 |
ງານຄັດເລືອກນາງງາມພາກເໜືອ ເພື່ອເຂົ້າຮ່ວມການປະກວດນາງງາມຫວຽດນາມທົ່ວປະເທດ 2018.
ການຄັດເລືອກນາງງາມຮອບສຸດທ້າຍ ພາກເໜືອ ເພື່ອເຂົ້າຮ່ວມງານ ປະກວດນາງງາມຫວຽດນາມ 2018 ຮອບຊີງຊະນະເລີດ, ໄດ້ດຳເນີນໄປ ຢ່າງຈະຕຸລັດ ບິ່ງມິງ ເມືອງເກື້ອລໍ່, ແຂວງ ເຫງະອານ. ນອກຈາກນ້ອງນາງສາວທີ່ເຂົ້າປະກວດແລ້ວ ໃນງານປະກວດກໍ່ຍັງໄດ້ໂຮມເອົາບັນດານາງງາມປີທີ່ຜ່ານມາ, ນາງແບບ ແລະ ນັກຮ້ອງທີ່ດົ່ງດັງໃນວົງການບັນເທີງຫວຽດນາມເຂົ້າຮ່ວມຢ່າງຄັບຄັ້ງ.
 |
ນ້ອງນາງງາມສະແດງສິນລະປະໃນຊຸດເຄື່ອງຍາວ(ອ໋າວຢ່າຍຫວຽດນາມ).
ຢູ່ໃຈກາງຈຸຕະລັດ ບິ່ງມິງ ອັນກວ້າງຂວາງ ເວທີຕົບແຕ່ງດ້ວຍໂທສີໄມ້ແບບພື້ນບ້ານ ຢ່າງອະລັງການແຕ່ເຂົ້າເຖິງທ່ານຜູ້ຊົມ ກໍ່ຄືຜູ້ເຂົ້າຮ່ວມງານຫຼາຍ. ເພື່ອສ້າງເວທີອັນອະລັງການນີ້ ຜູ້ກຳກັບການສະແດງ ຮວ່າງເຍີ້ດນາມ ຕ້ອງໃຊ້ລະບົບໄຟ led matrix ຍາວກວ່າ 2.000 ແມັດ ເພື່ອຈະສ້າງແສງສີສຽງທີ່ມີຊີວິດຊາວາ ແລະ ດຶງດູດບັນດາທ່ານຜູ້ຊົມ.
 |
ນ້ອງນາງງາມສະແດງສິນລະປະໃນຊຸດເຄື່ອງຍາວ(ອ໋າວຢ່າຍຫວຽດນາມ).
ນອກນີ້ ຜູ້ຈັດ ຮວ່າງເຍີ໋ດນາມ ໄດ້ໃຊ້ໄຊຈັບປາເຊິ່ງເປັນ ອຸປະກອນຂອງຊາວປະມົງທີ່ຄຸ້ນເຄີຍຂອງ ພໍ່ແມ່ປະຊາຊົນພາກເໜືອ ປະກອບເຂົ້າໃນການຕົກແຕ່ງສາກ ຂອງເວທີປະກວດໃນຄັ້ງນີ້ດ້ວຍ. ລາວຈັດວາງໄຊຢ່າງມີສິລະປະ ຄືກັບດອກບົວກຳລັງຈະບານດອກອອກມາຮັບກັບທ້ອງຟ້າອັນກວ້າງໃຫຍ່ ຂອງຈະຕຸລັດ ບິ່ງມິງ.
ຄືນປະກວດຮອບສຸດທ້າຍດຳເນີນໄປການປະຊັນກັນໃນຊຸດ ເຄື່ອງນຸ່ງຍາວ (ອ໋າວຢ່າຍຫວຽດນາມ), ຊຸດລອຍນ້ຳ ແລະ ຊຸດລາຕີ ເພື່ອຄັດເລືອກເອົານາງງາມທີ່ມີຄວາມງາມທີ່ສຸດຂອງງາມເຂົ້າຮ່ວມໃນການປະກວດນາງງາມຮອບຊິງຊະນະເລີດທົ່ວປະເທດ. ດ້ວຍການເດີນແບບທີ່ໝັ້ນໃຈ, ລຽບງ່າຍ, ນາງງາມຜູ້ເຂົ້າປະກວດໄດ້ເຮັດໃຫ້ທ່ານຜູ້ຊົມມີຄວາມພໍໃຈຢ່າງຫຼວງຫຼາຍຕໍ່ກັບຄວາມງາມ, ອັນສົດໃສ ແລະ ມີສະເໜ່ຂອງ ນ້ອງນາງງາມ.
ພາຍຫຼັງປຶກສາຫາລືກັນຫຼາຍຫລົບຫຼາຍຕ່າວ ແລະ ລົງຄະແນນແລ້ວ ຄະນະກຳມະການປະກວດ ໄດ້ຄັດເລືອກເອົາ ນ້ອງນາງງາມ 25ຄົນເຂົ້າຮອບເພື່ອໄປປະກວດໃນຮອບຊີງຊະນະເລີດທົ່ວປະເທດຕໍ່ໄປ.
 |
 |
 |
 |
 |
 |
 |
 |
 |
 |
 |
（ຫັດທະບູນ）
