ຊາວໜຸ່ມເຊື້ອສາຍຫວຽດນາມ ເຂົ້າຢ້ຽມຢາມ ແລະ ມອບຂອງຂວັນໃຫ້ ເດັກກຳພ້າ ແລະ ເສຍອົງຄະ.
ເມື່ອມາຮອດ ນະຄອນ ໂຮ້ຍອານ ມື້ວັນທີ 18 ກໍລະກົດ ຄະນະຊາວໝຸ່ມຄົນຫວຽດນາມສັນຊາດຕ່າງປະເທດ ໄດ້ຢ້ຽມຢາມ, ມອບຂອງຂວັນ ໃຫ້ສູນລ້ຽງເດັກກຳພ້າ ແລະ ພິການ ແຂວງ ກ້ວາງນາມ. ຕະລຶງນຳຄວາມງາມຂອງເມືອງເກົ່າໂຮ້ຍອານ ຫຼັງຄາເຮືອນເກົ່າເຮັດດ້ວຍດິນຂໍທີ່ເກີດມີເທົາເກາະຕິດ, ນ້ອງຟ້າມເຟືອງແອັງ ( ອາຍຸ 16 ປີ, ເກີດຢູ່ຮ່າໂນ້ຍ ແຕ່ໄປອາໄສຢູ່ນຳຄອບຄົວຢູ່ປະເທດ ໂປໂລຍ) ໄດ້ແບ່ງປັນວ່າ ລາວຍັງບໍ່ທັນມີໂອກາດໄປທ່ຽວໃສຫຼາຍຕອນຢູ່ຫວຽດນາມ, ສະນັ້ນນີ້ແມ່ນໂອກາດທີດີ ທີ່ລາວຈະຊອກຄົ້ນ ຄວາມງາມຂອງບ້ານເກີດເມືອງນອນຂອງຕົນ. ພາຍຫຼັງ 1 ອາທິດ ທີ່ເຂົ້າຮ່ວມຄ້າຍລະດູຮ້ອນ ຫວຽດນາມ " 15 ປີ - ເຊື່ອມອ້ອມກອດອັນຍິ່ງໃຫຍ່ " ດ້ວຍການເຄື່ອນໄຫວກິດຈະກຳທີ່ມີຄວາມໝາຍ, ເຟືອງແອັງ ໄດ້ເຜີຍຄວາມໃນໃຈວ່າ ລາວເຂົ້າໃຈຫຼາຍຂື້ນກ່ຽວກັບວັດທະນະທຳອັນເປັນເອກກະລັກຂອງຫຼາຍແຂວງ, ນະຄອນທີ່ຄ້າຍໄດ້ຜ່ານມາ.
ເຟືອງແອັງແບ່ງປັນວ່າ: "ເມື່ອກັບໄປໂປໂລຍແລ້ວ ລາວຈະແນະນຳໃຫ້ໝູ່ເພື່ອນຕ່າງປະເທດຂອງລາວ ຮູ້ຫຼາຍຂື້ນກ່ຽວກັບ ຄົນຫວຽດນາມ, ສະຖານທີ່ທ່ອງທ່ຽວຂອງບ້ານເກີດເມືອງນອນຂອງຕົນ. ອີກບໍ່ດົນນີ້ລາວແລະຄອບຄົວຈະກັບມາ ຫວຽດນາມອີກ, ແລະ ໃຊ້ເວລາຫຼາຍຂື້ນໃນການຊອກຮູ້ ຄົ້ນຫາ ກ່ຽວກັບ ສະຖານທີ່ທ່ອງທ່ຽວທາງປະຫວັດສາດ , ສະຖານທີ່ທ່ອງທ່ຽວທີ່ມີຊື່ສຽງຂອງປະເທດ".
ຜ່ານການຈັດຕັ້ງໂຄງການ 14 ຄັ້ງ ແຕ່ປີ 2004, ຄ້າຍລະດູຮ້ອນໄດ້ກາຍເປັນ ເຫດການປະຈຳປີ ທີ່ມີຄວາມໝາຍສຳຄັນ ສຳລັບຊາວໜຸ່ມເຊື້ອສາຍຫວຽດນາມ ທົ່ວທຸກທິດໃນໂລກກັບຄືນມາບ້ານເກີດເມືອງນອນ ພົບປະ, ແລກປ່ຽນ ແລະ ຊອກຮູ້ກ່ຽວກັບຕົ້ນກຳເນີດວັດທະນະທຳ, ປະຫວັດສາດ, ມູນເຊື້ອຮັກຊາດຂອງປະຊາຊົນບັນດາເຜົ່າ.
ຊາວໜຸ່ມເຊື້ອສາຍຫວຽດນາມ ເຂົ້າຢ້ຽມຢາມ ແລະ ມອບຂອງຂວັນໃຫ້ ເດັກກຳພ້າ ແລະ ເສຍອົງຄະ.
ໂຄງການ "ຄ້າຍລະດູຮ້ອນຫວຽດນາມ 2018" ມີການເຂົ້າຮ່ວມຂອງຕົວແທນຊາວໜຸ່ມເຖິງ 120 ຄົນ, ອາຍຸຕັ້ງແຕ່ 16-24ປີ ມາຈາກ 29 ປະເທດຂອງທະວີບ ອາຊີ, ເອີລົບ, ອາຟລິກາ, ອາເມລິກາ. ທ່ານນາງ ວູ໋ຕູ໋ແອັງ ຮອງຫົວໜ້າກົມ ຖະແຫຼງຂ່າວ ຄະນະກຳມະການລັດຖະບານຫວຽດນາມ ຢູ່ຕ່າງຕ່າງປະເທດ, ໃຫ້ຮູ້ວ່າ ຂະບວນການ “ ເຊື່ອມຕໍ່ອ້ອມກອດອັນຍິ່ງໃຫຍ່” ຂອງຄ້າຍລະດູຮ້ອນ ຫວຽດນາມ 2018 ຈະດຳເນີນໄປໄລຍະເວລາ 15ວັນ, ຜ່ານ 11 ແຂວງນະຄອນ ດ້ວຍກິດຈະກຳທີ່ມີຄວາມໝາຍສຳຄັນ ແລະ ຫຼາກຫຼາຍ. ນີ້ແມ່ນໂອກາດໃຫ້ຊາວໜຸ່ມເຊື້ອສາຍຫວຽດນາມທົ່ວໂລກກັບ ບ້ານເກີດເມືອງນອນ ແລະ ຮຽນຮູ້ເອກກະລັກຂອງວັດທະນະທຳຢ່າງເລິກເຊິ່ງ, ຮູ້ເຖິງກົກເຄົ້າກຳເນີດ ຂອງພື້ນຖານອະລິຍະທຳ. ຊາວໜຸ່ມເຊື້ອສາຍຫວຽດນາມຈະຮ່ວມກັນຊອກຮູ້ຕື່ມກ່ຽວກັບ ນະໂຍບາຍພາຍໃນ, ຕ່າງປະເທດ ກໍ່ຄືນະໂຍບາຍ ພັດທະນາເສດຖະກິດ, ສັງຄົມຂອງພັກ-ລັດ ຫວຽດນາມ…, ຈາກນັ້ນຍົກສູງຄວາມພາກພູມໃຈຊົນເຜົ່າ, ຜູກພັນກັບບ້ານເກີດເມືອງນອນຫຼາຍຂື້ນ.
ໂຄງການຄ້າຍລະດູຮ້ອນ ຫວຽດນາມ ຈັດໂດຍ ຄະນະກຳມະການ ລັດຖະບາຍກ່ຽວກັບຄົນຫວຽດນາມ ຢູ່ຕ່າງປະເທດ, ກະຊວງການຕ່າງປະເທດ ທຸກໆປີໃຫ້ແກ່ຊາວໜຸ່ມ, ນັກຮຽນເຊື້ອຊາດຫວຽດນາມ ທີ່ກຳລັງຮຳຮຽນ ແລະ ດຳລົງຊີວິດຢູ່ 109 ປະເທດໃນທົ່ວທຸກມຸມໂລກ. ພາຍຫຼັງ 14ປີ ຈັດຕັ້ງປະຕິບັດ, ຄ້າຍລະດູຮ້ອນ ຫວຽດນາມ ດຶງດູດນ້ອງນ້ອຍຊາວໜຸ່ມເຂົ້າຮ່ວມ ເຖິງ 2.000ຄົນ , ນັກຮຽນມາຈາກ 30 ປະເທດທົ່ວໂລກ. ນີ້ແມ່ນຕົວແທນທີ່ດີເດັ່ນ ໃນຂະແໜງການຮຽນ, ກິລາ, ສິນລະປະ… ມີການປະກອບສ່ວນເຂົ້າໃນຂະບວນການກໍ່ສ້າງມວນມະຫາຊົນ, ໄດ້ຮັບການຄັດເລືອກຈາກສະມາຄົນຄົນຫວຽດນາມຢູ່ຕ່າງປະເທດໃນໂລກ.
(ຫັດທະບູນ)