ຄະນະຜູ້ແທນຂັ້ນສູງຂອງກອງທັບປະຊາຊົນຫວຽດນາມ ໂດຍ ທ່ານພົນໂທ ຫງວຽນເຕີນເກື່ອງ ກຳມະການສູນກາງພັກ, ກຳມະການປະຈຳຄະນະພັກທະຫານສູນກາງ, ຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ນຳໜ້າ ແລະ ເຂົ້າຮ່ວມກອງປະຊຸມ.
ກ່າວຄຳປາໄສທີ່ກອງປະຊຸມ ທ່ານພົນໂທ ຫງວຽນເຕີນເກື່ອງ ເນັ້ນໜັກວ່າ ໂດຍເປັນສະມາຊິກທີ່ມີຄວາມຮັບຜິດຊອບຂອງປະຊາຄົມສາກົນ ແລະ ASEAN, ກອງທັບປະຊາຊົນຫວຽດນາມໄດ້, ພວມ ແລະ ຈະສືບຕໍ່ເຂົ້າຮ່ວມບັນດາການເຄື່ອນໄຫວຮ່ວມມືດ້ານກອງທັບຂອງບັນດາປະເທດ ASEAN ຢ່າງມີຄວາມຮັບຜິດຊອບ.
 |
|
|
ທ່ານພົນໂທ ຫງວຽນເຕີນເກື່ອງ ຮຽກຮ້ອງບັນດາປະເທດທີ່ກ່ຽວຂ້ອງສືບຕໍ່ເນັ້ນໜັກເຖິງຄຳໝັ້ນສັນຍາຮັກສາສັນຕິພາບ, ຄວາມໝັ້ນຄົງ, ສະຖຽນລະພາບ, ຄວາມປອດໄພ, ຄວາມເສລີໃນການເດີນທະເລ ແລະ ການບິນຢູ່ທະເລຕາເວັນອອກ; ພ້ອມກັນນັ້ນ ກໍ່ເພີ່ມທະວີຄວາມໄວ້ເນື້ອເຊື່ອໃຈ, ປະຕິບັດຖະແຫຼງການກ່ຽກັບການປະພຶດຂອງບັນດາຝ່າຍຢູ່ທະເລຕາເວັນອອກຢ່າງຄົບຖ້ວນ ແລະ ມີປະສິດທິຜົນ (DOC), ສິ້ນສຸດການເຈລະຈາໂດຍໄວ ແລະ ລົງນາມໃນກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ທີ່ແທດຈິງ, ປະສິດທິຜົນ, ສອດຄ່ອງກັບກົດຫມາຍສາກົນ. ສິ່ງດັ່ງກ່າວຈະຢືນຢັນບັນດາຄຳໝັ້ນສັນຍາ ແລະ ຄວາມຮັບຜິດຊອບຂອງກຳລັງປ້ອງກັນຊາດເພື່ອສັນຕິພາບ, ຄວາມວັດທະນາຖາວອນ ແລະ ຄວາມໝັ້ນຄົງຂອງພາກພື້ນ.
ໃນໂອກາດນີ້, ທ່ານພົນໂທ ຫງວຽນເຕີນເກື່ອງ ເຊີນບັນດາປະເທດເຂົ້າຮ່ວມບັນດາການເຄື່ອນໄຫວສຳຄັນກ່ຽວກັບການຮ່ວມມືດ້ານການທະຫານ - ການປ້ອງກັນຊາດ ໃນປີ 2023 ໂດຍຫວຽດນາມ ເປັນເຈົ້າພາບຄື: ກອງປະຊຸມປະຈໍາປີເຄືອຂ່າຍສູນຮັກສາສັນຕິພາບ ASEAN ຄັ້ງທີ 8; ການແຂ່ງຂັນບານສົ່ງການທະຫານຂອງບັນດາປະເທດ ASEAN ແລະ ຮ່ວມກັບຍີ່ປຸ່ນ ເປັນປະທານຈັດຕັ້ງການເຄື່ອນໄຫວທ້າຍຮອບວຽນຂອງກຸ່ມຊ່ຽວຊານ ADMM+ ກ່ຽວກັບການຮັກສາສັນຕິພາບ ໃນໄລຍະ 2021-2023. ຫວຽດນາມ ກໍ່ຈະຈັດຕັ້ງສະເຫຼີມສະຫຼອງ 80 ປີ ວັນສ້າງຕັ້ງກອງທັບປະຊາຊົນຫວຽດນາມ ແລະ ວາງແຜນການຈະຈັດຕັ້ງງານວາງສະແດງການປ້ອງກັນຊາດສາກົນຢູ່ຫວຽດນາມ ໃນປີ 2024.
ນອກຈາກນັ້ນ,ທ່ານພົນໂທ ຫງວຽນເຕີນເກື່ອງ ກໍ່ເນັ້ນໜັກເຖິງຫົວຂໍ້ “ສັນຕິພາບ, ຄວາມວັດທະນາຖາວອນ ແລະ ຄວາມໝັ້ນຄົງ” ຂອງປະທານ ASEAN ອິນໂດເນເຊຍ ສ່ອງແສງໃຫ້ເຫັນຄວາມປາຖະຫນາລວມຂອງປະເທດສະມາຊິກຂອງປະຊາຄົມ ASEAN ແມ່ນຍົກສູງຄວາມຕິດພັນກັນ, ສາມັກຄີ, ຮ່ວມກັນມຸ່ງໄປສູ່ອະນາຄົດ, ໃນນັ້ນປະຊາຊົນເປັນໃຈກາງ; ໂດຍເນັ້ນໜັກວ່າ ກອງທັບຂອງບັນດາປະເທດ ASEAN ແມ່ນໜຶ່ງເຈົ້າກຳທີ່ບໍ່ອາດຕັດແຍກອອກຈາກການຮັບມືກັບບັນດາສິ່ງທ້າທາຍລວມຢູ່ພາກພື້ນໄດ້, ພິເສດແມ່ນໃນສະພາບຄວາມໝັ້ນຄົງທີ່ສັບສົນໃນປະຈຸບັນ, ເພື່ອສັນຕິພາບ, ຄວາມວັດທະນາຖາວອນ ແລະ ຄວາມໝັ້ນຄົງ.
ທີ່ກອງປະຊຸມ ACDFM-20 ກໍ່ໄດ້ຮັບຟັງບົດລາຍງານໝາກຜົນກອງປະຊຸມຜູ້ນຳສືບຂ່າວກອງທັບບັນດາປະເທດອາຊຽນ ຄັ້ງທີ 20 (AMIM-20) ແລະ ກອງປະຊຸມຫົວໜ້າກົມສູ້ຮົບກອງທັບບັນດາປະເທດອາຊຽນ ຄັ້ງທີ 13 (AMOM-13) ທີ່ໄດ້ຈັດຂຶ້ນໃນວັນທີ 5-6 ມິຖຸນາ ທີ່ຜ່ານມາ. ໜຶ່ງໃນບັນດາເນື້ອໃນທີ່ໄດ້ຮັບຄວາມສັນໃຈ ແລະ ຕີລາຄາສູງຈາກບັນດາຜູ້ແທນແມ່ນໃນກອງປະຊຸມ AMIM-20, ບັນດາປະເທດໄດ້ເຫັນດີຮັບຮອງເອົາເອກະສານລະບຽບຫຼັກການສ້າງຕັ້ງສະມາຄົມສືບຂ່າວກອງທັບ ASEAN (AMIC) ແລະ ກອງປະຊຸມການນຳ AMIC ເຊິ່ງຈະຈັດຢູ່ຫວຽດນາມໃນໄລຍະໄວທີ່ສຸດ. ທ່ານພົນໂທ ຫງວຽນເຕີນເກື່ອງ ກໍ່ຊົມເຊີຍຕໍ່ການສະໜັບສະໜູນໜູນທີ່ປະດິດສ້າງ AMIC ໂດຍການສະເໜີຂອງປະເທດຫວຽດນາມ ແລະ ອິນໂດເນເຊຍ.
ດີງເລື້ອງ
