| ເສີມຂະຫຍາຍຄຸນຄ່າຂອງນາມມະຍົດ UNESCO ເພື່ອຮັບໃຊ້ການພັດທະນາແບບຍືນຍົງຢູ່ຫວຽດນາມ | |
| ດົງທາບ: ເຊີດຊູເປັນນະຄອນແຫ່ງການຮ່ຳຮຽນທົ່ວໂລກຂອງ UNESCO |
ທີ່ກອງປະຊຸມ, ດ້ວຍຈິດໃຈຄວາມຮັບຜິດຊອບ ແລະ ຄວາມສາມັກຄີ, ບັນດາຜູ້ແທນທັງພາຍໃນ ແລະ ຕ່າງປະເທດ, ນັກຄົ້ນຄ້ວາວິທະຍາສາດ ແລະ ບັນດາຜູ້ຄຸ້ມຄອງ ໄດ້ແບ່ງປັນ ແລະ ເຮັດແຈ້ງຫຼາຍບັນຫາທີ່ໄດ້ວາງອອກໃນວຽກງານການຄຸ້ມຄອງ, ອະນຸລັກຮັກສາ ແລະ ເສີມຂະຫຍາຍຄຸນຄ່າບັຍດານາມມະຍົດ UNESCO ເພື່ອຮັບໃຊ້ໃຫ້ແກ່ການພັດທະນາແບບຍືນຍົງຢູ່ຫວຽດນາມ.
ມີຫຼາຍກ່ວາ 20 ບົດປຶກສາຫາລືແບບເຊິ່ງໜ້າ ແລະ ອອນລາຍ ຢູ່ກອງປະຊຸມ ພ້ອມກັບການແລກປ່ຽນຄຳຄິດຄຳເຫັນຫຼາຍຢ່າງ ຈາກບັນດາຜູ້ແທນ ໄດ້ສຸມໃສ່ຊີ້ແຈ້ງ 3 ຫົວຂໍ້ສຳຄັນ, ຄື: ຕົວຈິງຂອງການປະຕິບັດ ແລະ ເສີມຂະຫຍາຍບັນດານາມມະຍົດຂອງ UNESCO ເພື່ອການພັດທະນາແບບຍືນຍົງຢູ່ ຫວຽດນາມ; ບົດຮຽນປະສົບການສາກົນ ແລະ ມາດຕະການເພື່ອລະດົມແຫຼ່ງກຳລັງໃນການອະນຸລັກຮັກສາ ແລະ ເສີມຂະຫຍາຍຄຸນຄ່າຂອງນາມມະຍົດ UNESCO ເພື່ອການພັດທະນາແບບຍືນຍົງ; ມາດຕະການການແກ້ໄຂເພື່ອລະດົມແຫຼ່ງກຳລັງໃນການປົກປັກຮັກສາ ແລະ ຍົກສູງຄຸນຄ່ານາມມະຍົດ UNESCO ຮັບໃຊ້ການພັດທະນາແບບຍືນຍົງ.
 |
ບັນດາຄຳເຫັນທີ່ໄດ້ຮັບການແລກປ່ຽນ ແລະ ແບ່ງປັນຢູ່ກອງປະຊຸມຄັ້ງນີ້ ກໍ່ແມ່ນພື້ນຖານເພື່ອໃຫ້ບັນດາປະເທດສະມາຊິກ UNESCO ສືບຕໍ່ຮ່ຳຮຽນ ແລະ ນຳໃຊ້ ເພື່ອຖ່າຍທອດມໍລະດົກໃຫ້ຄົນລຸ້ນຫຼັງ ຕາມຈິດໃຈຂອງສົນທິສັນຍາມໍລະດົກໂລກ ກ່ຽວກັບການພັດທະນາການທ່ອງທ່ຽວມຸ່ງໄປເຖິງການເຕີບໂຕສີຂຽວ, ຮັບປະກັນຄວາມກົມກຽວລະຫວ່າງການອະນຸລັກ ແລະ ການພັດທະນາ, ເພື່ອໃຫ້ມໍລະດົກກາຍເປັນຊັບສິນຂອງປະຊາຄົມຢ່າງແທ້ຈິງ, ໄດ້ຮັບການປົກປ້ອງຈາກປະຊາຄົມ ແລະ ເພື່ອປະຊາຄົມ.
ຄຳຮຸ່ງ
