| ຫວຽດນາມ ເຂົ້າຮ່ວມກອງປະຊຸມວິທະຍາສາດ ແລະ ເຕັກໂນໂລຊີສະບຽງອາຫານທົ່ວໂລກຢູ່ ສິງກະໂປ | |
| ມະຫາວິທະຍາໄລທຸລະກິດ ແລະ ເຕັກໂນໂລຊີ ຮ່າໂນ້ຍ: ຊ່ວຍນັກສຶກສາລາວຫຼໍ່ລ້ຽງຄວາມຝັນຂອງຕົນ |
ໃນຕອນບ່າຍວັນທີ 28 ພຶດສະພາ, ການພົບປະສອງຝ່າຍຄັ້ງທີ 2 ລະຫວ່າງສະຖາບັນບັນດິດວິທະຍາສາດ ແລະ ເຕັກໂນໂລຊີຫວຽດນາມ ແລະ ກະຊວງເຕັກໂນໂລຊີ ແລະ ສື່ສານ ລາວ ໄດ້ດຳເນີນຢູ່ຮ່າໂນ້ຍ.
ກ່າວຄຳເຫັນທີ່ວາລະເປີດກອງປະຊຸມ, ທ່ານ ເຈົາວັນມິນ, ປະທານສະຖາບັນບັນດິດວິທະຍາສາດ ແລະ ເຕັກໂນໂລຊີ ຫວຽດນາມ ໄດ້ຕີລາຄາສູງບັນດາຄວາມມານະພະຍາຍາມຂອງບັນດາຫົວໜ່ວຍຂອງສອງປະເທດໃນໄລຍະຜ່ານມາ ທີ່ໄດ້ມີການເຄື່ອນໄຫວແລກປ່ຽນ, ເຈລະຈາ ແລະ ສ້າງແຜນການລະອຽດ ເພື່ອຈັດຕັ້ງປະຕິບັດສັນຍາການຮ່ວມມືດ້ານເຕັກໂນໂລຊີ ແລະ ປ່ຽນແປງໃໝ່ປະດິດສ້າງ ລະຫວ່າງ ສະຖາບັນບັນດິດວິທະຍາສາດ ແລະ ເຕັກໂນໂລຊີຫວຽດນາມ ແລະ ກະຊວງເຕັກໂນໂລຊີ ແລະ ສື່ສານ ລາວ.
 |
ຕາມທ່ານ ເຈົາວັນມິນ ແລ້ວ, ໃນວິວັດການອຸດສາຫະກຳ 4.0 ປະຈຸບັນ, ແຫຼ່ງຊັບພະຍາກອນມະນຸດທີ່ມີຄຸນນະພາບສູງ ພ້ອມກັບວິທະຍາສາດ - ເຕັກໂນໂລຢີ ແລະ ປ່ຽນແປງໃໝ່ປະດິດສ້າງ ໄດ້ກາຍເປັນແຫຼ່ງກຳລັງຜະລິດທີ່ທັນສະໄໝ, ໄດ້ປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ລະດັບຄວາມໄວ ແລະ ຄຸນນະພາບການພັດທະນາຂອງບັນດາປະເທດ ແລະ ພື້ນຖານເສດຖະກິດ. ແລະ ດ້ວຍທ່າອ່ຽງຂອງການຫັນເປັນໂລກພິວັດຢ່າງແຮງ, ການເປີດກວ້າງ, ສົມທົບກັນພັດທະນາເຕັກໂນໂລຊີ ແລະ ປ່ຽນແປງໃໝ່ປະດິດສ້າງ ກໍ່ແມ່ນປັດໄຈສົມທົບກັນ ເພື່ອໃຫ້ບັນດາປະເທດ, ພິເສດແມ່ນບັນດາປະເທດພວມພັດທະນາ, ຄື ຫວຽດນາມ ແລະ ລາວ ສາມາດປະຕິບັດບັນດາຈຸດໝາຍພັດທະນາແບບຍືນຍົງ.
ທີ່ກອງປະຊຸມ, ທ່ານ ບໍວຽງຄຳ ວົງດາລາ ສະແດງຄວາມປິຕິຊົມຊື່ນທີ່ ໄດ້ເຮັດວຽກກັບສະຖາບັັນບັນດິດວິທະຍາສາດ ແລະ ເຕັກໂນໂລຊີຫວຽດນາມ ໃນຖານະຕຳແໜ່ງໃໝ່ ເປັນລັດຖະມົນຕີກະຊວງເຕັກໂນໂລຊີ ແລະ ສື່ສານລາວ. ສະຖາບັນບັນດິດວິທະຍາສາດ ແລະ ເຕັກໂນໂລຊີຫວຽດນາມ ເປັນຄູ່ຮ່ວມງານດ້ານວິທະຍາສາດ ແລະ ເຕັກໂນໂລຊີ ທີ່ສຳຄັນຂອງສະຖາບັນຄົ້ນຄວ້າຂອງລາວ ໃນນັ້ນມີ ກະຊວງເຕັກໂນໂລຊີຂໍ້ມູນຂ່າວສານ.
ຄຳຮຸ່ງ
