| ນາຍົກລັດຖະມົນຕີລາວ ຮຽກຮ້ອງປະຊາຄົມຮ່ວມແຮງຮ່ວມໃຈໃນການຕ້ານຢາເສບຕິດ | |
| ໜູນຊ່ວຍຍົກສູງປະສິດທິຜົນວຽກງານບຳບັດຜູ້ຕິດຢາເສບຕິດ ໃຫ້ແກ່ປະເທດລາວ |
ເພື່ອແກ້ໄຂບັນຫາດັ່ງກ່າວ, ລັດຖະບານລາວ ໄດ້ເພີ່ມທະວີມາດຕະການສະກັດກັ້ນ ແລະ ລົບລ້າງອາດຊະຍາກຳປະເພດນີ້. ທີ່ກອງປະຊຸມສະໄໝເທື່ອທີ 5, ສະພາແຫ່ງຊາດລາວ ຊຸດທີ IX ທີ່ນະຄອນຫຼວງວຽງຈັນ, ທ່ານພົນເອກ ວິໄລ ຫຼ້າຄຳຟອງ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມວະຫງົບລາວ ໄດ້ລາຍງານຄວາມຄືບໜ້າຂອງການປະຕິບັດໂຄງການແຫ່ງຊາດ ກ່ຽວກັບການແກ້ໄຂບັນຫາຢາເສບຕິດ.
ທ່ານພົນເອກ ວິໄລ ຫຼ້າຄຳຟອງ ເນັ້ນໜັກວ່າ: “ຕ້ອງຊຸກຍູ້ການໂຄສະນາເຜີຍແຜ່ ເພື່ອສ້າງຈິດສຳນຶກໃຫ້ທົ່ວສັງຄົມ; ເອົາໃຈໃສ່ຢ່າງຕັ້ງໜ້າໃນການປິ່ນປົວ, ຟື້ນຟູສຸຂະພາບ, ການສ້າງວຽກເຮັດງານທຳໃຫ້ຜູ້ປະສົບເຄາະຮ້າຍທີ່ຕິດພັນກັບຢາເສບຕິດ ເພື່ອໃຫ້ການປ້ອງກັນ ແລະ ສະກັດກັ້ນຢາເສບຕິດມີປະສິດທິຜົນທີ່ສຸດ.
 |
ຕາມສະຖິຕິຂອງຕຳຫຼວດ 10 ແຂວງຊາຍແດນຫວຽດນາມ - ລາວແລ້ວ, ໃນປີ 2022, ຕຳຫຼວດ 10 ແຂວງລຽບຕາມຊາຍແດນຫວຽດນາມ - ລາວ ໄດ້ກວດພົບ ຄະດີຢາເສບຕິດ 5.338 ຄະດີ, ຈັັບອາດຊະຍາກຳຢາເສບຕິດ 7.397 ເປົ້າໝາຍ, ຍຶດເຮໂຣອິນ 291,65 ກິໂລ, ຢາຝິ່ນ 2,728 ກິໂລ,... ໃນ 6 ເດືອນຕົ້ນປີ 2023, ອົງການທີ່ມີໜ້າທີ່ຂອງຫວຽດນາມ ສືບຕໍ່ຈັບກຸມຄົນທີ່ຂົນສົ່ງຢາເສບຕິດເຂົ້າຫວຽດນາມ.
ບົນພື້ນຖານນັ້ນ, ຕຳຫຼວດແຂວງຊາຍແດນຕິດກັບລາວ ໄດ້ສ້າງແຜນການຕໍ່ສູ້ກັບແຕ່ລະເສັ້ນທາງ ແລະ ເຂດຈຸດສຸມກ່ຽວກັບຢາເສບຕິດ; ເພີ່ມທະວີການສົມທົບກັນຂອງບັນດາກຳລັງປະຕິບັດໜ້າທີ່ຂອງຫວຽດນາມ ໃນການລາດຕະເວນ ແລະ ຄວບຄຸມບັນດາເສັ້ນທາງ ແລະ ບັນດາເຂດຈຸດສຸມເຂດຊາຍແດນລະຫວ່າງ 2 ປະເທດ ເພື່ອຊອກຫາ ແລະ ຈັບກຸມຜູ້ກໍ່ການຮ້າຍຢາເສບຕິດ.
ພ້ອມກັນນັ້ນ, ກໍ່ເພີ່ມທະວີການແລກປ່ຽນຄະນະຜູ້ແທນ, ຝຶກອົບຮົມ ແລະ ຍົກສູງຄວາມສາມາດ; ແລກປ່ຽນຂໍ້ມູນຂ່າວສານດ້ານວິຊາສະເພາະກັບກຳລັງເຈົ້າໜ້າທີ່ຂອງປະເທດລາວ, ຕິດຕັ້ງລະບົບສາຍສື່ສານ 4 ຂັ້ນ ແລະ ຫ້ອງການຕິດຕໍ່ພົວພັນຂ້າມຊາຍແດນ (BLO). ຈາກນັ້ນ, ກໍ່ສ້າງຕັ້ງບັນດາໂຄງການຕໍ່ສູ້ລວມ ລະຫວ່າງ ຫວຽດນາມ ແລະ ລາວ ເພື່ອສະກັດກັ້ນບັນດາອາດຊະຍາກຳຢາເສບຕິດຂ້າມຊາດລະຫວ່າງ 2 ປະເທດ.
ຄຳຮຸ່ງ
