 |
ແຂກເຂົ້າຮ່ວມຊົມການແຕ່ງອາຫານ ຫວຽດນາມ. (ພາບ: ເຊີນນາມ/Vietnam+)
ກ່າວຄຳປາໄສເປີດງາມຄັ້ງນີ້ ທ່ານເອກອັກຄະລັດຖະທູດຜູ້ມີອຳນາດເຕັມ ຫງວ໋ຽນຫ໋າຍບັ່ງ ໄດ້ເນັ້ນໜັກວ່າ: ອາຫານແມ່ນເອກກະລັກຂອງຫວຽດນາມ ແລະ ອາຫານຫວຽດນາມ ໄດ້ຮັບການຍົກຍ້ອງຈາກປະຊາຄົມໂລກ ຍ້ອນຄຸນຄ່າດ້ານໂພສະນາການ ກໍ່ຄືຕິດພັນກັບວັດທະນຳ.
 |
ທ່ານ ຫງວ໋ຽນຫ໋າຍບັ່ງ ປາໄສໃນງານສັບປະດາວັດທະນະທຳ ແລະ ອາຫານຫວຽດນາມ. (ພາບ: ເຊີນນາມ/Vietnam+)
ທ່ານ ຫງວ໋ຽນຫ໋າຍບັ່ງ ໄດ້ຍົກສິ່ງທີ່ພົ້ນເດັ່ນທີ່ປະຊາຄົມໂລກສົນໃຈໃນອາຫານຫວຽດນາມ ຖ້າເວົ້າເຖິງການໂຄສະນາ-ເຜີຍແຜ່ ວັດທະນະທຳການກິນຂອງຫວຽດນາມ ຢູ່ບັນດາປະເທດໃນໂລກ ເວົ້າສະເພາະແມ່ນ ປະເທດໄທ, ບັນດາຮ້ານອາຫານ-ພັດທະຄານ ຫວຽດນາມ ດຶງດູດແຂກນັກຊິມ, ສະແດງຄວາມອ່ອນນ້ອມຂອງປະຊາຊົນທີ່ເຂດດັ່ງກ່າວ ແລະ ເພື່ອນມິດໃນໂລກຕໍ່ກັບອາຫານຫວຽດນາມ.
 |
ການສະແດງສິນລະປະຂອງສິນລະປິນຫວຽດນາມ.(ພາບ: ເຊີນນາມ/Vietnam+)
ເຂົ້າຮ່ວມໃນພິທີເປີດງານສັບປະດາ ໂຄສະນາ-ເຜີຍແຜ່ ຄັ້ງນີ້ ມີຕ່າງໜ້າ ສະຖານທູດບັນດາປະເທດ ປະຈຳຢູ່ບາງກອກ, ເພື່ອນມິດສາກົນ ພ້ອມທັງບັນດາຕ່າງໜ້າຄົນຫວຽດນາມທີ່ອາໄສ ແລະ ດຳລົງຊີວິດຢູ່ ບາງກອກ ແລະ ແຂວງຕ່າງໆ ຂອງປະເທດໄທ.
ບັນດາອາຫານມີຄວາມເປັນເອກກະລັກ ໄດ້ຖືກພໍ່ຄົວ ບຸ່ຍວັນດາມ ຈາກນະຄອນ ໂຮ່ຈີ໋ມິງ ປຸງແຕ່ງຕໍ່ໜ້າບັນດາແຂກ ໃນຄະນະທີ່ລາຍການສະແດງສິນລະປະ ຂອງຄະນະ ສິນລະປະ ໂຮ່ນຫວຽດ ມາຈາກ ສະຖາບັນ ດົນຕີແຫ່ງຊາດຫວຽດນາມ ດຶງດູດຜູ້ຊົມຢ່າງຫຼວງຫຼາຍ.
ໃນງານຍັງປະກອບມີ ການວາງສະແດງ ຮູບພາບລະບາຍສີ ຂອງຈິດຕະກອນ ຊາວໄທ ສັນຊາດຫວຽດນາມ ຈັດຂື້ນໂດຍ 333 Bababa Gallery.
（ຫັດທະບູນ）
