສືບຕໍ່ເພີ່ມທະວີການສົມທົບກັນ ລະຫວ່າງບັນດາເສົາຄ້ຳການຕ່າງປະເທດ, ບັນດາກົມ, ກະຊວງ, ສາຂາ, ທ້ອງຖິ່ນ, ສຳນັກງານ, ອົງການຈັດຕັ້ງຕ່າງໆ ເພື່ອສ້າງສາການທູດຢ່າງຮອບດ້ານ ແລະ ທັນສະໄໝ, ເສີມຂະຫຍາຍບົດບາດປະຈັນບານໃນການສ້າງ ແລະ ຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບ, ລະດົມແຫຼ່ງກຳລັງຈາກພາຍນອກ ເພື່ອພັດທະນາປະເທດຊາດ, ຍົກສູງທີ່ຕັ້ງ ແລະ ຄວາມໄວ້ວາງໃຈຂອງປະເທດຊາດ. ປັບປຸງປະສິດທິຜົນການທູດເສດຖະກິດ ເພື່ອການພັດທະນາແບບຍືນຍົງຂອງປະເທດ...
ຄຳຮຸ່ງ
