| ຫວຽດນາມ - ສ.ເກົາຫຼີ :ເພີ່ມທະວີການຮ່ວມມືສອງຝ່າຍ, ໂດຍສະເພາະແມ່ນໃນການຮ່ວມມືດ້ານເສດຖະກິດ | |
| ນັກທ່ອງທ່ຽວຫວຽດນາມ - ສ.ເກົາຫຼີ ສາມາດເດີນທາງໂດຍບໍ່ຕ້ອງໃຊ້ເງິນສົດ |
ຕອນບ່າຍວັນທີ 23 ມິຖຸນາ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ພົບປະກັບທ່ານປະທານາທິບໍດີ ສ.ເກົາຫຼີ Yoon Suk Yeol ພວມມີການຢ້ຽມຢາມທາງລັດຖະກິດ ຫວຽດນາມໃນລະຫວ່າງວັນທີ 22 – 24 ມິຖຸນາ ປີ 2023.
 |
ວົງເງິນການຄ້າຫວຽດນາມ - ສເກົາຫຼີ ມຸ່ງໄປເຖິງຕັ້ງບັນລຸເປົ້າໝາຍ 150 ຕື້ USD ໃນປີ 2030 |
ທີ່ການພົບປະ, ຕາງໜ້າລັດຖະບານ ແລະ ປະຊາຊົນຫວຽດນາມ, ທ່ານນາຍົກລັດຖະມົນຕີ ຟ້າມມິງຈິງ ໄດ້ໃຫ້ການຕ້ອນຮັບທ່ານປະທານາທິບໍດີ Yoon Suk Yeol ແລະ ຄະນະຜູ້ແທນຂັ້ນສູງລັດຖະບານ ສ.ເກົາຫຼີ ມາຢ້ຽມຢາມ ຫວຽດນາມ; ການຢ້ຽມຢາມມີຄວາມໝາຍສຳຄັນ, ດຳເນີນໃນປີທຳອິດຂອງການປະຕິບັດການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ 2 ປະເທດ, ສະແດງໃຫ້ເຫັນຄວາມເຄົາລົບນັບຖືຢ່າງສູງຂອງລັດຖະບານ ສ.ເກົາຫຼີ ແລະ ທ່ານປະທານາທິບໍດີເປັນສ່ວນຕົວ ຕໍ່ການພົວພັນລະຫວ່າງຫວຽດນາມ - ສ.ເກົາຫຼີ. ; ຫວຽດນາມ ຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນການພົວພັນກັບ ສ.ເກົາຫຼີ ແລະ ປາດຖະໜາຢາກຮ່ວມມືກັບ ສ.ເກົາຫຼີ ພັດທະນາຂອບການພົວພັນລະຫວ່າງ 2 ປະເທດ ຢ່າງມີວິໄສທັດຍາວນານ ແລະ ເປົ້າໝາຍສູງກວ່າ.
ທ່ານນາຍົກລັດຖະມົນຕີ ຟ້າມມິງຈິງ ໄດ້ສະເໜີສອງຝ່າຍຜັນຂະຫຍາຍບັນດາສັນຍາການຄ້າເສລີສອງຝ່າຍ, ສັນຍາຄູ່ຮ່ວມມືເສດຖະກິດຮອບດ້ານໃນພາກພື້ນ (RCEP) ຢ່າງມີປະສິດທິຜົນ, ຜ່ານນັ້ນປະຕິບັດສຳເລັດເປົ້າໝາຍນຳວົງເງິນການຄ້າສອງຝ່າຍຂຶ້ນເປັນ 100 ຕື້ USD ໂດຍໄວ ແລະ ມຸ່ງໄປເຖິງເປົ້າໝາຍ 150 ຕື້ USD ໃນປີ 2030 ຕາມທິດສົມດຸນ, ຍືນຍົງ.
ສ່ວນທ່ານປະທານາທິບໍດີ ສ.ເກົາຫຼີ Yoon Suk Yeol ເນັ້ນໜັກວ່າ ລັດຖະບານ ສ.ເກົາຫຼີ ຖືການພົວພັນ ສ.ເກົາຫຼີ - ຫວຽດນາມ ເປັນສຳຄັນທີ່ສຸດ, ຖືຫວຽດນາມ ແມ່ນຄູ່ຮ່ວມມືຈຸດສຸມຂອງສ.ເກົາຫຼີຢູ່ພາກພື້ນ ອາຊີຕາເວັນອອກສ່ຽງໃຕ້. ທ່ານປະທານາທິບໍດີ Yoon Suk Yeol ຢັ້ງຢືນວ່າ ລັດຖະບານ ສ.ເກົາຫຼີ ຈະສືບຕໍ່ສົ່ງເສີມ, ສ້າງເງື່ອນໄຂໃຫ້ແກ່ວິສາຫະກິດ ສ.ເກົາຫຼີມາລົງທຶນຢູ່ ຫວຽດນາມ, ທ່ານສະເໜີໃຫ້ສອງຝ່າຍເພີ່ມທະວີການຮ່ວມມືໃນຂົງເຂດອຸດສາຫະກຳ ປ້ອງກັນຊາດ.
ຄຳຮຸ່ງ
