 |
ນັກທ່ອງທ່ຽວໄປຢ້ຽມຢາມສະຖານທີ່ທັດສະນີຍະພາບ ຈ່າງອານ, ນິງບິ່ງ. |
ກອງປະຊຸມໂດຍຄະນະກຳມະການແຫ່ງຊາດຫວຽດນາມ ກ່ຽວກັບ UNESCO ແລະ ຄະນະກຳມະການປະຊາຊົນແຂວງ ນິງບິ່ງ ຈັດຕັ້ງເພື່ອສະຫຼຸບ ແລະ ຕີລາຄາຕົວຈິງການອະນຸລັກ ແລະ ເສີມຂະຫຍາຍ ນາມມະຍົດ UNESCO ເພື່ອຮັບໃຊ້ການພັດທະນາແບບຍືນຍົງຢູ່ຫວຽດນາມ; ແບ່ງປັນ ແລະ ປຶກສາຫາລືປະສົບການສາກົນກ່ຽວກັບການອະນຸລັກ ແລະ ສົ່ງເສີມນາມມະຍົດ UNESCO ເພື່ອການພັດທະນາແບບຍືນຍົງ; ສະເໜີວິທີແກ້ໄຂເພື່ອລະດົມແຫຼ່ງກຳລັງ ແລະ ການເຂົ້າຮ່ວມຂອງປະຊາຊົນ; ຍົກອອກບັນດາຂໍ້ສະເໜີແນະໃນການການອະນຸລັກ ແລະ ເສີມຂະຫຍາຍນາມມະຍົດ UNESCO ເພື່ອຮັບໃຊ້ການພັດທະນາແບບຍືນຍົງຢູ່ຫວຽດນາມ.
ກອງປະຊຸມມີການເຂົ້າຮ່ວມຂອງການນຳພັກ ແລະ ລັດ, ການນຳອົງການຈັດຕັ້ງ UNESCO; ການນຳຂອງຄະນະກຳມະການແຫ່ງຊາດ UNESCO ຂອງປະເທດສະມາຊິກໃນຂົງເຂດອາຊີ-ປາຊີຟິກ, ການນຳບັນດາກະຊວງ, ຂະແໜງການ, ແຂວງ, ນະຄອນ ແລະ ທ້ອງຖິ່ນທີ່ໄດ້ຮັບນາມມະຍົດຈາກ UNESCO ຈຳນວນໜຶ່ງ, ພ້ອມດ້ວຍຜູ້ແທນ 200 ຄົນທີ່ເປັນນັກຊ່ຽວຊານ ແລະ ນັກຮຽນຮູ້ຢູ່ພາຍໃນ ແລະ ສາກົນ.
ກອງປະຊຸມໄດ້ຢືນຢັນທີ່ຕັ້ງຂອງຫວຽດນາມໃນພາກພື້ນ ແລະ ໃນໂລກ ເຊິ່ງເປັນປະເທດທີ່ມີຄວາມສາມາດບົ່ມຊ້ອນ ແລະ ກາລະໂອກາດພັດທະນາແບບຍືນຍົງຫຼາຍຢ່າງ, ຍົກສູງຄຸນນະພາບຊີວິດ, ຕອບສະໜອງຄວາມຕ້ອງການຂອງສັງຄົມ, ຮັບປະກັນການປົກປັກຮັກສາ ແລະ ເສີມຂະຫຍາຍບັນດາມໍລະດົກວັດທະນະທຳ-ທຳມະຊາດ ແລະ ຄຸນຄ່າດັ້ງເດີມສໍາລັບການພັດທະນາແບບຍືນຍົງ.
ການຈັດຕັ້ງກອງປະຊຸມຍັງປະກອບສ່ວນໂຄສະນາ ແລະ ແນະນຳກ່ຽວກັບຄວາມສາມາດບົ່ມຊ້ອນ, ມໍລະດົກວັດທະນະທຳ ແລະ ທຳມະຊາດຂອງແຂວງ ນິງບິ່ງ; ຍົກສູງຄວາມຮັບຮູ້ ແລະ ຄວາມຮັບຜິດຊອບຂອງປະຊາຄົມ, ຊຸກຍູ້ການອະນຸລັກຮັກສາມໍລະດົກວັດທະນະທຳ ເເລະ ທຳມະຊາດຂອງຫວຽດນາມ ເວົ້າສະເພາະ ແລະ ທົ່ວໂລກ ເວົ້າລວມ.
ດີງເລື້ອງ
