ຫວ່າງແລ້ວນີ້, ຢູ່ສະໜາມຫຼວງ ວັນ ມ໊ຽວ (ຕາແສງ 1, ນະຄອນກາວແລັງ) ໄດ້ດຳເນີນພິທີເຊີດຊູນະຄອນກາວແລັງ, ແຂວງ ດົ່ງທາບ ໄດ້ຈົດຊື່ໃນເຄືອຂ່າຍນະຄອນແຫ່ງການຮ່ຳຮຽນທົ່ວໂລກ ຂອງອົງການການສຶກສາ, ວິທະຍາສາດ ແລະ ວັດທະນະທໍາ ສະຫະປະຊາຊາດ(UNESCO).
| |
| ດົງທາບ: ເຊີດຊູເປັນນະຄອນແຫ່ງການຮ່ຳຮຽນທົ່ວໂລກຂອງ UNESCO |
ຕາມທ່ານນາງ Miki Nozawa, ຫົວໜ້າພະແນກສຶກສາ (ຫ້ອງການ UNESCO ປະຈຳ ຮ່າໂນ້ຍ) ແລ້ວ, ນະຄອນກາວແລັງ ມີຄຳໝັ້ນສັນຍາຢ່າງເຂັ້ມແຂງ ໃນການຮ່ຳຮຽນຕະຫຼອດຊີວິດ; ມີບັນດາຍຸດທະສາດ ແລະ ແຜນການ ເພື່ອແນໃສ່ສົ່ງເສີມການຮ່ຳຮຽນຕະຫຼອດຊີວິດໃນຊຸມຊົນທ້ອງຖິ່ນ; ນະຄອນ ຍິນດີແບ່ງປັນປະສົບການ ແລະ ຂໍ້ລິເລີ່ມໃນການສົ່ງເສີມການຮ່ຳຮຽນຕະຫຼອດຊີວິດ, ໂດຍສະເພາະແມ່ນການຊຸກຍູ້ຄວາມລື້ງເຄີຍໃນການອ່ານຂອງຊາວເມືອງ. ນັ້ນແມ່ນເຫດຜົນສຳຄັນທີ່ເຮັດໃຫ້ນະຄອນກາວແລັງ ໄດ້ຈົດຊື່ໃນເຄືອຂ່າຍນະຄອນແຫ່ງການຮ່ຳຮຽນທົ່ວໂລກຂອງ UNESCO.
ກ່ອນໜ້ານີ້, ວັນທີ 2 ກັນຍາ 2022, ນະຄອນກາວແລັງ ໄດ້ກາຍເປັນໜຶ່ງໃນ 77 ນະຄອນຈາກ 44 ປະເທດທີ່ເຂົ້າຮ່ວມເຄືອຂ່າຍນະຄອນແຫ່ງການຮ່ຳຮຽນທົ່ວໂລກຂອງ UNESCO, ນຳຈຳນວນນະຄອນໃນລະບົບນີ້ຂອງ UNESCO ເຂົ້າເປັນສະມາຊິກເຖິວ 294 ນະຄອນໃນ 76 ປະເທດ. ນະຄອນກາວແລັງ ແມ່ນສະມາຊິກທີ 5 ຂອງຫວຽດນາມ ແລະ ທີ 2 ຂອງແຂວງ ດົ່ງທາບ (ຖັດຈາກນະຄອນສາແດ໋ກ) ທີ່ໄດ້ເຂົ້າຮ່ວມເຄືອຂ່າຍນະຄອນແຫ່ງການຮ່ຳຮຽນທົ່ວໂລກ.
 |
| ຖະໜົນປື້ມອ່ານ ຢູ່ເມືອງກາວແລັງ (ດົງທາບ). |
ຄຳຮຸ່ງ
